Fréttablaðið - 20.01.2012, Qupperneq 2

20. janúar 2012 FÖSTUDAGUR2
HÆSTIRÉTTUR Norðurál er bóta-
skylt vegna skaða sem fyrrver-
andi starfsmaður fyrirtækisins
hlaut við að bjarga samstarfs-
konu í vinnuslysi, samkvæmt
dómi Hæstaréttar í gær.
Hæstiréttur snýr við dómi
Héraðsdómur Reykjavíkur í júlí
í fyrra sem sýknaði Norðurál og
tryggingafélagið Sjóvá af bóta-
kröfu mannsins.
Maðurinn meiddist í baki þegar
hann og annar lyftu 620 kílóa
bakskautaklemmu sem fallið
hafði á samstarfskonu þeirra.
Slysið varð 21. september 2005.
Norðuráli er jafnframt gert að
greiða manninum 1,2 milljónir
króna í málskostnað. - óká
Dómi héraðsdóms snúið við:
Norðurál dæmt
bótaskylt í slysi
DÓMSMÁL Eignir athafnamanns-
ins Jóns Ásgeirs Jóhannessonar
og Lárusar
Welding, fyrr-
verandi for-
stjóra Glitnis,
hér á landi
verða áfram
kyrrsettar að
kröfu slita-
stjórnar bank-
ans. Hæstirétt-
ur kvað upp
úr með það í
gær að kyrrsetningin stæðist lög
þrátt fyrir mótmæli tvímenning-
anna sem hafa í hálft annað ár
reynt að fá henni hnekkt.
Eignirnar voru kyrrsettar
vegna sex milljarða króna skaða-
bótamáls sem kennt er við fast-
eignakeðjuna Aurum. Um er að
ræða fasteignir, bíla, bankainn-
stæður og hlutabréf. Andvirði
kyrrsettra eigna Jóns Ásgeirs
var þá metið á um 197 milljónir
og Lárusar um 70 milljónir. - sh
Eignir Jóns Ásgeirs og Lárusar:
Kyrrsetningin
stenst skoðun
JÓN ÁSGEIR
JÓHANNESSON
LÖGREGLUMÁL Héraðsdómur
Reykjavíkur féllst í gær á kröfu
lögreglu um framlengingu gæslu-
varðhalds yfir Einari Marteins-
syni, forsprakka Hells Angels á
Íslandi, og þremur öðrum sem
grunaðir eru um að tengjast
hrottalegri árás á konu í Kópa-
vogi fyrir jól. Þeir munu sitja í
haldi til 16. febrúar.
Tveir voru handteknir eftir
árásina en í kjölfarið var ráðist á
konuna aftur, sem leiddi til þess
að fleiri voru handteknir. Fimm
hafa setið í varðhaldi vegna
málsins undanfarna viku, fjórir
karlar og ein kona, en einum var
sleppt úr haldi í gær. Einar er
grunaður um að hafa fyrirskipað
árásina, sem mun eiga sér rætur
í persónulegum deilum.
Þá var varðhald enn fremur
framlengt yfir þremur liðsmönn-
um vélhjólasamtakanna Outlaws
sem grunaðir eru um aðild að
skotárás í Bryggjuhverfinu. - sh
Gæsluvarðhald framlengt:
Foringi Hells
Angels verður
áfram í haldi
ÞJÓÐKIRKJAN Kristján Valur Ing-
ólfsson, vígslubiskup í Skálholti,
hefur ákveðið að gefa kost á sér í
embætti biskups
Íslands. Hann
staðfesti það í
samtali við Vísi
í gær.
Þar sagðist
hann hafa
fengið margar
áskoranir um að
gefa kost á sér.
Kristján
Valur var vígð-
ur í embætti vígslubiskups í Skál-
holti í september síðastliðnum.
Ekki liggur enn ljóst fyrir hve-
nær kosningarnar munu fara
fram. Nýr biskup verður vígður
næsta sumar. - þj
Vígslubiskup í biskupskjöri:
Kristján Valur
gefur kost á sér
KRISTJÁN VALUR
INGÓLFSSON
DÓMSMÁL Hæstiréttur hefur þyngt
fangelsisdóm yfir tæplega fimm-
tugum Vestmannaeyingi úr sjö
árum í átta. Maðurinn braut gróf-
lega gegn þremur stúlkum á aldr-
inum sjö til ellefu ára í skjóli trún-
aðartrausts sem myndaðist vegna
sambands hans við móður einnar
þeirra. Hann nauðgaði meðal ann-
ars einni þeirra sex sinnum.
