Birtingur - 01.01.1965, Qupperneq 66

að sögn þjóðleikhússtjóra er alltaf hörgull á
nýjum íslenzkum leikritum. Hvers eigum við
að gjalda? Eru hér annarleg öfl að verki?
Það hlýtur að vera frábært verk sem bjóð-
leikhúsið mælir með við erlend leikhús. Hið
unga efnilega skáld ætti ekki að sætta sig við
svona meðferð. Eða hvað?
Lagerkrantz og Dante
Þar kom að því að Norðurlandamenn fengu
kynningu við hæfi á höfuðskáldinu Dante.
Skáldið Olof Lagerkrantz, allir vita að hann
er líka ritstjóri stórblaðs, kom til Reykjavíkur
að þiggja verðlaun Norðurlandaráðsins fyrir
bókina sína um Dante: Frá Viti til Paradisar.
Þetta er eflaust aðgengilegasta bókin fyrir
okkur að kynnast Dante. Ætlar ekki eitthvert
bókaforlagið að láta þýða þessa snjöllu bók
sem er ekki aðeins rituð af frábærri þekkingu
og gáfum heldur sérdeilislega læsileg og
skemmtileg. Ég er ekki að ætlast til að Menn-
ingarsjóður stilli sig um að gefa út bók
þingeyska stórlaxins sem er sjálfsagt við hæfi
sumra þeirra sem nú sitja í Menntamálaráði
miklu fremur en höfuðskáldið frá Flórenz. Ég
veit að það þýðir ekki á íslandi í dag að gera
slíkar kröfur. En væri einhver alvara í þess-
ari stofnun og skyldurækni ráðandi, þá væri
hér hið ákjósanlegasta tækifæri til að bera á
vit íslendingum efni sem í eina tíð hefði
áreiÖanlega þótt bjóðandi fróðleiksfúsu fólki.
Lagerkrantz vitnar í T. S. Eliot sem sagði
að hann þráöi að nálgast Dante í þroska sín-
um eftir því sem aldurinn færðist yfir. Það
vildi ég líka, segir Lagerkrantz. Allsstaðar
skynjum við ást Lagerkrantz á viðfangsefninu,
sú ást er ekki fædd og alin blind heldur er
bókin skrifuð af skarpskyggni og gagnrýni.
Við finnum að Lagerkrantz hefur kannað
Dante þegar hann var sjálfur í sálarnauð og
dregið sér styrk úr skáldverki Dante á ferða-
lagi með skáldinu úr myrkri í ljósið. Alls-
staðar spyr Lagerkrantz: hvað getur Dante
sagt okkur sem lifum í dag? Og þess vegna
er bókin verðmætust.
Uppákomur
Delerantar alheimsandans hafa fundið upp
á nýju leikformi sem kemur væntanlega hing-
að eftir nokkur ár þegar það er dautt annars-
staðar: Happenings, Uppákomur. Þar virðist
allt vera jafngilt sem kemur upp á. Gott ef
það byrjaði ekki í Bandaríkjunum með því
sniði sem nú hefur tíðkazt.
í París var haldin mikil hátíð þar sem hug-
vitsmennirnir sem voru ungir saklausir Banda-
ríkjamenn í París sýndu meðal annars fólk
að elskast í plastpoka uppi á bílþaki; en sá
sem þótti beztur gekk inn á sviðið, settist á
stól og stillti sig um að gera nokkuð. Hann
64
BIRTINGUR