Morgunblaðið - 19.02.2014, Qupperneq 6
Morgunblaðið/Kristinn
Alþingi ESB-skýrsla Hagfræðistofnunar verður rædd á Alþingi í dag. Þing-
menn fengu skýrsluna í hendur í gær og blaða hér nokkrir í henni.
Guðmundur Magnússon
Hallur Már Hallsson
Bjarni Benediktsson fjármálaráð-
herra segir að margt áhugavert sé að
finna í skýrslu Hagfræðistofnunar
Háskóla Íslands um viðræðurnar við
Evrópusambandið. Íslendingar geti
dregið þá ályktun af skýrslunni að
Evrópusambandið standi ekki í eig-
inlegum samningaviðræðum við um-
sóknarríkin, heldur sé gengið út frá
því að þeir sem sækja um aðild hafi
raunverulegan vilja til þess að kom-
ast inn í sambandið.
„Skýrslunni var ekki ætlað að
segja inn eða út úr Evrópusamband-
inu,“ sagði Gunnar Bragi Sveinsson
utanríkisráðherra í samtali við mbl.is
í gær. Hann sagði hana þó undir-
strika skoðun sína um að Ísland ætti
ekkert erindi í sambandið og að ekk-
ert hefði breyst varðandi afstöðu
gagnvart þjóðaratkvæðagreiðslu.
Skýrslan var kynnt þingflokkum
stjórnarinnar í fyrrakvöld og rædd í
ríkisstjórn í gærmorgun. Hún var
jafnframt birt á netinu. Umræður
verða um hana á Alþingi síðdegis í
dag og fylgir Gunnar Bragi Sveins-
son utanríkisráðherra henni þá úr
hlaði.
Engar varanlegar undanþágur
Bjarni Benediktsson sagði í sam-
tali við sjónvarp mbl.is í gær að í
skýrslunni væri til dæmis að finna
ágæta hagfræðilega úttekt á efna-
hagslegum þáttum. Það skipti máli
því margir tengi saman óstöðugleika
í íslenskum efnahagsmálum og aðild
að Evrópusambandinu.
„Í skýrslunni er líka umfjöllun um
möguleikann á varanlegum undan-
þágum. Hún er allrar athygli verð,
þar sem gerð er grein fyrir því að
menn eigi ekki að vera með of miklar
væntingar um að fá varanlegar
undanþágur frá sambandskröfum.
Það skiptir máli til dæmis í sjávar-
útvegsmálum,“ sagði Bjarni.
„Við höfum fengið nokkuð skýra
vísbendingar frá kjósendum í þessu
landi um það hvernig þeir vilja að
haldið verði á þessum málum,“ sagði
Bjarni ennfremur og vísaði til kosn-
inganna í fyrravor og skoðanakann-
ana sem sýna andstöðu þjóðarinnar
við aðild að Evrópusambandinu.
„Það hefur aldrei staðið til annað
en að leggja þessa skýrslu sem við
erum að gera hér fyrir þingið. Ég get
ekkert gert með það þó einhverjir
aðilar úti í bæ, hvort sem þeir heita
Samtök atvinnulífsins eða ASÍ, séu
að skrifa einhverjar aðrar skýrslur
eða láta gera eitthvað slíkt. Það er
bara ekki mitt mál.“
Þetta sagði Gunnar Bragi Sveins-
son utanríkisráðherra á Alþingi í
gær í svari við fyrirspurn frá Helga
Hjörvar, þingmanni Samfylkingar-
innar, sem spurði ráðherrann hvort
ríkisstjórnin ætlaði ekkert að horfa
til skýrslu sem unnið væri að um
Evrópumálin fyrir Alþýðusamband
Íslands og Samtök atvinnulífsins við
ákvörðun sína um framtíð umsókn-
arinnar um inngöngu í Evrópu-
sambandið.Vísaði Helgi þar til um-
mæla Gunnars Braga í samtali við
fjölmiðla í gær að sú skýrsla væri
gerð fyrir stuðningsmenn sam-
bandsins. Spurði hann hvort ekkert
mark væri þá takandi á skýrslu Hag-
fræðistofnunar Háskóla Íslands um
Evrópumálin á þeim forsendum að
hún hefði verið pöntuð af Gunnari
sem væri andstæðingur inngöngu í
Evrópusambandið.
Gunnar Bragi kvað það ekki hans
að ákveða hvað gert yrði við þá
skýrslu sem unnin væri fyrir Samtök
atvinnulífsins og ASÍ. Sagði hann
enga ástæðu til að bíða með að taka
skýrslu Hagfræðistofnunar til um-
ræðu þar til hún lægi fyrir.
