Skólavarðan - 01.06.2001, Blaðsíða 27

Foreldrafélag misþroska
barna opnar heimasíðu
Foreldrafélag misþroska barna hefur nú opnað heimasíðu
sína á vefsetri Öryrkjabandalags Íslands, www.obi.is. Á síð-
unni er að finna ýmsar upplýsingar um félagið og starfsemi
þess, tilkynningar um starfsemi og slóðir á aðrar áhugaverð-
ar vefsíður, þar á meðal kynningar- og fræðslubækling
félagsins sem liggur inni á netdoktor.is.
Áhugaverðust á heimasíðunni er þó röð greina um vanda-
málið á breiðum grundvelli. Sjö þeirra sækja heimildir sínar
að hluta til í bækurnar Teaching the Tiger eftir Marilyn P.
Dornbush, Ph.D. og Sheryl K. Pruitt, M.Ed., og Þroski og hegð-
unarvandi eftir Málfríði Lorange taugasálfræðing og Matthías
Kristiansen en einnig er leitað fanga víðar. Greinarnar heita: 1.
Athyglisbrestur með eða án ofvirkni og misþroski, 2. Kækir og
Tourette heilkenni, 3. Árátta og þráhyggja, 4. Atferli og örvun,
5. Meðferð og íhlutun, 6. Námsumhverfi og 7. Hagnýt ráð. Átt-
unda greinin heitir svo: Úrræði fyrir fullorðið fólk og er eftir
Kevin R. Murphy, Ph.D., sem starfar við læknamiðstöð
Massachusetts-háskóla í Bandaríkjunum.
Greinarnar sjö eru fyrst og fremst ætlaðar kennurum, leik-
skólakennurum og foreldrum en henta einnig öllum þeim
sem hafa afskipti af börnum yfirleitt því að ætla má að fjög-
ur til sex af hundraði allra barna hafi þessi einkenni og glími
við vandamál þeim tengd í einhverjum mæli. Áttunda grein-
in er svo mjög áhugaverð fyrir þá sem vilja skoða hvernig
einkennin geta komið fram hjá fullorðnum. Foreldrafélag
misþroska barna hvetur alla sem hafa áhuga til að kynna sér
heimasíðuna en slóðin þangað er www.obi.is/ADHD.htm
Að lokum skal þess getið að nýtt upplag af kynningar- og
fræðslubæklingi félagsins er komið úr prentun og er hægt
að nálgast hann með því að hafa samband við upplýsinga-
og fræðsluþjónustu félagsins að Laugavegi 178. Hún er opin
alla virka daga kl. 14 til 16 og síminn þar er 581 11 10, mynd-
sími er 581 11 11. Skrifstofan lokar 15. júní vegna sumarleyfa
en verður svo opnuð á ný eftir sumarfrí þann 15. ágúst.
Stjórn Foreldrafélags misþroska barna.
Spennandi skólamálaþing!
Nú liggja fyrir drög að dagskrá skólamálaþings sem verð-
ur haldið í Reykjavík 8. september nk. og á Akureyri 29. sept-
ember nk. Þar kennir ýmissa grasa og er ekki síst ánægjulegt
að fá tvo góða gesti til landsins, þá Andy Hargreaves og
Christopher W. Day.
Dr. Hargreaves er mörgum íslenskum skólamönnum að
góðu kunnur, hann hefur til dæmis ritað bækurnar Changing
Teachers Changing Times (1994) og Two Cultures of School-
ing (1996). Í rannsóknum sínum hefur hann um langt skeið
gengið út frá menningarhugtakinu og skoðað menningu
skóla og vinnumenningu kennara jöfnum höndum með hlið-
sjón af meðal annars póstmódernískum áhrifum á skólaþró-
un, sjálfsmynd nemenda og kennara og öðrum breytingum
tengdum þessu.
Christopher Day er mikilvirkur menntafrömuður og veitir
til dæmis forstöðu rannsóknamiðstöð í skólaþróun. Hann
beinir sjónum m.a. að lærdómsferli kennara, hugsun þeirra
og þróun í starfi, árangursríkri skólastjórnun og -kennslu og
skólamenningu.
Fagmennska kennara er yfirskrift skólamálaþings að þessu
sinni en aðrir fyrirlesarar eru:
Sigurjón Mýrdal, Þórir Þórisson, Sigurlaug Kristmannsdóttir,
Jón Torfi Jónasson, Jón Baldvin Hannesson, Arna Jónsdótt-
ir, Jóhanna Einarsdóttir, Guðmundur Heiðar Frímannsson,
Valdimar Gunnarsson, Páll Skúlason, Sölvi Sveinsson o.fl.
Nánari dagskrá verður birt í næsta tbl. Skólavörðunnar.
Sumartími hafinn í Kennara-
húsinu
Frá 1. júní til 31. ágúst verður skrifstofa Kennarasambands
Íslands og skrifstofur aðildarfélaga þess í Kennarahúsinu
opnar mánudaga til föstudaga frá kl. 8:00 - 16:00.
Kennarasamband Íslands
Lestu heimasíðuna þína?
Fyrst með þínar fréttir, www@ki.is
Smáauglýs ingar og t i lkynningar
29