Héraðsdómur sakfelldi manninn
ekki fyrir nauðgunarbrot heldur
einungis barnaníð en Hæstiréttur
túlkar herta kynferðisbrotalög-
gjöf þannig að kynmök fullorðins
manns við barn séu slík misnotk-
un á yfirburðastöðu hans gagn-
vart barninu að í því felist ofbeldi
eða hótun og því sé um nauðgun að
ræða. Refsiramminn fyrir nauðg-
un er rýmri en fyrir barnaníð.
Dómurinn mat það manninum
til refsiþyngingar að hafa tekið
myndir og myndskeið sem sýna
gróft barnaníð, meðal annars brot
hans með einni stúlkunni. - sh
Tæplega fimmtugur Vestmannaeyingur braut gróflega gegn þremur stúlkum:
Barnaníðsdómur þyngdur í 8 ár
Brotamaðurinn var úrskurðaður í gæsluvarðhald í lok júní að kröfu Ríkis-
saksóknara, eftir að embættið fékk málið til ákærumeðferðar. Þá var tæpt
ár síðan málið barst lögreglu til rannsóknar. Sýslumaðurinn á Selfossi, sem
hafði forræði yfir málinu, fór ekki fram á gæsluvarðhald á þeim tíma þrátt
fyrir að hafa undir höndum myndir sem sýndu gróft ofbeldi mannsins. Þetta
sætti töluverðri gagnrýni þegar það komst upp, meðal annars af hálfu yfir-
manns kynferðisbrotadeildar lögreglunnar á höfuðborgarsvæðinu.
Gekk laus í ár eftir að málið kom upp
KJARAMÁL Endurskoðunarákvæði
gildandi kjarasamninga verð-
ur ekki virkjað að þessu sinni.
Ákveðið var á formannafundi
Alþýðusambandsins (ASÍ) og
fundi stjórnar Samtaka atvinnu-
lífsins (SA) í gær að standa vörð
um frið á vinnumarkaði.
Aðilar vinnumarkaðarins hafa
frest til klukkan fjögur í dag til
þess að virkja endurskoðunar-
ákvæði samninganna sem skrif-
að var undir í maí síðastliðnum.
Fulltrúar ASÍ og SA munu funda
vegna málsins í dag en munu ekki
virkja ákvæðið.
Á fundum beggja aðila kom
fram mikil óánægja með fram-
göngu ríkisstjórnarinnar sem
þykir ekki hafa staðið við loforð
sem sett voru fram í tengslum
við gerð kjarasamninganna. Því
hefur forsætisráðherra mótmælt.
„Það er ljóst að þær forsendur
sem voru fyrir gerð kjarasamn-
inganna og snúa að atvinnurek-
endum, svo sem varðandi kaup-
mátt, gengi og verðlag, eru að
ganga eftir. Það er því okkar
sameiginlega niðurstaða að það
sé ekki tilefni til viðbragða gagn-
vart atvinnurekendum,“ segir
Gylfi Arnbjörnsson, forseti ASÍ.
„En það er líka alveg ljóst að
það er mjög margt sem stendur
út af í tengslum við samskipti
okkar við stjórnvöld. Það kom
fram á fundinum í dag að það
er mjög mikil gremja út í ríkis-
stjórnina og að orð hennar skuli
ekki standa,“ segir Gylfi.
Í sama streng tekur Vilmundur
Jósefsson, formaður stjórnar SA.
„Við vorum með fund í stjórn SA
í dag og þar var ákveðið að fram-
lengja kjarasamninga þrátt fyrir
vanefndir á loforðum ríkisstjórn-
arinnar. Þó mönnum svíði mjög
hvernig ríkisstjórnin hefur hald-
ið á málum, til dæmis haldið sjáv-
arútveginum í gíslingu, þá mátu
menn það svo að friður á vinnu-
markaði kæmi atvinnuvegunum
fyrir bestu.“ - mþl
Mikils pirrings gætir hjá ASÍ og SA vegna aðgerðaleysis ríkisstjórnarinnar:
Kjarasamningum ekki sagt upp
GYLFI
ARNBJÖRNSSON
VILMUNDUR
JÓSEFSSON
SPURNING DAGSINS
Gráða & feta ostateningar henta
vel í kartöflusalatið, á pítsuna,
í sósuna, salatið, ofnréttinn og
á smáréttabakkann.
ms.is
Gráða & feta
ostateningar í olíu
H
V
ÍT
A
H
Ú
SI
Ð
/
S
ÍA
FÓLK „Ég var búinn að vera í dálít-
inn tíma að hugsa um hvernig ég
gæti grætt pening á netinu vegna
þess að ég var orðinn leiður á að
vinna,“ segir Kristján Már Gunn-
arsson læknanemi, sem framfleyt-
ir sér nú í náminu með heilsusíðu
á netinu.