Óbreytt afstaða til þjóðaratkvæðis
Margt áhugavert í skýrslu Hagfræðistofnunar um ESB-viðræðurnar, segir Bjarni Benediktsson
Ekki mitt mál að aðrir séu að láta gera skýrslur, segir Gunnar Bragi Sveinsson Rætt á þingi í dag
Bjarni
Benediktsson
Gunnar Bragi
Sveinsson
6 FRÉTTIRInnlent
MORGUNBLAÐIÐ MIÐVIKUDAGUR 19. FEBRÚAR 2014
Síðustu sýningar!
„Ólafur Darri sýnir margar
hliðar Hamlets af snilld”
Sigurður G. Valgeirsson, -mbl.
Miðasala | 568 8000 | borgarleikhus.is
Össur Skarphéðinsson, þingmaður Samfylkingarinnar
og fyrrum utanríkisráðherra, telur brýnt að halda helst
á lofti áliti Stefáns Más Stefánssonar prófessors og Max-
imiliums Conrads, lektors við HÍ, úr skýrslu Hag-
fræðistofnunar. „Umsóknarríki geta náð fram lausn á
brýnum hagsmunamálum í gegnum sérlausnir. Hann
[Stefán] bendir meðal annars á að í aðildarviðræðum sín-
um hafi Norðmenn fengið það í gegn að stýra sjálfir sín-
um fiskveiðihagsmunum norðan 62. breiddarbaugs á
meðan sjávarútvegur sé lífsnauðsynlegur fyrir hags-
muni þeirra sem þar búi. Ég tel því að Íslendingar
myndu einnig ná séríslensku fiskveiðistjórnunarsvæði
umhverfis Ísland fram sem sérlausn. [...] Sjávarútvegur er dæmi um lífs-
nauðsynlega hagsmuni fyrir Ísland. Það ástand mun vara um aldir alda.
Stefán Már staðfestir með þessu að sú nálgun sem við fylgdum í viðræðun-
um að sækjast ekki eftir varanlegum undanþágum, heldur sérlausnum í
erfiðum málum eins og landbúnaði og sjávarútvegi er fær leið. Það tel ég
að sé ein mikilvægasta niðurstaða þessarar skýrslu,“ segir Össur. Umsókn-
arferli var gert strangara árið 2006 og sett í fastari skorður. Aðspurður
hvort slíkt geri samanburð við aðstöðu Norðmanna þegar þeir sóttu um
undanþágu ekki óheppilega telur Össur svo ekki vera. „Stefán undirstrikar
að sérlausnir eru fær leið. Sömuleiðis segir hann svart á hvítu að eðli ESB
er ekki eðli sambandsríkis og að Lissabon-sáttmálinn hafi ekki stjórn-
arskrárígildi,“ segir Össur og telur hann það undirstrika fullveldi þjóða
ESB og að þau geti farið með ákvörðunarvald í einstökum málaflokkum.
vidar@mbl.is
Mikilvægast að sérlausn sé fær
Össur
Skarphéðinsson
„Þessi skýrsla virkar ágætlega á mig. Hún virðist vera
ágætis innlegg í Evrópuumræðurnar eins og fleiri
skýrslur sem komið hafa um þessi mál. Öll efnisleg um-
ræða er af hinu góða,“ sagði Guðmundur Steingrímsson
alþingismaður, leiðtogi Bjartrar framtíðar, þegar Morg-
unblaðið leitaði álits hans á ESB-skýrslu Hagfræði-
stofnunar Háskóla Íslands.
Guðmundur kvaðst ekki hafa haft tækifæri til þess
frekar en aðrir þingmenn að lesa skýrsluna í heild. Hann
ætti eftir að kynna sér betur efnistökin til að geta lagt
mat á þau.
„Ég tek eftir því að sumir eru að gera að því skóna að
skýrslan sé rökstuðningur fyrir því að ekkert sé um að semja í aðildar-
viðræðunum við Evrópusambandið. Það tel ég vera í grundvallaratriðum
rangt. Ég vara eindregið við slíkum ályktunum. Um það eru fjölmörg dæmi
að einstök ríki hafa náð fram undanþágum og sérlausnum í viðræðum,“
sagði Guðmundur.
Guðmundur sagði að það væri röng nálgun í málinu að gefa sér að af-
staða viðsemjandans yrði niðurstaða í samningaviðræðunum. Allir við-
urkenndu að Íslendingar hefðu mikla sérstöðu sem sjávarútvegsþjóð vegna
landfræðilegrar legu og á þessa sérstöðu yrði að láta reyna en ekki gefa
sér úrslitin fyrirfram. gudmundur@mbl.is
Rangt að um ekkert sé að semja við ESB
Guðmundur
Steingrímsson
Skannaðu kóð-
ann til að sjá
viðtal við fjár-
málaráðherra.
