Morgunblaðið - 29.06.2012, Page 12
12 FRÉTTIRInnlent
MORGUNBLAÐIÐ FÖSTUDAGUR 29. JÚNÍ 2012
Baldur Arnarson
baldura@mbl.is
„Álagning veiðigjaldanna þýðir að
framlegðin af útgerð dýrs og góðs
skips á borð við Gandí verður nei-
kvæð. Það leiðir til þess að við hætt-
um að gera skipið út,“ segir Sig-
urgeir B. Kristgeirsson,
framkvæmda-
stjóri Vinnslu-
stöðvarinnar í
Vestmanna-
eyjum, um áhrif
nýju veiðigjald-
anna á rekstur
togarans.
„Við erum með
skip upp á einn
og hálfan milljarð
og ef við gerum
út á gulllax og
grálúðu með lítilli eða neikvæðri
framlegð og höfum ekki framlegð
upp í vexti og afskriftir þá gengur
dæmið ekki upp,“ segir Sigurgeir en
41 starfsmanni útgerðarfélagsins
verður sagt upp, þar af 30 manna
áhöfn Gandís sem verður settur á
söluskrá, vegna þessa höggs.
Hin ellefu störfin eru í landvinnslu
en að auki segir Sigurgeir að félagið
muni draga úr kaupum á þjónustu.
„Samfélaginu mun blæða út“
Hann segir einsýnt að veiðigjöldin
ógni atvinnulífi í Vestmannaeyjum.
„Ef við ætlum að sitja og horfa að-
gerðalaus á mun fyrirtækinu blæða
út og samfélaginu einnig. Eignir ein-
staklinga og hluthafa verða að engu.
Á það getum við ekki horft án þess
að bregðast við.
Fyrirtækið myndi ekki ráða við
afborganir. Afleiðingin er ljós. Það
fjarar undan því og það deyr. Spurn-
ingin er aðeins hversu langan tíma
það tekur. Við ætlum að kanna rétt-
arstöðu okkar gagnvart ríkinu. Ef
við bregðumst ekki við með öllum
tiltækum ráðum mun fyrirtækinu og
samfélaginu hér í Eyjum blæða út.“
Veiðigjöldin gera út af við
rekstur 1.500 milljóna skips
Morgunblaðið/Árni Sæberg
Á veiðum við Vestmannaeyjar Aðalbjörgin RE í róðri. Vinnslustöðin telur veiðigjöldin ógna atvinnulífi staðarins.
Vinnslustöðin telur ekki lengur forsvaranlegt að gera Gandí VE-171 út
Sigurgeir B.
Kristgeirsson
„Á það var bent
að veiðigjöldin
væru rangt
reiknuð og að
ekki væri tekið
tillit til eðlilegra
rekstrarað-
stæðna, þar á
meðal afskrifta.
Þess vegna
ákváðu stjórn-
völd að miða við
fasta krónutölu fyrsta árið og að
gjaldið yrði þá endurskoðað. Að
öllu óbreyttu verða menn verr í
stakk búnir til að þróa fyrirtækin
áfram, en á því tapa allir og þjóðin
mest,“ segir Eggert Benedikt Guð-
mundsson, forstjóri HB Granda.
„Það er alveg ljóst að veiðigjöld-
in munu veikja fyrirtækin og það
getur ekki leitt til nema eins,“ segir
Eggert þegar hann er spurður
hvort gjöldin muni hafa áhrif á
mannahald hjá útgerðunum.
baldura@mbl.is
Veikja útgerðir
og koma niður
á mannahaldi
Eggert B.
Guðmundsson
„Við höfum ekki
legið á skoðun
okkar um hvaða
áhrif veiðigjöldin
muni hafa á
reksturinn og
mannahald hjá
okkur. Það er
ljóst að flytja á
mikið af veiði-
heimildum frá
okkur vegna ný-
samþykktra breytinga á fisk-
veiðistjórnunarkerfinu. Við verð-
um ekki með óbreytta útgerð
nema eitthvað óvænt komi til,“
segir Gunnþór Ingvason, fram-
kvæmdastjóri Síldarvinnslunnar á
Neskaupstað, um áhrif nýju veiði-
gjaldanna.
