Morgunblaðið - 19.02.2014, Blaðsíða 44

MIÐVIKUDAGUR 19. FEBRÚAR 50. DAGUR ÁRSINS 2014
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 425 ÁSKRIFT 4680 HELGARÁSKRIFT 2900 PDF Á MBL.IS 4470 I-PAD ÁSKRIFT 4470
1. Finnst eftir 112 ár í vöruhúsi
2. Þetta mátt þú aldrei segja við …
3. „Hann sór við gröf föður síns“
4. Sagðir hafa sviðsett árekstur
»MEST LESIÐ Á mbl.is
FÓLK Í FRÉTTUM
 Fjórar norrænar hljómsveitir halda
tónleika undir yfirheitinu Nordisk
2014 og eru frá Danmörku, Færeyjum
og Íslandi. Hljómsveitirnar munu
halda tónleika á Græna hattinum og
Harlem Bar frá 19. til 20. febrúar.
Hljómsveitarnar heita Sekuioa, Sea
Change, Byrta og Good Moon Deer en
sú síðastnefnda er frá Íslandi.
Nordisk 2014 kemur
til Íslands
 Nær uppselt er
orðið á fyrstu
þrjár sýningarnar
á Ragnheiði, nýrri
óperu Gunnars
Þórðarsonar og
Friðriks Erlings-
sonar, sem Ís-
lenska óperan
frumsýnir í Eld-
borgarsal Hörpu 1. mars nk. Til að
anna eftirspurn hefur fjórðu sýning-
unni því verið bætt við laugardaginn
22. mars.
Fjórðu sýningunni á
Ragnheiði bætt við
 Söfnunarátakið Öll í einn hring fer
fram á morgun. Haldnir verða tón-
leikar til styrktar Barnaspítala
Hringsins í Gamla bíói klukkan 21.
Fram koma Bubbi Mort-
hens, Björn Jörundur,
Jón Jónsson, Friðrik
Ómar, Matti Matt,
Sverrir Bergmann
og Eyþór Ingi.
Kynnar eru Pétur
Jóhann og
Sveppi.
Miðaverð
er 2.500 kr.
Tónlistarmenn styðja
Barnaspítalann
Á fimmtudag Austan og norðaustan 13-20 m/s, hvassast
NV-til en austan 18-23 m/s syðst á landinu í fyrstu. Slydda
fyrir sunnan en snjókoma á austanverðu landinu.
SPÁ KL. 12.00 Í DAG Austan 15-28 m/s S-til á landinu, hvassast
undir Eyjafjöllum og í Öræfum síðdegis. Dálítil slydda eða snjó-
koma með köflum syðst, annars skýjað og stöku él.
VEÐUR
SA Víkingar eru með
tveggja stiga forskot á
Björninn eftir að liðið vann
toppslaginn á skautasvell-
inu á Akureyri í gærkvöld.
Þrjú mörk í síðasta leikhluta
tryggðu heimamönnum 3:1
sigur og komust Víkingar á
toppinn í fyrsta sinn. Liðin
eiga eftir að mætast tvíveg-
is í deildinni áður en þau
munu leiða saman hesta
sína í úrslitakeppninni í
vor. »3
Víkingar á toppn-
um í fyrsta sinn
„Þetta var bara mjög gaman en með
því erfiðasta sem ég hef gert. Mér
fannst ég fulllangt á eftir fyrsta
keppanda en það er þá hægt að bæta
úr því í sviginu á föstudaginn. Þetta
var góð upphitun fyrir það,“ sagði
Erla Ásgeirsdóttir við Morgunblaðið í
gær eftir frumraun sína á vetraról-
ympíuleikunum í Sotsjí en þar kepptu
hún og Helga María Vilhjálmsdóttir í
stórsvigi. »4
Með því erfiðasta
sem ég hef gert
Valskonur halda öðru sæti Olís-
deildar kvenna eftir sigur á grönn-
um sínum í Fram, en heil umferð fór
fram í gærkvöld. Liðin voru jöfn að
stigum fyrir leikinn ásamt Gróttu
sem tapaði fyrir ÍBV og heldur Valur
því öðru sætinu sem stendur.