Skannaðu kóð-
ann til að sjá
viðtal við utan-
ríkisráðherra.
Nokkrir forystumenn og þingmenn stjórnaraandstöð-
unnar á Alþingi lýstu í gær yfir óánægju með að efni úr
ESB-skýrslu Hagfræðistofnunar Háskólans skyldi hafa
verið lekið í fjölmiðla og birt þar í gær áður en þing-
menn fengu að sjá hana.
„Ef ríkisstjórnin vill tileinka sér betri samskipti væri
t.d. hægt að senda þingmönnum skýrsluna en ekki bara
fjölmiðlum,“ sagði Katrín Jakobsdóttir, formaður VG,
á Facebook-síðu sinni í gær. Formaður Samfylking-
arinnar, Árni Páll Árnason, tók í sama streng. Kvaðst
hann fyrst hafa lesið um skýrsluna í fjölmiðlum. „Við í
stjórnarandstöðunni höfum ekkert séð og getum ekki tekið neinn þátt í
efnislegri umræðu.“ Í samtali við Morgunblaðið í gærkvöldi kvaðst Katrín
Jakobsdóttir vilja gefa sér lengri tíma til að kynna sér skýrsluna áður en
hún tjáði sig um hana efnislega. gudmundur@mbl.is
Óánægja með leka úr ESB-skýrslu
Katrín Jakobsdóttir
Forsvarsmenn Samtaka eigenda
sjávarjarða hafa skrifað Sigurði
Inga Jóhannessyni, atvinnumála-
ráðherra, bréf þar sem gagnrýnt er
að hvorki fulltrúar né málsvarar
eigenda sjávarjarða sitji í samninga-
nefnd Íslendinga um makrílveiðar í
Norður-Atlantshafi.
Segir í bréfinu, að íslenska ríkið
sé ekki eitt eigandi sjávarauðlind-
arinnar við Ísland og hafi ekki eitt
allan ráðstöfunarrétt yfir auðlind-
inni. Eigendur sjávarjarða séu þar
einnig hlutaðeigendur og er í bréf-
inu m.a. vísað til álits Mannréttinda-
dómstóls Evrópu því til staðfesting-
ar.
Í bréfinu segir síðan, að hvorki
Sigurgeir Þorgeirsson, formaður ís-
lensku samninganefndarinnar, né
Kolbeinn Árnason, framkvæmda-
stjóri LÍÚ, sem m.a. sitja í íslensku
samninganefndinni, hafi umboð eða
heimildir til að ræða alfarið veiðirétt
makrílstofnsins í sjávarauðlindinni
umhverfis Ísland. Þeir séu hvorki
fulltrúar né málsvarar eigenda sjáv-
arjarða.
„Um fullkomið ábyrgðarleysi er
að ræða að þeir séu í umboðslausum
viðræðum og taki ákvarðanir á
fundum með erlendum aðilum
vegna hagsmuna í sjávarauðlindinni
umhverfis Ísland án þess að hags-
munaaðilar eignarréttinda séu nær-
staddir,“ segir síðan í bréfinu, sem
Ómar Antonsson, formaður samtak-
anna, skrifar undir. Er sett fram sú
ósk til ráðherra, að hann sjái til þess
að látið verði af makrílviðræðum
þar til réttir og löglegir aðilar hafa
verið skipaðir í þær.
Eigendur sjávarjarða vilja
aðild að makrílviðræðum Hæstiréttur hefur staðfest úrskurð
Héraðsdóms Reykjaness þess efnis
að maður sem rekur fyrirtæki, sem
sérhæfir sig í aðstoð við vátrygg-
ingafélög og viðskiptavini þeirra
þegar umferðaróhöpp verða, verði
kallaður fyrir dóm sem vitni í saka-
máli. Í því máli eru tveir menn
ákærðir fyrir að hafa sett árekstur
á svið, til að svíkja út bætur.
Ákærðir fyrir að
sviðsetja árekstur
Lögreglan á höfuðborgarsvæðinu
hefur á undanförnum dögum feng-
ið ríflega 50 fíkniefnamál á borð til
sín. Lagt hefur verið hald á amfeta-
mín, e-töflur, kókaín og MDMA, svo
dæmi séu tekin. Einkum eru það
karlmenn á þrítugsaldri sem tengj-
ast þessum málum, segir lögreglan.
Yfir 50 fíkniefnamál
til kasta lögreglu