Fréttablaðið - 20.01.2012, Síða 8

20. janúar 2012 FÖSTUDAGUR8
Áfram Ísland!
Horfðu á enn fleiri EM leiki á stöð 97 og í háskerpu á
stöð 96 í Vodafone Sjónvarpi. Allt í opinni dagskrá!
Kynntu þér málið á vodafone.is
Handboltaveisla í Vodafone Sjónvarpi
Þín ánægja er okkar markmið
vodafone.is
NOREGUR Janne Kristiansen, fyrr-
verandi yfirmaður norsku leyni-
þjónustunnar, segist hafa mismælt
sig þegar hún fullyrti á miðviku-
dag að norskir njósnarar væru að
störfum í Pakistan. Hún hafi ein-
göngu átt við tengilið lögreglunn-
ar.
Hún sagði af sér í gær vegna
málsins, en nú krefjast pakistönsk
stjórnvöld svara og vilja fá nánari
útskýringar á njósnum Norðmanna
þar í landi.
Í norskum fjölmiðlum er haft
eftir Vegard Valther Hansen, sér-
fræðingi um njósnir, að ummæli
hennar geti stefnt öryggi hugsan-
legra norskra njósnara í Pakistan
í voða. Ummælin geti einnig stefnt
tengiliðum norskra njósnara í Pak-
istan í hættu, og þá geti ummælin
einnig reynst öðrum Norðmönn-
um í Pakistan hættuleg, því á þá
geti fallið grunur um að þeir séu
að stunda njósnir.
Norska leyniþjónustan hefur
aldrei sagt neitt af eða á um það,
hvort erindrekar á hennar vegum
séu að störfum í Pakistan. Um slíkt
tjáir stofnunin sig ekki. - gb
Pakinstönsk stjórnvöld krefjast svara af Noregi um ummæli Kristiansen:
Segist nú hafa mismælt sig
JANNE KRISTIANSEN Sagði af sér sem
yfirmaður norsku leyniþjónustunnar eftir
að hafa mismælt sig – eða talað af sér.
NORDICPHOTOS/AFP
VIÐSKIPTI Kínverskir fjárfestar
hafa hug á að leggja fram allt að
sjö milljarða króna vegna upp-
byggingar heilsuþorps á Flúðum.
Gerð hei lsu-
þorpsins hefur
verið í undir-
búningi a l lt
frá því síðla
árs 2008 þegar
sk r i fað va r
undir viljayfir-
lýsingu Heilsu-
þorpa ehf. og
Hrunamanna-
hrepps um upp-
byggingu á 200 íbúða heilsuþorpi
með hvíldar- og endurhæfingar-
aðstöðu í Laxárhlíð við Flúðir.
Greint var frá viðræðum
aðstandenda heilsuþorpsins við
kínverska fyrirtækið CSST Inter-
national um fjárfestinguna í Sunn-
lenska fréttablaðinu sem út kom í
gær.
Árni Gunnarsson, fyrrverandi
alþingismaður og stjórnarformað-
ur Heilsuþorps á Flúðum, segir
enn of snemmt að segja til um
hvort af fjárfestingunni verði. „Við
höfum átt við þá tvo símafundi og
eigum bókaðan fund í næstu viku,“
segir hann og kveður nú unnið að
því að endurreikna kostnaðartölur
fyrir fjárfestana. Miðað við upp-
runalega áætlun segir hann kostn-
að við verkefnið hins vegar geta
numið 6,5 til 7,0 milljörðum króna.
Gert er ráð fyrir að fjárfestarnir
leggi fram megnið af þeirri upp-
hæð, en einnig er leitað innlendra
fjárfesta að verkefninu.
Árni segir arðsemiskröfuna
sem CSST International gerir
vegna verkefnisins vera nokkuð
háa, en mögulega megi fá dregið
úr henni með því að auka hlutfall
efniskaupa frá Kína vegna verk-
efnisins. „Það á eftir að fara betur
yfir hvaða kröfur þeir gera varð-
andi verkstjórn og notkun fjár-
munanna. En við erum afskaplega
bjartsýnir á þessari stundu, því
áhugi þeirra virðist vera mikill.“
Árni segir málum þannig fyrir
komið í Kína um þessar mundir að
þeir sem þar fái framkvæmdalán
úr bönkum þurfi að tryggja að til-
tekið magn af kínverskum vörum
sé keypt til framkvæmdanna.