Stjarnan er með sex stiga forskot á
toppnum en baráttan þar á eftir er
hnífjafn slagur fjögurra liða. »2
Valur vann mikilvægan
leik um annað sætið
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Einn helsti blómadagur ársins,
konudagurinn, er á sunnudag.
„Þetta er skemmtilegasti dagur árs-
ins,“ segir Hendrik Berndsen, alltaf
kallaður Binni, í blómabúðinni
Blómaverkstæði Binna á Skóla-
vörðustíg, en hann hefur afgreitt
blóm á konudeginum í sex áratugi.
Blómabúð hefur reyndar alla tíð
verið annað heimili Binna. „Afi átti
blómabúðina Blóm og ávexti í Hafn-
arstræti og þegar mamma hjálpaði
honum að afgreiða, meðal annars á
konudeginum, var ég settur ofan í
skúffu í búðinni. Hún fór með mig
þangað nýfæddan og þar ólst ég
eiginlega upp.“
Einstakur dagur
Binni hóf afgreiðsluferilinn hjá
afa sínum og alnafna 10 ára gamall
og nokkrum árum síðar sendi afinn
strákinn til Danmerkur í blóma-
skreytinganám. „Ég var þar í læri í
fjögur ár,“ rifjar hann upp.
Binni á ekkert nema góðar minn-
ingar frá konudeginum. „Við Íslend-
ingar erum þeir einu sem eiga þenn-
an konudag og ég hef afgreitt
marga ættliði á þessum degi,“ segir
hann og vísar til þess að feður komi
gjarnan með syni sína og þannig
gangi það kolli af kolli frá einni kyn-
slóð til þeirrar næstu. „Karlar eru
íhaldssamir og þeir koma alltaf aft-
ur og aftur á sama tíma, maður sér
þá alltaf á sama tíma að ári,“ segir
hann.
Það hefur margt breyst í blóma-
verslunni í tíð Binna. „Þegar ég
byrjaði í þessu voru blóm bara
ræktuð í Hveragerði og þá
komu blómin þaðan með
Steindórsrútunum. Þá
voru ekki framleiddar
nema tvær til þrjár teg-
undir af blómum og eng-
ar rósir á veturna. Úr-
valið var mjög
takmarkað en nú er það ótrúlegt
enda mjög góðir ræktendur hér.“
Hann bætir við að daglega kaupi
hann það ferskasta og nýjasta á
markaði. „Mest íslenskt en útlenskt
það sem vantar upp á.“
Binni tekur daginn snemma,
mætir í búðina milli klukkan sex og
hálfsjö á hverjum morgni. „Ég byrja
að útbúa fyrir útfarir og annað slíkt,
ganga frá blómunum og koma búð-
inni í gang,“ segir hann. „Það góða
við konudaginn er að menn eru svo
hugmyndaríkir. Þeir hafa eitthvað
ákveðið í huga og einskorða sig ekki
við eitthvað eitt. Þess vegna er mjög
þægilegt og gott að afgreiða karl-
menn þegar þeir kaupa blóm handa
konunni sinni. Þeir vilja hafa þau
falleg og flott.“
„Skemmtilegasti dagur ársins“
 Hefur selt blóm
á konudeginum í
sex áratugi
Morgunblaðið/Golli
Konudagurinn Binni í Blómaverkstæði Binna hefur staðið vaktina í blómasölunni í sex áratugi.
Konudagurinn er fyrsti dagur Góu,
sunnudagurinn í 18. viku vetrar.
Binni segir að flestir kaupi blómin
samdægurs en aðrir komi daginn
áður og veki konurnar með
blómum og bakkelsi. „Þeir
sem eru flottastir koma
með allt upp í rúm, það
er toppurinn,“ segir
hann. Bætir við að nú sé
æ algengara að maður
kaupi blómvönd handa
konu sinni á þessum degi og önnur
blóm að auki fyrir dóttur sína eða
dætur. „Þetta er konudagur og
mennirnir vilja að allar konur njóti
hans. Síðan gerist það oft að hjón
koma saman síðdegis og kaupa
blóm handa mæðrum sínum.“
Binni segir að það besta við
konudaginn sé hvað gott sé að af-
greiða karlana. „Þeir eru svo glaðir
af því þeir eru að fara að gleðja
sínar heittelskuðu.“
Allar konur njóti dagsins
KONUDAGURINN FYRSTI DAGUR GÓU