Skólavarðan - 01.06.2001, Blaðsíða 15

og foreldrar halda fyrirlestur um mikilvægi
samstöðu.
Til að halda úti öflugu foreldrastarfi þarf
mikið upplýsingaflæði og því hefur skólinn
haldið úti vefsíðu þar sem er að finna
helstu upplýsingar um skólastarfið, einnig
er foreldrafélagið með vefsíðu. Allir for-
ráðamenn skólans fá skólahandbók með
hagnýtum upplýsingum um skólastarfið,
gefnar eru út skólafréttir og fréttabréf.
Handbók um skólasókn, aga og samskipti
er dreift til forráðamanna nemenda í ung-
lingadeild. Þar eru foreldrar hvattir til að
lesa vel yfir með börnum sínum þær reglur
sem gilda í skólanum og til staðfestingar á
að svo hafi verið gert undirrita þeir yfir-
lýsingu um samstarf við skólann í því skyni
að tryggja öryggi barnsins og skapa því sem
eðlilegast námsumhverfi. Þeir lýsa því jafn-
framt yfir að þeir standi með uppeldisað-
ferðum skólans.
Skýrar reglur sem farið er eftir
Ragnar telur handbókina hafa breytt
mjög miklu og tilkoma hennar stórbætt aga
og framkomu nemenda. Í henni er til dæm-
is skólasóknarkerfi, þar er skráningablað
vegna ófullnægjandi skólasóknar ásamt
samningi sem nemendur geta gert til að
bæta þar úr og yfirlýsingu um vilja til að
bæta skólasóknina. Með þessu taka nem-
endur og foreldrar meiri ábyrgð á mætingu
í skólann. Skýrar reglur gilda um ástundun
og hegðun og ekki fer á milli mála hvernig
á að bregðast við ef þær eru brotnar. Ragn-
ar segir að um tíma hafi GSM-símar til
dæmis verið vandamál en nú hafi verið
settar fastar reglur.
„Símar eru algerlega bannaðir í tímum
en nemendur unglingadeilda mega nota þá
í frímínútum, hvort sem er á göngum eða
skólalóðinni. Ef sími hringir í tíma eru
fyrstu viðbrögð þau að hann er tekin af
unglingnum og geymdur hjá kennara til
loka skóladags, í annað skipti kemur deild-
arstjóri að málinu og þurfa foreldrar þá að
sækja símann í skólann og við þriðja brot er
síminn geymdur hjá mér til annarloka,“ út-
skýrir Ragnar. Það hefur aldrei komið til
þess að Ragnar tæki síma í sína vörslu og
þakkar hann það skýrum einföldum reglum
sem öllum ber að fylgja. Enginn þarf að
velkjast í vafa um hvað er leyfilegt og hvað
er bannað og allir bera sinn hluta ábyrgð-
arinnar.
Við skólann er starfandi fagstjóri í for-
eldrastarfi en skólinn er einn fárra sem hafa
slíkan. Kennari sinnir því starfi og hefur
tvær stundir á viku til þess. Samstarf for-
eldra og skóla situr því ekki á hakanum.
Fagstjórinn er tengiliður skólans og for-
eldra, aðstoðar kennara og situr í stjórn
verkefnis um könnun á samskiptum heimil-
is og skóla, svo að eitthvað sé nefnt. Þessi
könnun er það nýjasta í starfinu í Breið-
holtsskóla. Hún var gerð nú í apríl og
verða niðurstöður hennar hafðar til hlið-
sjónar í viðleitni til að bæta þjónustu og
styrkja samskipti heimila og skóla.
Fræðslumiðstöð Reykjavíkur mun sjá um
úrvinnslu könnunarinnar.
Skólatorgið kemur líka til með að reyn-
ast vel í samskiptum foreldra og skóla, þar
má lesa fréttir og annað sem lýtur að skóla-
starfinu. Reynslan á hins vegar eftir að
leiða í ljós hve margir nýta sér skólatorgið,
bæði nemendur, kennarar og foreldrar.
