Skólavarðan - 01.06.2001, Blaðsíða 6
Frétt i r
7
Föstudaginn 10. maí sl. gekkst menntamálaráðuneytið fyr-
ir málþingi um fyrirkomulag og framkvæmd samræmdra
stúdentsprófa í framhaldsskólum. Lögð voru fram drög að
reglugerð sem Hörður Lárusson kynnti og Einar Guðmunds-
son forstöðumaður Námsmatsstofnunar fjallaði um mark-
mið og framkvæmd samræmdra stúdentsprófa. Björn
Bjarnason menntamálaráðherra opnaði málþingið og sagði
meðal annars að eins og fólki væri kunnugt væru samræmd
stúdentspróf álitamál, ekki einungis hvort skyldi halda þau
heldur ekki síður hvernig.
„Við störfum innan þeirra
tímamarka sem lögin setja
okkur,“ sagði ráðherra, en
prófin skulu komin að fullu
til framkvæmda skólaárið
2003-2004. Hann nefndi
einnig að stúdentspróf
væru samræmd í langflest-
um löndum Evrópu og ís-
lenskir nemendur sætu ekki
við sama borð og aðrir ef þeir þreyttu ekki próf af þessum
toga. „Mitt markmið er að verkið verði unnið í eins góðu
samstarfi og unnt er,“ sagði ráðherra og fullvissaði við-
stadda um að ríkt tillit yrði tekið til þeirra hugmynda sem
kæmu fram á málþinginu. Hörður Lárusson sagði ekki veita
af þessum undirbúningstíma, bæði fyrir skóla og nemendur,
og að loknu málþingi yrði reglugerð breytt eftir þörfum og
þá tæki við umsagnarferli. Einar Guðmundsson taldi mat
prófa þurfa að vera miðlægt en ekki á höndum skólanna
sjálfra eins og drög gera
ráð fyrir. Í vinnuhópum
kom einnig fram eindregin
andstaða við að skólar
meti sjálfir prófúrlausnir.
Kennarasamband Íslands
átti tíu fulltrúa á málþing-
inu en Námsmatsstofnun,
Mennt, Félag íslenskra
framhaldsskóla og Sam-
starfsnefnd háskólastigs-
ins sendu einnig fulltrúa
auk ráðaneytisins.
Þrátt fyrir rigningu og rok tóku margir félagsmanna
Kennarasambandsins þátt í kröfugöngunni 1. maí og
gengu þeir nú í fyrsta sinn undir nýju merki og nýjum
fána sambandsins.
Tónlistarskólakennarar fjölmenntu í gönguna og settu áber-
andi svip á hana með kröfuspjöldum þar sem vakin var athygli á
stöðu þeirra, en þeir eru eini kennarahópurinn innan Kennara-
sambands Íslands sem ekki hefur ennþá náð samningum við við-
semjendur sína.
Hljóðfæraleikarar í Sinfóníuhljómsveit Íslands fjölmenntu
einnig í gönguna ásamt fleira hljómlistarfólki og er talið að alls
hafi um 140 tónlistarmenn verið þar samankomnir.
Lúðrasveit verkalýðsins sýndi tónlistarskólakennurum samhug
sinn í verki með því að hætta hljóðfæraleik í miðju lagi í Banka-
stræti og stöðva kröfugönguna þegar tónlistarskólakennarar tóku
skyndilega að blása í dómaraflautur af lífs og sálar kröftum og
hófu kröfuspjöld sín hátt á loft í rigningunni.
Tónlistarskólakennarar vöktu ekki aðeins athygli með kröfu-
spjöldum sínum heldur ekki síður með söng. Í tilefni dagsins
samdi Margrét Sigurðardóttir nýjan texta við lagið Hraustir menn
og sungu tónlistarskólakenn-
arar og aðrir tónlistarmenn
það við upphaf kröfugöngunn-
ar á Skólavörðuholti, við upp-
haf útifundarins á Ingólfstorgi
og síðast í hátíðarkaffí í Kenn-
arahúsinu að loknum útifundi.
Síðara erindi textans lýsir vel
stöðunni sem ríkt hefur í samn-
ingamálum tónlistarskólakenn-
ara að undanförnu en þeir búa
nú við mun lakari kjör en aðrir
kennarar í Kennarasambandi
Íslands.
Ein er sú spurning er á okkur brennur,
hvort einskis sé metið vort starf.
Vinnum þó ætíð svo vel sem við getum,
þá vinnu fær þjóðin í arf.
Aðeins þó fáum við ómagalaunin
en ólgandi verðbólgan rís.
Launanefnd í löngum dvala,
liggur enn um sinn.
Vart mun henni valda skaða
vinnuhugurinn.
Tónlistarskólakennarar settu
svip á hátíðarhöldin 1. maí Málþing um samræmd
stúdentspróf
Stjórn NLS (Nordiske lærerorganisationernes samråd) hélt vorfund sinn í Stykkishólmi dagana 7. og 8. maí sl.
36 forystumenn kennarasamtaka á öllum Norðurlöndum tóku þátt í fundinum.
Á dagskrá voru hefðbundin stjórnarstörf en auk þess ýmis mál sem eru ofarlega á baugi í skólum á Norðurlöndum, þar á meðal
staða skóla sem eru reknir af opinberum aðilum á tímum vaxandi einkavæðingar. Stjórn NLS kemur saman tvisvar á ári. Seinni
fundurinn á þessu ári verður haldinn hér á landi í lok nóvember.
NLS var stofnað í núverandi mynd árið 1995. Það er sameiginlegur vettvangur 23 kennarasamtaka sjö landa: Danmerkur, Finn-
lands, Færeyja, Grænlands, Íslands, Noregs og Svíþjóðar. Tvenn íslensk kennarasamtök eiga aðild að NLS, Kennarasamband Ís-
lands og Félag íslenskra leikskólakennara. Meðal meginverkefna samtakanna er að stuðla að þróun kennslumála og vinna að því
að efla stöðu kennara í samfélaginu.
Í framhaldi af vorfundi stjórnar NLS hélt grunnskóladeild samtakanna fund í Stykkishólmi dagana 9. - 10. maí. Þar var fjallað um
ýmsa þætti skólamála á Norðurlöndum, m.a. hlutverk skólans í hverju landi um sig og í alþjóðlegu samhengi. Einnig voru hug-
myndir um breytingar á rekstrarfyrirkomulagi skóla ofarlega á dagskrá og reynsla af einkavæðingu skóla á Norðurlöndum.
Framhaldsskóladeild NLS hélt fund í Reykjavík dagana 21. - 22. maí. Þar voru haldin erindi um samstarf og samstarfssamninga
kennarafélaga og heildarsamtaka nemenda í framhaldsskólum og þá spurningu hvort skólinn ætti að starfa í framtíðinni sem stofn-
un í núverandi mynd. Einnig var flutt erindi um nýmæli í kjarasamningi framhaldsskólakennara á Íslandi og launaþróun hjá þeim.
Núverandi formaður stjórnar NLS er Eiríkur Jónsson formaður Kennarasambands Íslands.
Forystumenn norrænna kennara bera saman bækur sínar
L
jó
s
m
u
n
d
:
Á
rn
i
S
æ
b
e
rg