Ljósmæðrablaðið - 15.05.2006, Síða 24

MERKIR ÁFANGAR í LJÓSMÆÐRASTÉTTINNI
Málþin,
náms
tilefni lOáraafmælis
í Ijósmóðurfræði
Þann 15. janúar síðastliðinn voru 10 ár
liðin frá því að nám í ljósmóðurfræði
hófst við Háskóla Islands. í tilefni þess
var efnt til málþings og var það haldið
20. janúar í Eirbergi. Dagskrá var fjöl-
breytt, en megináhersla var á þá þróun
sem átt hefur sér stað í námi ljósmæðra
þau 10 ár sem námið hefúr verið innan
háskólans og hvernig því yrði best
komið í framtíðinni.
í upphafi málþingsins rakti Ólöf
Asta Ólafsdóttir, námsstjóri í ljósmóð-
urfræði, stuttlega tilefni málþingsins. í
hennar máli kom fram að þessi 10 ár
sem ljósmæður eru að halda upp á nú,
eru aðeins brot af langri menntunar-
sögu stéttarinnar. Á þessum 10 árum
hefur þó verð lagður grunnur að því
að þróa fræðigreinina ljósmóðurfræði
innan háskólans og efla jafnframt tengsl
hennar við samstarfsgreinar bæði innan
háskólans og utan.
Sóley Bender, varadeildarforseti
hjúkrunarfræðideildar rakti aðdrag-
anda þess að nám í ljósmóðurfræði
hófst innan Háskóla íslands. Hún lýsti
þeim straumhvörfum sem urðu í nám-
Rósa Erlendsdóttir.
Ólöf Ásta Ólafsdóttir.
Guðlaug Einarsdóttir.
Hrafnhildur Ólafsdóttir.
inu sjálfu við þessa breytingu og því
gildi sem þessi breyting hefði á sjálf-
ræði stéttarinnar. Hún vísaði jafnframt
í þróunaráætlun deildarinnar sem unnin
var fyrir nokkrum árum þar sem kveðið
er á um að ljósmóðurfræði verði skor
innan hjúkrunarfræðideildar.
Guðlaug Einarsdóttir formaður
Ljósmæðrafélags íslands rifjaði upp
námið í skólanum og vísaði i hinn breiða
vettvang sem ljósmæður starfa á. Virkni
ungra ljósmæðra á félagslegum vett-
vangi er eftirtektarverð en ljósmæður
sem útskrifast hafa frá Háskóla íslands
skipa stóran hluta þeirra, sem láta sig
hagsmuni stéttarinnar varða.
Næst tók til máls Hrafnhildur
Olafsdóttir sem lýsti fyrir áheyrendum
hvemig tilfinning það er að hefja störf
sem sjálfstæð ljósmóðir bæði á háskóla-
sjúkrahúsi og á landsbyggðinni. Hún
lýsti hversu krefjandi ljósmóðurstarfið
er en jafnframt gefandi þegar öryggi er
náð. Hvernig það er að bera ábyrgð á
kennslu nemenda á klínískum vettvangi
og hvernig hægt væri að bæta þann
þátt, sem er þungamiðjan í undirbúningi
nemenda fyrir ljósmóðurstarfið.
Steinunn Blöndal sem útskrifaðist
síðastliðið vor notaði líkingu þess að
sinna hannyrðum, sem krefst iðni og
yfirvegunar, við ljósmóðurstarfið. Hún
gaf náminu góða einkunn í víðum
skilningi sem er uppörvandi fyrir okkur
sem stöndum að menntun ljósmæðra.
Steinunn lýsti því jafnframt hversu
mikilvægt það er að ljósmæður vinni
með konum og verðandi foreldrum í
því að móta áherslur í þjónustu við
þennan hóp. Það var því vel við hæfi
að Rósa Erlendsdóttir tæki næst til
máls en Rósa er stjórnmálafræðingur
og feministi, jafnframt því að eiga þrjár
dætur. Hún vísaði í reynslu sína og gerði
okkur grein fyrir hvernig umhverfið og
reynsla í hennar fyrstu fæðingu mótuðu
viðhorf hennar og væntingar í því sem
á eftir kom. Að hafa trú á eigin getu og
treysta þeim sem koma að fæðingunni
var inntakið í hennar erindi. Fyrir okkur
sem stöndum að námi í ljósmóðurfræði
er það hvatning að heyra slík orð, þar
sem áhersla á gagnrýninn hugsunarhátt
Árdís Ólafsdóttir.
24 Liósmæðrablaðið maí 2006