Í febrúar í fyrra setti Kristján í
gang bloggsíðu um heilsu, næringu
og lífsstíl. Þangað inn fær hann
svokallaðar google-auglýsingar
sjálfvirkt í gegnum auglýsinga-
miðlun auk þess að selja rafbækur.
„Þetta eru alls konar auglýsing-
ar og ég set þær ekki inn sjálfur
heldur set einfaldlega inn kóða og
þær koma sjálfkrafa inn á síðuna.
Ég fæ borgað fyrir hvert skipti
sem einhver ýtir á auglýsingu eða
kaupir rafbók. Það er millifært
fyrir auglýsingunum og söluhagn-
aðinn af rafbókunum fæ ég send-
an með ávísunum,“ segir Kristján
sem kveðst hafa fengið um 400
þúsund krónur á mánuði í tekjur
af síðunni síðan í fyrrahaust.
„Núna er ég hættur á námslán-
um og er með töluvert hærri laun
af þessu en í fullu starfi áður,“
segir Kristján og upplýsir að
hann hafi haft 300 þúsund krónur
á mánuði fyrir starf á pitsustað.
Fram að áramótum segist Krist-
ján hafa verið að fá upp undir sex
þúsund heimsóknir á dag. Nú í
janúar séu þær yfir tíu þúsund á
dag og tekjurnar stefni yfir hálfa
milljón í mánuðinum.
Bloggsíða Kristjáns, Kris Health
Blog, er á ensku. „Það er lykilat-
riði að skrifa á ensku,“ segir Krist-
ján og bendir á hversu risavaxinn
enskumælandi markaðurinn sé
miðað við heimamarkaðinn hér.
Þá sé grundvallaratriði að síðan
skori hátt á leitarvélum á borð við
Google enda séu um 90 prósent af
heimsóknum á síðuna hans í gegn-
um leitarvélar. „Ég er með ákveðin
trix til að lenda ofarlega í leitar-
niðurstöðunum,“ segir hann.
Sjálfur er Kristján að koma upp
síðu á íslensku þar sem hann kenn-
ir fólki að feta sömu braut. Hann
segir að ekki þurfi mikla tölvu-
kunnáttu til og þetta sé frábær
leið til nýsköpunar í kreppunni.
Hann er á öðru ári í læknisfræð-
inni og sinnir heilsublogginu í frí-
tíma sínum.
Kristján vonast til að árangur
hans verði öðrum innblástur. En
er nóg rúm fyrir alla á netinu?
„Það er endalaust pláss. Þetta er
töluverð vinna í upphafi en þegar
maður er búinn að koma síðu af
stað er mjög lítil vinna að viðhalda
henni.“ gar@frettabladid.is
Læknanemi bloggar
sig gegnum háskóla
Kristján Már Gunnarsson læknanemi kveðst fá 400 þúsund krónur á mánuði
í tekjur með því að halda úti bloggi um heilsu, næringu og lífsstíl. Þetta geti
hann samhliða þungu námi. Þetta sé frábært dæmi um nýsköpun í kreppunni.
KRISTJÁN MÁR GUNNARSSON Læknaneminn fékk nóg af því að strita á pitsustað fyrir
lág laun og hefur nú komið sér upp stöðugu tekjustreymi með blogginu Kris Health
Blog á slóðinni kriskris.com. FRÉTTABLAÐIÐ/STEFÁN
Núna er ég hættur
á námslánum og er
með töluvert hærri laun af
þessu en í fullu starfi áður.
KRISTJÁN MÁR GUNNARSSON
LÆKNANEMI OG HEILSUBLOGGARI.
Ómar, eruð þið svona fjöl-
þreifin í Kópavogi?
„Það er alveg ljóst að búfræðimennt-
unin hefur aldrei nýst mér eins vel.“
Viðræður um meirihlutamyndun standa
nú yfir í Kópavogi og þar þreifa víst allir
á öllum. Búfræðingurinn og framsóknar-
maðurinn Ómar Stefánsson þekkir vel að
þreifa á búfénaði.
BANDARÍKIN Stuðningur þing-
manna í Bandaríkjunum við tvö
umdeild frumvörp sem beinast
gegn hugverkaþjófnaði hefur
minnkað snarlega eftir öldu mót-
mæla í vikunni.
BBC greindi frá því í gær að
minnst átta þingmenn í báðum
deildum þingsins hefðu endur-
skoðað afstöðu sína. Repúblik-
aninn Marco Rubio sagði lögin
þurfa meiri yfirlegu. Þau þykja
vega að tjáningar- og athafna-
frelsi netnotenda og mættu and-
stöðu um heim allan. - þj
Lög um netnotkun Í BNA:
Fjarar undan
frumvörpunum