Skólavarðan - 01.06.2001, Blaðsíða 13
kenningarlegan grundvöll skólastarfs og útfærslur á honum innan
ramma aðalnámskrár. Hugur okkar stendur fyrst og fremst til
þess að þarna fari fram góð almenn kennsla með fagfólki, það er
síðan samtakanna að leysa málin við þau fagfélög sem um ræðir.
Það er ekki á minni könnu með hvaða hætti það er gert.“
Bæjarfélagið hefur sem sagt ekki tekið afstöðu í þessu
máli?
„Nei, og á ekki að gera það. Það hlýtur hins vegar að vera
metnaður hverrar stofnunar sem leggur út í svona að ráða til sín
góða kennara og tryggja að kjör þeirra séu í takt við þá ábyrgð og
skyldur sem eru lagðar þeim á herðar. Þetta er almennt viðhorf.
En það er ekki bæjaryfirvalda að hafa áhrif á samningagerð þessa
fyrirtækis frekar en við færum að hafa sérstaka skoðun á því hvort
verktakanum sem byggði skólann hefði tekist vel upp í samning-
um við húsasmiði, múrara eða aðra. Fyrst og fremst snýst allt um
það að skila af sér góðu verki og hafa fólkið í kringum sig ánægt.“
Samanburðartölur um kostnað á hvern nemanda í grunnskól-
um Hafnarfjarðar hafa verið birtar, eru þetta sambærilegar tölur
milli skólanna?
Já, þetta eru sambærilegar tölur. Ef við hefðum borið saman
tölur síðastliðinna fimm ára hefðum við fengið aðra niðurstöðu,
jafnvel önnur hlutföll á milli einstakra skóla, vegna þess að það
eru svo margir þættir sem spila inn í skólarekstur. Þessar tölur
sem nú eru birtar eru grundvallaðar á ársreikningum síðasta árs
en síðan er reynt að meta áhrif kjarasamninga inn í, enda tölurnar
miðaðar við janúar 2002. Ef eitthvað er þá er það varfærnislega
gert. Áslandsskóli er bara bundinn við launavísitölu og niðurstað-
an er innan þeirra marka sem bæjaryfirvöld settu sér, að skólinn
væri hvorki dýrastur né ódýrastur. Við erum ekki að mismuna
fólki eftir búsetu í bæjarfélaginu.
Er árlega greiðslan sem hefst í 5,5 miljónum (leiga á
tækjabúnaði) stofnkostnaður, sambærilegur við stofnkostnað
við aðra skóla og stöðvast þessi greiðsla eftir þrjú ár hvort
sem Íslensku menntasamtökin reka skólann áfram eða ekki?
Heildargreiðslan varðandi stofnbúnað innifelur rúm 60% af
útreiknuðum stofnbúnaði skólans. Ef við hefðum verið sjálfir
með reksturinn hefðum við þurft að leggja allan stofnbúnaðinn
fram strax við upphaf skólastarfs. Þessum 60% er í stað þess
dreift á þrjú ár en þau 40% sem eftir eru eru hluti framhalds-
samnings.
Ef sú staða kemur upp að skólinn stendur ekki undir sér
fjárhagslega, verða þá innheimt skólagjöld í Áslandsskóla?
„Nei, það stendur ekki til að reksturinn verði frábrugðinn öðr-
um skólum gagnvart foreldrum og nemendum. Þetta er grunn-
skóli sem býður tiltekna þjónustu sem gert er ráð fyrir í aðal-
námskrá eins og í öllum skólum. Það verða ekki innheimt skóla-
gjöld, hvorki nú né síðar. Hins vegar velti ég vöngum yfir því
hvort ekki sé skynsamlegt að nýta skólabyggingar í bæjarfélaginu
enn betur en gert er, ekki bara í Áslandsskóla heldur almennt, til
dæmis til námskeiðahalds. Önnur hugmynd er að bjóða skóla-
stjórum að gera þjónustusamning við sveitarfélagið og reka skól-
ann á eigin ábyrgð með tiltekinni fjárveitingu.
Hafið þið viðrað þetta við skólastjórnendur?
Já, við höfum gert það.
Hvernig undirtekir hefur það fengið?
„Við höfum ekki skrifað undir samninga en þetta var rætt til
dæmis í Öldutúnsskóla við fyrri skólastjóra þar, Viktor Guðlaugs-
son. Síðan datt umræðan aðeins niður, en við höfum verið að
gera þjónustusamninga hér við leikskólann Hjalla og ferðamála-
fulltrúa bæjarins, svo að dæmi séu tekin.
Ef þjónustusamningur yrði gerður er inni í myndinni að við-
komandi skólastjóri gæti tekið húsnæðið á leigu, það yrði þá inni
í samningnum. Við höfum nú þegar róið nokkuð á þessi mið með
því að setja æskulýðsmiðstöðvarnar inn í skólana. Með einsetn-
ingu skóla er skynsamlegt að horfa til þess að þeir eru í eðli sínu
ekkert annað en hverfismiðstöðvar. Með þeirri áherslu sem við
höfum til dæmis lagt á að færa félagsstarf unglinga inn í skólana
verður viss tenging og ég tel að hún mætti verða enn meiri og
öflugri. En auðvitað þarf að gera þetta í samráði við þá sem ráða
ríkjum í skólunum, skólastjóra og kennara. Það er svo auðvitað
fyrst og fremst bæjarfélagið sem þarf að huga að því hvort ekki sé
unnt að ná fram meiri hagræðingu og nýtingu fyrir íbúana eða
aðra þá sem vilja hugsanlega nýta sér þessi miklu mannvirki sem
standa að stórum hluta ónotuð.“
Í lokin, hvernig vildir þú sjá skólasamfélagið þróast á kom-
andi árum?
„Íslenskt samfélag er á óskaplega hraðri siglingu. Þess sjást
merki víða að þó að við menntum börnin okkar ágætlega, komum
þeim til manns og veitum þeim sjálfsagt fleiri tækifæri en
nokkurn tímann áður þá örlar bæði á óþolinmæði hjá yngstu kyn-
slóðinni og töluverðu agaleysi. Um leið reyndar talsverðu sjálf-
stæði sem er gott. Auknu sjálfstæði fylgir aukið þor og vilji til
þess að takast á við hið óþekkta. Það sem ég vildi sjá standa upp
úr er að við stöldrum aðeins við þessa hugsun um óþolinmæðina
og agaleysið og aukum ábyrgð foreldra og samstarf heimila og
skóla. Stuðlum að því að mennta og byggja upp jákvæða og góða
einstaklinga sem hafa tilfinningu fyrir því að það þarf að taka tillit
til annarra.“
keg
Einkaframkvæmd í Ás landsskóla
14
„Í mínum huga hefur aldrei staðið ann-
að til en að kennsla í Áslandsskóla væri
jafngóð eða betri en hún er í öðrum
skólum,“ segir Magnús Gunnarsson.
Um það leyti sem blaðið fór í prentun funduðu Guðrún
Ebba Ólafsdóttir og Sunita Gandhi. Frétt af fundinum er
á heimasíðu KÍ, www.ki.is