Morgunblaðið - 19.02.2014, Síða 16
16 FRÉTTIRInnlent
MORGUNBLAÐIÐ MIÐVIKUDAGUR 19. FEBRÚAR 2014
Borgartúni 27
Hæð til leigu í
BYGG býður til leigu glæsilegt skrifstofuhúsnæði á 4. hæð á
einum besta stað í bænum, Borgartúni 27.
Hæðin sem er 853 fermetra leigist í einu lagi eða hlutum, allt
eftir þörfum.
Upplýsingar hjá Fjárfestingu fasteignasölu í síma 562 4250
og hjá Gunnari í sími 693 7310.
Helgi Bjarnason
helgi@mbl.is
Bundið slitlag er aðeins á 41% þjóð-
vegakerfisins og gengur hægt þessi
árin að lengja vegina. Aðeins bætt-
ust um 60 kílómetrar við á síðasta
ári. Er það með því minnsta sem
verið hefur í áratugi.
Bundið slitlag var í lok síðasta
árs á 5.300 km, að því er kemur
fram í Framkvæmdafréttum Vega-
gerðarinnar. Er það 41% af þjóð-
vegakerfinu í heild sem er tæpir 13
þúsund kílómetrar að lengd.
Á síðasta ári voru lagðir 60 km
af bundnu slitlagi. Er það heldur
meira en árið á undan en aðeins um
þriðjungur eða helmingur af því
sem verið hefur flest undanfarin
ár.
Ekki hefur verið tekið saman
hvað bætist við á þessu ári, af nýju
bundnu slitlagi, en Vegagerðin
reiknar með að það verði svipað og
tvö síðustu ár, allavega ekki meira.
Einn stærsti kaflinn sem fer undir
slitlag er nýr vegur sem verið er að
leggja um Múlasveit á sunnan-
verðum Vestfjörðum, um 16 kíló-
metrar.
33 kílómetrar á möl
Enn eru 33 kílómetrar af hring-
veginum á möl, eða 2,5% leið-
arinnar sem talin er 1.332 km. Er
þá miðað við leiðina um Breiðdals-
heiði sem heldur númerinu, hring-
vegur nr. 1. Ef fjarðaleiðin er farin,
sem er lengri, er slitlag allan
hringinn fyrir utan um 8 kílómetra
í Berufjarðarbotni.
Morgunblaðið/Helgi Bjarnason
Barðastrandarsýsla Sextán kílómetrar í Múlasveit fá bundið slitlag.
41% þjóðvega með
bundnu slitlagi
Ekki útlit fyrir að mikið bætist við í ár
Helgi Bjarnason
helgi@mbl.is
„Í öllum okkar áætlunum er gert ráð
fyrir miklu lægra verði en fékkst í
fyrra. Við höldum ótrauðir áfram,“
segir Stefán Jónsson, framkvæmda-
stjóri í Þorlákshöfn, sem ásamt Ár-
manni Einarssyni útgerðarstjóra og
fleiri fjárfestum er að undirbúa
byggingu stórs minkabús á Hafna-
sandi, við Þorlákshöfn.
Unnið er að breytingum á skipu-
lagi til að hægt verði að heimila
byggingu minkahúsanna. „Ég vona
að það verði komið í gegn með vor-
inu. Þá förum við að byggja,“ segir
Stefán. Hann tekur fram að ágæt-
lega líti út með fjármögnun verkefn-
isins en áætlað er að stofnkostnaður
fullbúins bús verði 1,5 milljarðar kr.
Verð á minkaskinnum hefur snar-
lækkað á heimsmarkaði í vetur. Þá
verður að hafa í huga að síðustu árin
hefur verð á minkaskinnum verið í
sögulegu hámarki vegna aukinnar
eftirspurnar frá Asíulöndum. Það
hefur orðið til þess að heimsfram-
leiðslan jókst stórlega og leiddi til of-
framleiðslu.
Næstbestu skinnin
Danskir minkabændur sem fram-
leiða heimsins bestu minkaskinn
fengu að meðaltali verð sem svarar
til 7.600 íslenskra króna fyrir skinnið
á uppboði hjá Kopenhagen Fur í síð-
ustu viku. Þeir telja sig geta vel unað
við það því framleiðslukostnaður á
skinn sé um 1.400 kr. lægri að jafn-
aði. Danska verðið er um fjórðungi
hærra en meðaltalið hjá öðrum þjóð-
um.
Íslenskir minkabændur framleiða
næstbestu skinnin og fengu að með-
altali 7.200 kr. fyrir skinnið, að sögn
Björns Halldórssonar, formanns
Sambands íslenskra loðdýrabænda.
