Ljósmæðrablaðið - 15.05.2006, Blaðsíða 4
Ritstjórnarspjall
Það er komið sumar og framundan eru
bjartar sumarnætur með blóm í haga.
Þá er gott að geta gripið í innihaldsríkt
fagtímarit okkar ljósmæðra og lesa það
efni sem þar er fjallað um, sér til gagns
og gamans.
I þessu blaði verður töluvert fjallað
um verki í fæðingu, enda ljósmæðrum
hugleikið efni. Berglind Hálfdánsdóttir,
ljósmóðurnemi fjallar um áhrif verkja
á konur, viðhorf til verkja fyrr og nú,
áhrif erfða á endorfínframleiðslu og
hlutverk verkja í fæðingu. Valgerður
Lísa Sigurðardóttir, ljósmóðir skrif-
ar um nálastungumeðferð í fæðingu.
Hún hefur skoðað erlendar rannsóknir á
þessu sviði og hér skýrir hún frá helstu
niðurstöðum þeirra er varða áhrif nál-
astungna á verki og slökun í fæðingu,
áhrif á lengd fæðingar og áhrif á notkun
verkjalyfja og deyfinga í fæðingu. Þó
svo að notkun nálastungumeðferðar í
fæðingum sé orðin nokkuð almenn má
ekki gleyma því að ekki er langt síðan
að sú meðferð ruddi sér til rúms hér
á landi og er nokkuð víst að ef um
slíka meðferð hefði verið rætt fyrir 40-
50 árum hefðu viðtökurnar verið með
öðrum hætti en þær hafa verið, eins og
við þekkjum.
Því er ómetanlegt fyrir okkur ljós-
mæður, bæði eldri og yngri, að heyra
sögur frá því í gamla daga. Það kannast
eflaust margar ljósmæður af eldri kyn-
slóðinni við lýsingarMaríu Björnsdóttur
sem rifjar upp gamlar minningar úr
Ljósmæðraskólanum frá 1959-1960
hér í blaðinu. Okkur af yngri kynslóð-
Anna Sigríður
Vernharðsdóttir
og
Bergrún Jónsdóttir
inni þykir með ólíkindum að heyra að
hanskar hafi verið bættir og endurnýttir
eins og tíðkaðist í þá daga. Meira að
gamni en í alvöru þá viljum við hvetja
deildarstjóra nútímans að kynna sér þá
fýrirhyggjusemi sem tiðkaðist varðandi
„spariskápa“ fyrir lín því þó að margt
hafi breyst kemur jú enn fyrir að það
skorti lín, sérstaklega á stórhátíðum!
Það er skemmtilegt að heyra um störf
ljósmæðra sem starfa utan sjúkrahúsa
og koma hugleiðingar ljósmóður að
þessu sinni frá Áslaugu Valsdóttir, ljós-
móður á Höfn í Hornafirði sem veltir
þvi fýrir sér hvaða augum starf hennar
er litið. Áslaug er ein af örfáum sveita-
ljósmæðrum landsins. Hún hefur sinnt
mæðravernd, fæðingum og sængurlegu í
sinni sveit í nokkur ár og er athyglisvert
að lesa um hvernig slíkt starf er metið.
Félagsstarf Ljósmæðrafélagsins
blómstrar um þessar mundir og verða því
gerð skil hér í blaðinu, að venju. Einnig
er gerð grein fýrir stjórnarfundi NJF sem
haldinn var í Svíþjóð nú á vordögum.
Það er hollt og gott að líta út fýrir land-
steinana og heyra af því sem stallsystur
okkar á norðurlöndunum eru að fást við
hveiju sinni svo og að fýlgjast með þróun
menntunar- og kjaramála þeirra.
Að lokum viljum við minna á að
Ljósmæðrablaðið er vettvangur fýrir
ljósmæður til að viðra skoðanir sínar
á faginu og því sem er í brennidepli á
líðandi stund. Það er mikilsvert að hafa
fagtímarit þar sem ekki birtast eingöngu
ritrýndar fræðigreinar heldur einnig
vangaveltur ljósmæðra. Að því sögðu
þökkum við ljósmæðrum fýrir góð við-
brögð varðandi beiðnir um greinaskrif
i blaðið.
Við vonum að þið njótið blaðsins og
sumarsins!
4 Liósmæðrablaðið mai' 2006