Morgunblaðið - 19.02.2014, Blaðsíða 1
M I Ð V I K U D A G U R 1 9. F E B R Ú A R 2 0 1 4
Stofnað 1913 42. tölublað 102. árgangur
FEÐGARNIR
DÆMDU
SAMAN LEIK
MIÐBAUGSMINJAVERKEFNI SVIÐSVERK ÁN
LEIKARA FRUM-
FLUTT Í BERLÍN
BERLÍNARMÚRNUM GEFIÐ FRAMHALDSLÍF 10 RAGNAR KJARTANSSON 38ÍÞRÓTTIR 1
Morgunblaðið/Kristinn
Kannabis Óljóst er hvort aflétta á
refsingu á vörslu allra fíkniefna.
Umræðan um hvort aflétta eigi
refsingum vegna vörslu fíkniefna
er að mörgu leyti óljós og því erfitt
fyrir lögreglustjóra að taka þátt í
henni, segir Halla Bergþóra
Björnsdóttir, settur sýslumaður á
Akranesi og formaður Lögreglu-
stjórafélags Íslands. Það sé t.d.
óljóst hvort hugmyndirnar snúist
um að aflétta refsingum af vörslu
allra fíkniefna eða hvort einungis
sé átt við vörslu kannabisefna. „Það
skiptir máli um hvað er verið að
ræða,“ segir hún.
Þeir sem eru teknir með lítilræði
af fíkniefnum í fórum sínum geta
gengist undir lögreglustjórasátt,
þ.e. greitt sekt. Upplýsingar um
sektina fara inn á sakaskrá og birt-
ast á sakavottorði í þrjú ár. Eftir
það birtast þær ekki á vottorðinu.
Sæki einhver um starf þremur ár-
um eftir að hafa verið tekinn með
fíkniefni og framvísar sakavottorði,
kemur brotið ekki fram á því. »17
Umræða um refsi-
leysi óljós og því
erfitt að taka þátt
Rætt á þingi í dag
» Umræður verða um ESB-
skýrsluna á Alþingi í dag.
» Össur Skarphéðinsson, fv.
utanríkisráðherra, segir það
koma fram í áliti tveggja
skýrsluhöfunda að það hafi
verið fær leið stjórnvalda að
sækjast ekki eftir varanlegum
undanþágum heldur „sérlausn-
um“
Guðmundur Magnússon
gudmundur@mbl.is
Íslendingar geta dregið þá ályktun
af skýrslu Hagfræðistofnunar um
ESB-viðræðurnar að sambandið
standi ekki í eiginlegum samninga-
viðræðum við umsóknarríki, heldur
sé gengið út frá því að þau ríki sem
sækja um aðild hafi raunverulegan
vilja til inngöngu.
Þetta sagði Bjarni Benediktsson
fjármálaráðherra í gær eftir að
skýrslan var gerð opinber. Bjarni
sagði að þjóðin hefði kosið til valda
flokka sem væru andvígir aðild.
Gunnar Bragi Sveinsson utan-
ríkisráðherra tók í sama streng.
Hann sagði skýrsluna undirstrika þá
skoðun sína að Ísland ætti ekkert er-
indi í ESB og að ekkert hefði breyst
varðandi afstöðu ríkisstjórnarinnar
gagnvart þjóðaratkvæðagreiðslu um
framhald viðræðnanna.
Í skýrslu Hagfræðistofnunar er
bent á að í skýrslum ESB um við-
ræðurnar við Íslendinga komi fram
að sjávarútvegsstefna Íslands sé al-
mennt ekki í samræmi við réttar-
reglur ESB. Þá megi ætla að deilur
um makrílstofninn hafi átt þátt í því
að sjávarútvegskafli viðræðnanna
hafi ekki verið opnaður. Hugmyndir
hafi verið uppi hjá ESB um að setja
opnunarviðmið sem hefðu getað lotið
að gerð tímasettrar áætlunar frá Ís-
lands hálfu um það hvenær og
hvernig Íslendingar hygðust aðlag-
ast löggjöf og stefnu ESB.