Spurður hvaða áhrif gjöldin
muni hafa á mannahald hjá fyrir-
tækinu segir Gunnþór ekki tíma-
bært að ræða þá hlið mála.
„Að öllu óbreyttu mun þetta
þýða samdrátt í útgerð. Þing-
mönnum voru þessar afleiðingar
ljósar.“ baldura@mbl.is
„Verðum ekki með
óbreytta útgerð“
Gunnþór
Ingvason
Ákveðið hefur verið að sameina
Verkís og Almennu verk-
fræðistofuna undir nafninu Verk-
ís, en í gær var undirritaður
samningur þess efnis.
Fyrirtækin telja að hið samein-
aða fyrirtæki verði eitt öflugasta
fyrirtækið í verkfræðigeiranum á
Íslandi og að samruninn veiti
þeim einnig tækifæri til enn frek-
ari sóknar á erlendum markaði.
Elsta verkfræðistofa landsins
Verkís rekur sögu sína til árs-
ins 1932 og er því elsta verk-
fræðistofa landsins. Hjá Verkís
starfa yfir 300 starfsmenn að fjöl-
breyttum verkefnum á Íslandi og
erlendis, en árið 2008 samein-
uðust fimm fyrirtæki undir nafni
stofunnar. Má því segja að það
sjötta sé að bætast í hópinn. Al-
menna verkfræðistofan var stofn-
uð árið 1971 og er arftaki Al-
menna byggingarfélagsins sem
rak víðtæka þjónustu- og verk-
takastarfsemi um 30 ára skeið.
Almenna verkfræðistofan hefur
frá upphafi veitt þjónustu á sviði
byggingar-, véla- og umhverfis-
verkfræði. Hjá Almennu starfa
um 65 starfsmenn.
Útibú í Osló
Í dag eru fjögur markaðssvið
hjá fyrirtækinu: Byggingar og
iðnaður, orka og veitur, umhverfi
og skipulag ásamt verkefna-
stjórnun.
Almenna hefur haslað sér völl í
Noregi á undanförnum misserum
og hefur stofnsett útibú í Ósló.
Sameinaðir Ákveðið hefur verið að sameina Verkís og Almennu verk-
fræðistofuna undir nafni Verkís og í gær undirrituðu þau samninga.
Sameinaðar með
langa sögu að baki
„Það hefur legið fyrir að áhrifin af nýju
veiðigjöldunum hér í Vestmannaeyjum yrðu
skattur upp á 4-5 milljarða þegar lögin hafa
að fullu tekið gildi. Það liggur fyrir að þegar
tekjurnar minnka og aflaheimildir eru tekn-
ar í burtu hefur það áhrif á rekstur útgerð-
anna,“ segir Stefán Friðriksson, fram-
kvæmdastjóri Ísfélags Vestmannaeyja, um
áhrif nýju veiðigjaldanna á reksturinn.
„Augljóst er að gjöldin munu hafa áhrif á
starfsfólkið, fyrirtækin og samfélögin. Allt
hefur þetta legið fyrir í þeim umsögnum
sem sendar voru til atvinnuveganefndar
um frumvörpin og ætti að vera öllum ljóst
nema kannski þeim nefndarmönnum sem
virðast ekki hafa lesið þær. Útreikningar
sýna að mörg fyrirtæki munu ekki ráða við
þessa ofurskatta.“ baldura@mbl.is
Fyrirtæki munu fara á hausinn
4.000-5.000 MILLJÓNIR Í SKATT Í VESTMANNAEYJUM
Stefán Friðriksson
Úrval af rómantískum vörum fyrir bústaðinn og heimilið
Dalvegi 16a - Rauðu múrsteinshúsunum, 201 Kópavogi
S. 517 7727 - nora.is - Opið: mán-fös 12:30 - 18:00