Foreldrafélagið heldur úti öflugu starfi
og stendur fyrir fyrirlestrum, foreldrarölti,
námskeiðum af ýmsu tagi, til dæmis tölvu-
og ættfræðinámskeiðum, og ferðum með
nemendum. Veturinn sem nú er að líða
hefur verið viðburðaríkur fyrir nemendur,
kennara og foreldra í Breiðholtsskóla.
Foreldrafélagið hefur verið öflugt nú sem
endranær og foreldrar hafa verið duglegir
við að koma hlutum í réttan farveg með
starfi vinahópa og skemmtunum af ýmsu
tagi að ógleymdri heimasíðunni.
„Foreldrastarfið er einn af hornsteinum
skólastarfsins sem það byggist á. Ef tengsl-
in milli skóla og heimilis eru í ólagi eru lík-
ur á að líðan nemenda og námsárangur
verði ekki eins góð og ella,“ segir Ragnar
Þorsteinsson skólastjóri Breiðholtsskóla að
lokum.
Steinunn Þorsteinsdóttir
Fore ldrastarf, frétt
17
Frábær vefur að frumkvæði
íslensks skóla
Föstudaginn 20. apríl, var Sólskinsvefurinn, sol-
skin.is, opnaður við hátíðlega athöfn í Selásskóla í
Reykjavík. Í frétt Hafsteins Karlssonar skólastjóra af
viðburðinum segir meðal annars:
„Þetta er vefur um náttúruvísindi fyrir börn og
fullorðna. Hugmyndin að honum kviknaði hér í Sel-
ásskóla. Skólinn er móðurskóli í náttúrufræði og
hér hafa verið unnin frábær verkefni í útikennslu og
umhverfismennt, sem margir aðrir skólar hafa sýnt
áhuga á að fá að nota. Upphaflega var ætlunin að
búa til lítinn vef í kringum þau verkefni en fljótlega
fórum við að huga að stærri vef sem gæti orðið al-
hliða náttúruvísindavefur fyrir börn og fullorðna, sem m.a. styddi við aðal-
námskrá grunnskóla. Til þess að gera þetta verkefni að veruleika leituðum við
fulltingis Olís og Landsbankans sem voru strax tilbúin í samstarf. Bæði þessi
fyrirtæki er þekkt af stuðningi við góð málefni og ekki síst uppeldis- og um-
hverfismálum. Hlutur þeirra í Sólskinsvefnum er mikill og felst í að hrinda verk-
inu úr vör og að tryggja að hægt sé að halda áfram með það næstu árin.“
Mikið efni er nú þegar komið á vefinn og þar er einnig hægt að lesa frétt Haf-
steins í heild, en hún skýrir vefinn og möguleika hans vel.
Hugleiðingar um Jörð
Sigrún Helgadóttir náttúrufræðingur og kennari í Selásskóla er aðalsprautan
að baki Sólskinsvefnum og hér kemur ástæðan fyrir því að hún stafsetur Jörð
með stórum staf.
Ég skrifa alltaf Jörð með stórum staf þegar ég á við hnöttinn, heimkynni okk-
ar Jörðina. Ég veit að það er ekki í samræmi við reglur um íslenska stafsetningu
en ég þráast við og væri sama þótt ég fengi rautt færi ég í stafsetningarpróf.
Þetta er allt sama orðið, jörð sem jarðvegur, jörð sem bújörð og Jörðin. Við
nefnum hnöttinn eftir gróðurmoldinni þótt hún þeki ekki nema örlítið brot af yf-
irborði Jarðar en það litla brot er forsenda búskapar okkar og lífs. Við vitum
ekki annað en að Jörðin sé sérstök, einstök, hin eina lifandi Jörð. Enginn sam-
bærilegur hnöttur hefur nokkurs staðar fundist við mikla leit. Þrátt fyrir sérstöðu
hennar sýnum við henni minni virðingu en hvaða Jóni og séra Jóni sem er, en
þeir fá nöfn sín skrifuð með stórum staf. Samkvæmt íslenskum stafsetningar-
reglum eigum við að skrifa Merkúr, Venus, Mars, Júpíter, Satúrnus,
Úranus, Neptúnus, Plútó og jörð. Því mótmæli ég og skrifa bæði Jörð og
Jarðarbúar hvenær sem ég kem því við.
Kveðja
Sigrún Helgadóttir, kennari í Selásskóla.