Fréttablaðið - 20.01.2012, Qupperneq 33
Mismunandi er hvað fólki þykir
nauðsynlegt að sé til staðar á þorra-
hlaðborðum. Bakkinn á meðfylgj-
andi mynd sýnir ágætlega fjöl-
breytnina sem býðst. Á honum
er meðal annars að finna svína-
sultu sem er tiltölulega nýtilkom-
in á þorrabakkann, enda var svína-
kjöt ekki á hverjum bæ hér á öldum
áður. - trs
Fullur bakki af
kræsingum
ÞORRAMATUR FYLLIR NÚ TROG OG
KIRNUR ÍSLENDINGA ENDA FYRSTI
DAGUR ÞORRANS RUNNINN UPP.
Fæst í Bónus
Nú er tíminn fyrir harðfisk og bitafisk!
Þegar litið er til innihalds og næringargildis kemur í ljós að
Gullfiskur harðfiskur og bitafiskur er einhver besti prótíngjafi sem
völ er á. Það fara 5 kíló af nýrri roðlausri ýsu í að búa til 1 kíló af
harðfiski / bitafiski. Vatnið er dregið út með kældri þurrkaðferð,
en næringarefnin halda sér. Örlítið salt til bragðbætis.
Gullfiskur harðfiskur og bitafiskur
inniheldur rúmlega 80% prótín og
önnur næringarefni, sem eru
líkamanum nauðsynleg.
Hljómsveitin Melchior heldur þorratónleika sína
á Café Rosenberg að Klapparstíg annað kvöld
klukkan 21. Á tónleikunum verða lög af væntan-
legri plötu hljómsveitarinnar leikin til jafns við eldri
tónlist í notalegri blöndu.
Svínasulta
Sviðasulta
Hrútspungar
Blóðmör
Lifrarpylsa
Hákarl
Lundabaggi
Bringukollur
Kristjana Hávarðardóttir er hluti
af sundhópnum Gullmolarnir,
sem hittist í sundlauginni í Efra-
Breiðholti tvisvar sinnum í viku.
Hópurinn hefur hist reglulega
undir stjórn Brynjólfs Björnsson-
ar í næstum níu ár og er Kristjana
búin að vera hluti af honum nán-
ast frá upphafi. Sami kjarni hefur
skipað hópinn undanfarin ár og
yfirleitt hafa í kringum 20 manns
mætt á æfingar. Hópurinn gerir
þó meira en að synda saman, því
Kristjana hefur komið af stað hefð
þar sem haldið er upp á merka
atburði, jól, páska og fleira ofan í
lauginni. Þorrablót verður haldið
í næstu viku.
„Við stillum hlaðborðinu upp á
bakka laugarinnar og fólk gæðir
sér á veitingum beint úr lauginni.
Þetta hefur vakið mikla lukku og
fólk er ávallt fullt eftirvæntingar
þegar líður að þessu,“ segir Krist-
jana, en þetta er í sjöunda skipti
sem hún stendur fyrir þorra-
blótinu.
Hún segist sjálf vera hætt að
fara ofan í laugina þegar þorra-
blótin eru haldin þar sem hún eyði
hvort sem er mestum hluta tímans
á bakkanum og það sé svo kalt ef
hún er á sundfötum. Skemmtunin
er þó ekki aðeins fólgin í því að
gæða sér á þorramatnum heldur
eru líka alltaf einhver atriði í boði.
„Fólk úr hópnum skiptist á að
vera með atriði. Oft er til dæmis
skemmtilegur bragur lesinn og
svo syngjum við að sjálfsögðu
saman þessi klassísku þorralög,“
segir hún og tekur sem dæmi lagið
Frost á Fróni. Viðburðina í laug-
inni segir hún vera áfengislausa,
þó að fólk fái að skjóta í sig litlu
brennivínsskoti með hákarlinum.
Kristjana, sem hefur verið gerð
að heiðursfélaga í hópnum fyrir
framtak sitt, segist hafa mjög
gaman af því að undirbúa þessar
skemmtanir þó að vissulega fylgi
þeim mikil vinna.
„Þetta byrjaði nú bara á því að
mér fannst þörf á að hrista hóp-
inn betur saman, svo ég ákvað að
standa fyrir hittingi utan laugar-
innar. Þetta vatt svo bara upp á sig
þegar vinskapurinn varð meiri,”
segir hún og brosir og lætur í
kveðjuskyni fylgja með óvenjuleg-
ar leiðbeiningar um eldun á hangi-
kjöti. tinnaros@frettabladid.is
Þorrablót í sundi
Sundhópurinn Gullmolarnir borðar saman hákarl, hangikjöt og
blóðmör, hlustar á bragi og syngur saman í tilefni þorrans.
Kristjana hefur stýrt þorrablótunum af myndarbrag síðustu sjö ár. FRÉTTABLAÐIÐ/ANTON
Kristjana kennir okkur sérstaka leið til að elda hangikjöt. Hún segir ókost
hennar vera þann að lyktin í íbúðinni sitji föst tvo til þrjá daga, en kjötið sé
svo gott að það sé alveg þess virði.
„Lærið er lagt í bleyti í sólarhring. Þetta er gert til að ná úr því saltinu. Það
gæti verið gott að skipta um vatn einu sinni til tvisvar á þessum sólarhring
og gott að strá smá sykri út í vatnið. Eftir það er kjötið sett á grindina í ofn-
inum og ofnskúffan sett undir. Þar er það eldað á 100°C í hálfan sólarhring.
Þetta er það besta sem ég hef smakkað.“