Um landbúnaðarmálin segir í
skýrslunni að ekki hafi tekist að
klára vinnu við samningsafstöðu Ís-
lands áður en hlé var gert á viðræð-
unum. „Ætla má að treglega hafi
gengið að sætta ólík sjónarmið hér
innanlands.“
MESB-skýrsla »6, 12 og 18
Ekki samningaviðræður
Gunnar Bragi segir ESB-skýrslu ekki breyta afstöðu til þjóðaratkvæðagreiðslu
Deilur um makrílveiðar og landbúnað töfðu viðræður ESB og Íslendinga
Ljósmynd/Agnes Lund
Frægðarför Thomsens-bíllinn á ferð
sinni á Eyrarbakka 16. júlí 1904.
Frásögn af fyrstu langferðinni á
fyrsta bílnum á Íslandi, Thomsens-
bílnum, fannst nýlega í Danmörku.
Keyrt var til Stokkseyrar og Eyrar-
bakka í júlí 1904 og er óhætt að
segja að ferðasagan sé athyglisverð
í ljósi nútímasamgangna.
Ditlev Thomsen flutti fyrsta bíl-
inn til Íslands í júní 1904 og fór í
þetta ferðalag skömmu síðar, hinn
15. júlí 1904.
Það var Steen Thomsen, barna-
barn hjónanna Ditlevs Thomsens
kaupmanns í Thomsens Magasin og
konu hans Augustu Sveinsson sem
fann frásögnina í skjölum fjöl-
skyldu sinnar. Hún var þar á meðal
um eitt þúsund bréfa til afa hans og
ömmu. Ditlev sendi konu sinni
ferðasöguna 19. júlí 1904, tveimur
dögum eftir að ferðinni lauk, en
Augusta dvaldi í Danmörku.
Auk Ditlevs Thomsens voru með í
för Þorkell Klementz bílstjóri, tveir
aðstoðarmenn, Hannes Th. og Gísli
bú, og tveir þýskir ullarkaupmenn.
Auk bílsins voru þeir með marga
hesta. Leiðin var á köflum grýtt,
holótt og brött eða mjög sendin.
Dekkin hjuggust í sundur og á Sel-
fossi urðu þeir bensínlausir. Sækja
þurfti bensín á hestum til Reykja-
víkur. »4
Söguleg langferð á bíl 1904
Ditlev Thomsen fór á bíl til Stokkseyrar og Eyrarbakka
Ferðamenn tóku myndir af hrossum og nátt-
úrunni í miklum froststillum í Mývatnssveit í
gær. Frostið fór í 28,2 stig á Neslandatanga við
Mývatn og að sögn Sigurðar Þórs Guðjónssonar
veðursagnfræðings er það dægurmet 18. febr-
úar fyrir kulda á landinu öllu frá 1949. Gamla
metið var -20,2 stig í Reykjahlíð við Mývatn frá
1966. Heldur mun hvessa sunnanlands í dag og
hefur Veðurstofan varað við stormi syðst.
Dægurmet frá 1949 slegið við Mývatn
Morgunblaðið/Birkir Fanndal
Froststillur í Mývatnssveit í gær en Veðurstofan varar við stormi syðst á landinu í dag
Norðmenn
hafa krafist þess
í viðræðum um
stjórnun makríl-
veiða að Fær-
eyingar loki á
makrílveiðar ís-
lenskra skipa í
færeyskri lögsögu.
Deilurnar um makrílinn lituðu
viðræður Evrópusambandsins og
Noregs í síðustu viku og kenna að-
ilar hvor öðrum um að samkomulag
náðist ekki.
Samkvæmt heimildum Morgun-
blaðsins amast Norðmenn ekki sér-
staklega við þeim samningum sem
nú eru í gildi milli Íslendinga og
Færeyja. »15
Norðmenn þrýsta
á Færeyinga
Þrír Íslendingar, fæddir 1914,
eiga afmæli í þessari viku. Meðal
þeirra er Kristín Kristvarðsdóttir,
sem fagnaði 100 árum í gær ásamt
sinni fjölskyldu. Kristín dvelur á
Hrafnistu í Reykjavík og er við
hestaheilsu. Hún og Erlingur Þor-
kelsson eignuðust fjóra syni, sem
allir eru verkfræðingar að mennt.
Að sögn Jónasar Ragnarssonar
er það líklega ekki einsdæmi að
þrír verði 100 ára í sömu vikunni. Í
lok vikunnar verða 37 Íslendingar
100 ára og eldri, að óbreyttu. »2
37 Íslendingar
100 ára og eldri