Þótt framleiðslukostnaður hér hafi
hækkað verulega, ekki síst vegna
hækkunar á fóðri, er söluverðið enn
heldur yfir framleiðslukostnaði.
Tekur Björn þó fram að á þessu
uppboði hafi eingöngu góð skinn ver-
ið boðin upp og ekki sé hægt að
ganga út frá því sem vísu að þetta
verð haldist þegar lakari og gölluð
skinn komi inn í meðaltalið.
Byggt í áföngum
Stefán og félagar hyggjast stofna
bú með 10 þúsund læðum en það yrði
langstærsta minkabú landsins. Það
verður byggt í fimm áföngum enda
ekki hægt að fá nema ákveðinn
fjölda góðra kynbótadýra á ári.
Það getur verið kostur að stofna
minkabú í niðursveiflu á markaði því
verð lífdýra ræðst af skinnaverði.
„Það er best að byrja þannig að frek-
ar sé niður brekkuna að fara í upp-
hafi heldur en að byrja neðst og fara
á brattann,“ segir Stefán
Halda ótrauðir áfram
með stóra minkabúið
Söluverð minkaskinna enn yfir framleiðslukostnaði
Morgunblaðið/Ómar
Minkur Íslenskir minkabændur telja að vel megi lifa við meðalverðið sem
fékkst fyrir skinnin á uppboðinu í Kaupmannahöfn í síðustu viku.
Andri Karl
andri@mbl.is
Lögmaður slitastjórnar Glitnis var
við fyrirtöku í Héraðsdómi Reykja-
víkur í gærmorgun beðinn um að
íhuga málatilbúnað alvarlega í
skaðabótamáli sem höfðað var
vegna lánveitingar til félagsins
Stíms. Er það vegna þess að sér-
stakur saksóknari hefur ákært að-
eins einn af fimm stefndu í málinu
vegna sömu lánveitingar.
Slitastjórn Glitnis stefndi þeim
Lárusi Welding, fyrrverandi
bankastjóra Glitnis, Guðmundi
Hjaltasyni, fyrrverandi fram-
kvæmdastjóra fyrirtækjasviðs
bankans, Guðnýju Sigurðardóttur,
fyrrverandi viðskiptastjóra bank-
ans, og Jakobi Valgeiri Flosasyni
og Þorleifi Stefáni Björnssyni, sem
voru stjórnarmenn í Stími, en Þor-
leifur var einnig framkvæmdastjóri
félagsins.
Í málinu er þess krafist að fimm-
menningarnir greiði 366 milljónir
króna sem eru eftirstöðvar láns
upp á 725 milljónir króna sem
Stími var veitt í janúar 2008. Stím
var stofnað í nóvember árið 2007
og keypti hlutabréf í FL Group og
Glitni fyrir tugi milljarða króna. Á
þeim tíma var FL Group stærsti
hluthafi Glitnis og átti Glitnir
32,5% í Stími.
Lárus einn ákærður
Við fyrirtökuna var á það bent
að sérstakur saksóknari hefði gefið
út ákæru í svonefndu Stíms-máli
sem varðar einmitt lánveitingar
Glitnis til Stíms.
Þar á meðal ofangreinda lánveit-
ingu en í þeim ákærulið er Lárus
einn ákærður en nöfn annarra
stefndu hvergi að finna. Þannig
nefndi lögmaður Guðmundar
Hjaltasonar að sérstakur saksókn-
ari hefði gefið út aflátsbréf á hend-
ur skjólstæðingi sínum og lagði
fram yfirlýsingu þess efnis að hann
yrði ekki ákærður fyrir umrædda
lánveitingu. Lögmenn Jakobs og
Þorleifs bentu þá á að skjólstæð-
ingar þeirra höfðu ekki einu sinni
stöðu grunaðra í rannsókn sérstaks
saksóknara á lánveitingunni.
Beindu þeir því til lögmanns
slitastjórnar Glitnis að íhuga það í
fullri alvöru að endurskoða mála-
tilbúnaðinn í ljósi þess sem fram
kemur í ákæru sérstaks saksókn-
ara. Lögmaður Glitnis samþykkti
að skoða málið út frá því sem fram
kemur í ákæru í Stíms-málinu. Að
því loknu var málinu frestað og
næsta fyrirtaka ákveðin eftir fimm
vikur.
Vilja að málið
verði fellt niður
Ákæra í Stím-máli gæti haft áhrif
Morgunblaðið/Frikki