Birtingur - 01.01.1965, Side 46

kemí sinni helur hann náð að gæða litina í
stungumyndum sínum dularfullum hljómi
sem sækir á við kynningu og orkar undarlega
sterkt á hugmyndaflugið og virðist túlka með
sérlega áhrifamiklum hætti tímabær viðhorf
um eðli alheimsins, geimvíddir búa þar með
annarlegum söng, undarlegt sog og þensla
virðast samtímis búa í þessum myndum,
stundum vitum við ekki hvort við horfum á
fæðingu veraldar eða upplausn, málverk eftir
hann vekur huganum kannski tilfinninguna
um að horft sé á álfur fæðast á landsýnitjaldi
sem tekur yfir árþúsundaþróun, milljóna.
Á næstsíðasta Biennale í Feneyjum hlaut Vir-
duzzo heiðurslaun fyrir graflist sína.
Virduzzo er þrekinn og kraftalegur maður og
ber með sér að hafa verið sjómaður, sterkur
persónuleiki sem fer sínu fram og þykir stund-
um full hispurslaus því tepruhyski sem reynir
að tolla í tízkunni og lítur á listina sem af-
þreyingu í samkvæmislífi.
Virduzzo hefur hlotið fjölda verðlauna fyrir
list sína einkum graflist og hefur sýnt víða
um lönd allt frá Tokyo til Guadalajara,
Utrecht til Kaupmannahafnar og Óslóar, í
Mexíkó City og New York og París og svo
framvegis.
Virduzzo er kvæntur gáfaðri menntakonu af
frönskum ættum frá Túnis: Francine Vir-
duzzo, þau eiga einn son og búa skammt frá
því merkilega torgi í Róm sem heitir Piazza
del Popolo. Það eru til merkilegar stungu-
myndir eftir Virduzzo frá 1952 af því torgi.
Þær eru í ýmsum litum og sýna torgið í
heitri sól sumarsins, eða á hausti, dularfulla
kyrrð þess um nótt þegar radclir dagsins eru
að gleymast.
Sikiley þaðan sem Virduzzo kemur er ásamt
Islandi mesta eldfjallaland álfunnar.
44
BIRTINGUR