Morgunblaðið - 19.02.2014, Qupperneq 15
BAKSVIÐ
Ágúst Ingi Jónsson
aij@mbl.is
Norðmenn hafa krafist þess í við-
ræðum um stjórnun makrílveiða að
Færeyingar loki á makrílveiðar ís-
lenskra skipa í færeyskri lögsögu.
Deilurnar um makrílinn lituðu við-
ræður Evópusambandsins og Nor-
egs í síðustu viku og kenna aðilar
hvorir öðrum um að samkomulag
náðist ekki.
Samkvæmt heimildum Morgun-
blaðsins eru Norðmenn ekki að
amast sérstaklega við þeim samn-
ingum sem nú eru í gildi á milli Ís-
lands og Færeyja. Frekar munu þeir
vilja koma í veg fyrir aukinn aðgang
íslenskra skipa að makrílveiðum í
færeyskri lögsögu.
Verulegur þröskuldur
Frá kröfu Norðmanna um að Fær-
eyingar loki á makrílaðgang Íslend-
inga var upphaflega greint á heima-
síðu samtaka sjómanna í Englandi,
Wales og Norður-Írlandi, NFFO, og
segir þar m.a.: „Tvíhliða viðræðurn-
ar eru síðasta fórnarlambið í harðri
og langri deilu um fyrirkomulag
makrílveiða Íslendinga og Færey-
inga.
Nú er talið að aðeins sé afar lítið
bil milli aðila varðandi skiptingu
veiðikvóta, innan við 1% skilji á milli,
en krafa Norðmanna um bann við
heimild Íslendinga til að veiða í fær-
eyskri lögsögu hefur nú undir lokin
orðið verulegur þröskuldur á vegi
samkomulags milli strandríkjanna,
segir á heimasíðu NFFO.
Ágreiningur Noregs og Evrópu-
sambandsins hefur komið upp á yfir-
borðið upp á síðkastið. Þannig lauk
fundi um tvíhliða samninga þjóðanna
um ýmis réttindi og aðrar tegundir
en hina umdeildu uppsjávarstofna á
föstudag án árangurs og sagði El-
isabeth Aspaker, sjávarútvegsráð-
herra Noregs, að hægt hefði verið að
ná samkomulagi ef ESB hefði ekki
frestað þessum og öðrum viðræðum
og lengt þær.
NFFO segir hins vegar á heima-
síðu sinni að árangur hafi ekki náðst
í tvíhliða viðræðum þar sem formað-
ur norsku nefndarinnar hefði beðið
um að þeim yrði hætt þar sem skoð-
anir væru skiptar í norsku nefndinni.
Mögulegt hefði verið að halda við-
ræðum áfram á föstudagskvöldið til
að ná niðurstöðu um aðrar tegundir
en uppsjávarstofnana, en það hefði
strandað á Norðmönnum.
Færeyingar loki á Íslendinga
Norðmenn krefjast þess að Færeyingar heimili Íslendingum ekki makrílveiðar í lögsögunni
Evrópusambandið og Norðmenn kenna hvorir öðrum um að samningar náðust ekki í tvíhliða viðræðum
Ljósmynd/Börkur Kjartansson
Á loðnu Færeyska skipið Finnur Fríði og Aðalsteinn Jónsson frá Eskifirði á siglingu í Lónsbugt fyrir tveimur árum.
Tvíhliða samningur
» Tvíhliða samkomulag um
fiskveiðar er í gildi milli Íslands
og Færeyja, en árlegur fundur
þjóðanna hefur ekki farið fram.
» Þjóðirnar hafa gagnkvæman
aðgang að veiðum á norsk-
íslenskri síld.
» Íslendingar mega veiða
1.300 tonn af makríl í fær-
eyskri lögsögu og 2.000 tonn
af Hjaltlandseyjasíld. Þessi afli
er hugsaður sem óhjá-
kvæmilegur meðafli við síld-
veiðar.
» Gagnkvæm réttindi eru í
kolmunna í lögsögum þjóð-
anna. Ekki mega fleiri en 12
íslensk skip vera við veiðarnar
hverju sinni í færeyskri
lögsögu.
» Færeyingum er heimilt að
veiða 5.600 tonn af bolfiski á
línu og handfæri í íslenskri lög-
sögu, þar af 1.200 tonn af
þorski.
» Færeyingar mega veiða sem
nemur 5% af loðnukvótanum
við Ísland ef heildarkvótinn er
undir 500 þúsund tonnum. Fari
kvótinn yfir þau mörk fá þeir
30 þúsund tonn að hámarki.
FRÉTTIR 15Innlent
MORGUNBLAÐIÐ MIÐVIKUDAGUR 19. FEBRÚAR 2014
ÞAÐ GETA EKKI ALLIR
VERIÐ GORDJÖSS
Það er mikið í mig lagt
Þú veist það um leið og þú sérð hann. Það er eitthvað einstakt við Range Rover Evoque. Hönnunin grípur þig
samstundis. Útlitið er loforð um ævintýri, þægindi og óbeislaða upplifun. Búnaðurinn er á heimsmælikvarða,
hvort sem um ræðir aksturseiginleika, fjöðrunarbúnað, drifkerfi eða afl.
Reynsluaktu Evoque og leyfðu honum að heilla þig. Hafðu samband í síma 525 8000 eða komdu í heimsókn.
www.landrover.is
E
N
N
E
M
M
/
S
ÍA
/
N
M
6
11
4
5
*M
ið
að
vi
ð
up
pg
ef
na
r
vi
ðm
ið
un
ar
tö
lu
r
fr
am
le
ið
an
da
um
el
ds
ne
yt
is
no
tk
un
íb
lö
nd
uð
um
ak
st
ri
.
RANGE ROVER EVOQUE – VERÐ FRÁ 8.770.000 KR.
4x4 - TD4 2,2 dísil, 9 þrepa sjálfskipting. Eyðsla 6,5 l/100 km.*
BL Sævarhöfða 2, sími 525 8000