Ljósmæðrablaðið - 15.05.2006, Blaðsíða 29
félagsskapar ljósmæðra 60 ára og eldri,
Ljósurnar. í stjórn félagskaparins voru
kjörnar Anna Þorsteinsdóttir, Hjördís
Karlsdóttir og María Björnsdóttir sem
einnig er formaður.
Sjóðir félagsins og úthlutanir
Tvisvar hefur verið úthlutað úr sjóðum
Ljósmæðrafélags íslands á árinu og fjór-
ar ljósmæður hlotið vilyrði fyrir styrkj-
um fyrir rannsóknir sínar. Þessar Ijós-
mæður eru: Sigríður Sía Jónsdóttir, Olöf
Ásta Óalfsdóttir, Hildur Kristjánsdóttir
og Helga Gottfreðsdóttir.
Sjóðir félagsins standa vel og unnið er
að aðild að nýjum sjóði sem styrkja mun
doktorsnema til náms. (Minningasjóður
Ingibjargar R. Magnúsdóttur, fyrrver-
andi námsbrautarstjóra námsbrautar
í hjúkrunarfræði við Háskóla Islands
og skrifstofustjóra í heilbrigðis- og
tryggingamálaráðuneytinu) Undir lið-
unum „önnur mál” verða lagðar fram
breytingar- og samræmingartillögur að
úthlutunarreglum sjóðanna þriggja
- Minningarsjóðs, Rannsóknarsjóðs og
Vísindasjóðs, til einfoldunar og hag-
ræðingar við umsóknir og úthlutun.
Erlent samstarf
Stjórn ákvað að senda ekki fulltrúa á
ICM ráðstefhu sem haldin var í Ástralíu
sl. sumar. Sú ákvörðun var tekin vegna
Ijárhagslegra ástæðna og þótti brýnna
að leggja áherslu á uppbyggingu félags-
'ns sjálfs. Meiri áhersla hefur verið lögð
á Norðurlandasamstarfið í staðinn, bæði
af fjárhagslegum og praktískum ástæð-
um.
Nú er hafin vinna við samnor-
ræna rannsókn á vegum Marianne
Mead doktors í ljósmóðurfræðum, á
áhættumati ljósmæðra við eðlilegar
fæðingar. Norrænu Ijósmæðrafélög-
in eru aðilar að rannsóknunum í sínu
heimalandi eins og Ljósmæðrafélag
íslands, en rannsakandi hér á landi er
Valgerður Lísa Sigurðardóttir. Rann-
sóknarniðurstöður munu verða kynntar
á Norðurlandaráðstefnu Ijósmæðra sem
haldin verður í Turku í Finnlandi næsta
vor. Upplýsingar um ráðstefnuna má
finna á heimasíðu Ljósmæðrafélagsins.
Samningar
Um mánaðamótin febrúar-mars voru
ljósmæður og störf þeirra áberandi í
fjölmiðlum þegar viðræður okkar við
TR stóðu yfir. Eins og Ijósmæður muna,
hefur okkur staðið veruleg ógn af skipu-
lagsbreytingum sem hótað hafði verið
síðastliðin ár og ljósmæður óttuðust að
missa heimaþjónustusamningana þann-
ig að öll heimaþjónusta yrði flutt til
heilsugæslunnar. Væntingarnar voru því
ekki miklar i byrjun samningsviðræðna,
enda töldum við okkur eiga í vök að
verjast.
Ljósmæður fengu mjög jákvæða
umfjöllun og byr bæði í ijölmiðlum
og á Alþingi þar sem fulltrúar allra
þingflokka hrósuðu heimaþjónustu ljós-
mæðra í sængurlegu og hvöttu til að
gengið yrði að kröfum okkar. Mikil sam-
staða var meðal ljósmæðra, sem land-
aði okkur 25% hækkun á samningstíma-
bilinu á heimaþjónustusamningum
okkar, auk kílómetragjalds sem nýtist
landsbyggðarljósmæðrum og greiðslum
fyrir aðstoðarljósmóður við heimafæð-
ingar. Aftur var það kostnaðargreining
þjónustunnar sem studdi okkur í bar-
áttu okkar fyrir hækkun, líkt og tæplega
30% hækkunin sem náðist á greiðslur
fyrir heimafæðingar eftir síðustu samn-
inga.
í haust hefst svo vinna við gæða-
starf heimaþjónustunnar á vegum Ljós-
mæðrafélags íslands. Allar ljósmæður
sem sinna heimaþjónustu munu sækja
símenntunarnámskeið Lj ósmæðrafélags-
ins og allar upplýsingar verður hægt
að finna á nýju innra neti á heimasíðu
félagsins.
Mikil vinna vegna stofnanasamninga
hefur verið hjá 16 fulltrúum í sam-
starfsnefndum á 19 stofnunum um allt
land. Nú eru þær samningaviðræður á
lokasprettinum.