Skólavarðan - 01.06.2001, Blaðsíða 7

Á fundinum var farið yfir ýmis innan-
félagsmál en síðan hófst dagskrá um fram-
kvæmd kjarasamnings framhaldsskólans.
Glímt var við þessa meginspurningu:
Hvaða leið er best að fara við mat á
kennslu og kennslutengdum störfum, sbr.
gr. 1.3.2.5 og samvarandi greinar? Hvaða
aðferðum er raunhæft að beita nú í fyrstu
umferð og hvaða aðferðafræði telja menn
vænlega til frambúðar miðað við að launa-
þróun og launaskrið verði að talsverðu leyti
háð launaákvörðunum í einstökum fram-
haldsskólum?
Elna Katrín Jónsdóttir fór yfir stöðu
mála varðandi miðlæga framkvæmd
kjarasamnings en að því loknu voru fram-
sögur um stofnanaþátt samningsins,
markmið og leiðir.
Baldur J. Baldursson, Iðnskólanum í
Reykjavík, fjallaði um viðbótarstörf og
endurskipulagningu á grundvelli kjara-
samnings og reglugerða og skoðaði í því
samhengi sérstaklega samspil 7. og 8.
greinar kjarasamningsins með hliðsjón af
reynslu Iðnskólans af nýskipan
starfa og skilgreiningu viðbótar-
starfa. „Nýr kjarasamningur
ásamt reglugerðum gefur í raun
skýra mynd af starfsskyldum
kennara,“ sagði Baldur meðal
annars. „Kennarar hafa bætt á sig
mjög afmörkuðum verkefnum án
þess að vinnutími vegna þeirra sé
sérstaklega tíundaður, þ.e. fag-
legri ábyrgð fyrri deildarstjóra í
viðkomandi námsgrein auk hluta af störf-
um fyrri umsjónarkennara sem þeir deila
með öðrum kennurum.
Annað hefur ekki bæst við dagvinnu-
skyldu kennara og nýr kjarasamningur
bindur t.a.m. vinnutíma kennara alls ekki
meira en sá fyrri, enda þeir sjálfir ábyrgir
fyrir því að skila vinnu vegna framan-
greindra tveggja viðbótarþátta.“
Aðalheiður Steingrímsdóttir, Verk-
menntaskólanum á Akureyri, og Lárus H.
Bjarnason, Menntaskólanum við Hamra-
hlíð, fjölluðu um möguleika í útfærslu á á-
kvæðum kjarasamningsins um kennslu og
kennslutengd störf. Aðalheiður gerði að
umtalsefni alúðarstuðlana svokölluðu, sbr.
gr. 1.3.2.5 (og samsvarandi gr. A og C
ramma). Kennarar í VMA urðu sammála
um að útfæra mat innan stofnunarinnar og
kusu ekki alls fyrir löngu fulltrúa sína í
samstarfsnefnd samkvæmt kjarasamningi
en samstarfsnefndir gegna mikilvægu hlut-
verki í stofnanaframkvæmd kjarasamnings-
ins og fjalla til dæmis bæði um flokkun
starfa og röðun til launaflokka. Nefndin í
VMA hefur markað sér þá meginstefnu að
lykilatriði í mati á ýmiskonar reynslu, bæði
úti í samfélaginu og innan stofnunarinnar,
og viðbótarmenntun til hærri launa sé það
hvort þessir þættir nýtast eða geti nýst
skólanum. Í því skyni þótti brýnt að meta
hvern einstakling fyrir sig, reynslu hans og
menntun í fortíð og nútíð, og til að afla
sem áreiðanlegastra gagna útbjó nefndin
eyðublað sem var dreift til allra kennara og
þeir beðnir að gefa ítarlegar og víðtækar
upplýsingar um starfsreynslu, þátttöku í
félagsstörfum, aukastörf, þátttöku í þróun-
arstörfum, námsorlof, námsefnisgerð, önn-
ur störf en kennslu í VMA o.fl. Ekki var
spurt um menntun og námskeið þar sem sú
vitneskja lá fyrir. Ætlunin er að búa til
miðlægt mat og reiknilíkan innan skólans
þrátt fyrir að kennarar útbúi einnig eigin
ferilskrár. Er þessi aðferð talin betri fyrir
kennarahópinn og andrúmsloftið á vinnu-
staðnum en að fara þá leið að hver kennari
leggi ferilskrá fyrir skólameistara og eigi
síðan við hann hver launaröðun hans verð-
ur eftir það.
Lárus lýsti þar næst þeim hugmyndum
sem uppi eru í MH varðandi annars vegar
stofnanaframkvæmdina í heild og hins veg-
ar gr. 1.3.2.5, en þess ber að geta að sam-
starfsnefnd hafði ekki tekið til starfa í MH
þegar fundurinn var haldinn. Fyrstu skrefin
í MH skilgreindi Lárus á þennan hátt: Að
átta sig á kjarasamningum, að grunnraða í
rétta launaflokka, að upplýsa kennara um
hvað er að gerast, að fela kennurum nauð-
synlegustu verkefni til bráðabirgða út þessa
önn (vorönn 2001), að hjálpa menntamála-
ráðuneyti við að meta kostnað af samning-
um, að sækja um að skólinn fái formlegt
umboð til að framkvæma kjarasamninginn,
að koma á fót fjögurra manna samstarfs-
nefnd innan MH til að taka við hlutverki
miðlægu nefndarinnar og loks að smíða
nothæft kerfi á önninni. Grundvallaratriði í
þessari vinnu voru talin vera 1) að byggja á
sameiginlegum markmiðum, 2) að sátt
verði um útfærsluna, 3) að fagmennska ríki
en ekki geðþótti, 4) að kerfið verði hvorki
mjög flókið né tímafrekt og loks 5) að MH
geti boðið betur en aðrir!
Loks fjallaði Hjördís Þorgeirsdóttir um
ýmsa möguleika varðandi kerfisbundið mat
á einstaklingum og störfum þeirra á grund-
velli ákvæða kjarasamnings framhaldsskól-
ans. Hún lýsti tveimur kerfum sem mögu-
leiki væri á að nota, annars vegar því sem
hún nefndi „kvarðann“, hins vegar kerfi
sem byggist á því sem framkvæmt er í
Tækniskólanum. Bæði kerfin byggjast á
mati á menntun, gagnasamningu kennara
o.fl. þar sem hver þáttur hefur vægi.
Framsöguerindin verða birt á heimasíðu
KÍ undir FF. Ástæða er til að hvetja kenn-
ara til að kynna sér innihald þeirra, enda
má segja að þau myndi í sameiningu vísi að
gagnabanka um framkvæmd samningsins
úti í skólunum.
keg
Kjaramál
8
Föstudaginn 4. maí var haldinn í
Borgartúni 6 í Reykjavík samráðs-
fundur stjórnar og samninganefndar
Félags framhaldsskólakennara og
trúnaðarmanna og formanna félags-
deilda.
Framhaldsskóli
Hvaða leið er best?