„Enda fara þeir fram á að um 30
prósent að minnsta kosti af bygg-
ingarkostnaði verði vegna vöru-
kaupa frá Kína. Það hlutfall gæti
orðið meira gegn því að arðsemis-
krafa þeirra lækki.“
Í umfjöllun Fréttablaðsins um
heilsuþorpið í nóvember 2009
kom fram að á byggingartíma þess
væri áætlað að til yrðu 140 störf,
en á annað hundrað beinna starfa
þegar starfsemin yrði komin í
gang, auk um 400 afleiddra starfa.
olikr@frettabladid.is
Kínverjar vilja leggja allt
að 7 milljarða í heilsuþorp
Kínverska fyrirtækið CSST International á í viðræðum um aðkomu að uppbyggingu heilsuþorps á Flúðum.
Enn of snemmt að segja til um hvort af verði en viðræður halda áfram segir stjórnarformaður Heilsuþorps.
FRÁ FLÚÐUM Íslandsstofa hafði milligöngu um að leiða saman kínverska fjárfesta og
forsvarsmenn Heilsuþorpsins á Flúðum. FRÉTTABLAÐIÐ/STEFÁN
ÁRNI
GUNNARSSON
ALÞINGI „Treystu nú þjóðinni til að
meta það hvort hún telji það rétt
eða rangt að
Ísland gangi í
ESB.“ Svo mælti
Jóhanna Sigurð-
ardóttir forsæt-
isráðherra við
Vigdísi Hauks-
dóttur, þing-
konu Framsókn-
arflokksins, á
Alþingi í gær.
Vigdís hafði
beint fyrirspurn til Jóhönnu um
það hvort henni hugnaðist að láta
fara fram þjóðaratkvæðagreiðslu
um áframhald aðildarviðræðn-
anna við Evrópusambandið, ýmist
samhliða forsetakosningum í
sumar eða þjóðaratkvæðagreiðslu
um tillögur að nýrri stjórnarskrá.
Jóhanna kvaðst treysta þjóðinni
til að taka afstöðu til samnings
þegar hann lægi fyrir.
- sh
Jóhanna vill klára samning:
Biður Vigdísi að
treysta þjóðinni
VIGDÍS
HAUKSDÓTTIR
DANMÖRK Tveir meðlimir í vél-
hjólagengi, svokallaðir rokkarar,
voru í gær úrskurðaðir í gæslu-
varðhald í bæjarréttinum í Kaup-
mannahöfn vegna ólöglegrar
byssueignar.
Mennirnir, sem eru 26 og 36
ára, eru meðlimir í vélhjólaklík-
unni Bandidos. Þeir eru sakaðir
um að hafa hríðskotariffla og
skotfæri undir höndum, en vopn-
in hafa ekki fundist. Þeir verða í
haldi til 6. febrúar. Málið hefur
verið í rannsókn lengi og tengist
öðrum svipuðum málum. - þj
Danskir vélhjólamenn í bobba:
Rokkarar teknir
fyrir byssueign
Tveir lögreglubítar ákærðir
Tvær ákærur voru þingfestar í Héraðs-
dómi Reykjaness í vikunni á hendur
mönnum sem sakaðir eru um árásir á
lögreglumenn við skyldustörf. Annars
vegar er tvítugur maður ákærður fyrir
að bíta lögreglumann í höndina í
gegnum þykkan leðurhanska, og hins
vegar er maður á fertugsaldri ákærður
fyrir að bíta lögreglumann í hnéð.
DÓMSTÓLAR
Við erum afskaplega
bjartsýnir á þessari
stundu, því áhugi þeirra
virðist vera mikill.
ÁRNI GUNNARSSON
STJÓRNARFORMAÐUR HEILSUÞORPS
VEISTU SVARIÐ?
1. Af hverju var alfræðivefnum
Wikipediu lokað í sólarhring í
mótmælaskyni?
2. Hvað heitir nýjasta mynd
George Lucas?
3. Hvað heitir forsprakki hljóm-
sveitarinnar The Cure?
SVÖR
1. Vegna áforma Bandaríkjaþings um
að tryggja hugverkarétt á netinu. 2. Red
Tails. 3. Robert Smith.