Skólavarðan - 01.06.2001, Blaðsíða 9

Reksturinn var boðinn út sl. vetur eftir að menntamálaráðherra
gaf meirihluta bæjarstjórnar til kynna að ráðuneytið myndi veita
undanþágu til rekstursins á grundvelli 53. greinar grunnskólalaga
um tilraunir í skólastarfi. Ráðherra setti þó það skilyrði að ekki
yrði vikið í neinu frá gildandi lögum og reglugerðum um skóla-
starf, þ.m.t lögum um réttindi og skyldur kennara og skólastjórn-
enda í grunnskólum.
Aðeins eitt tilboð barst í reksturinn, eftir að tilboðsfrestur var
liðinn. Það kom frá Íslensku menntasamtökunum.
Í byrjun maí heimilaði bæjarstjórn Hafnarfjarðar Magnúsi
Gunnarssyni bæjarstjóra að semja við Íslensku menntasamtökin
um rekstur til þriggja ára til að byrja með, að fengnu leyfi
menntamálaráðherra. Í framhaldinu réðu samtökin skólastjóra og
ráðningarstofu hefur verið falið að annast ráðningu kennara.
Heimild bæjarstjórnar til að ganga til samninga um rekstur skól-
ans var samþykkt af meirihluta gegn atkvæðum minnihluta.
Greiðslur bæjarfélagsins til verktakans á tímabilinu júlí til
desember 2001 svara til 350.000 króna á ári fyrir hvern nemanda
en upphæðin hækkar í 365.000 krónur á ári frá janúar 2002 og
breytist síðan í samræmi við launavísitölu. Auk þess er gert ráð
fyrir föstum greiðslum á ári fyrir leigu á tækjabúnaði. Á þessu ári
verða greiddar 5,5 milljónir en upphæðin hækkar um hálfa millj-
ón á ári til 2003. Að föstu greiðslunni meðtalinni svarar kostnað-
ur í upphafi til um 390.000 króna á hvern nemanda miðað við
150 nemendur.
Á heimasíðu Íslensku menntasamtakanna segir að með skóla-
verkefninu í Hafnarfirði gefist tækifæri til að stuðla að þörfum
breytingum í menntun og uppeldismálum. Verkefnið gefi einnig
tækifæri til að afla stuðnings almennings við stefnu samtakanna í
skólamálum. Slík samvinna skóla og samfélags sé heilbrigð og
æskileg. Á heimasíðunni er auk þess að finna eyðublað fyrir ein-
staklinga og fyrirtæki sem vilja styrkja samtökin fjárhagslega.
Þeim er skipt í þrjá hópa: Stuðningsaðila sem greiða allt að 50
þúsund krónur, velunnara sem greiða allt að 500 þúsund krónur
og aðstandendur sem greiða meira en 500 þúsund krónur eða
jafnvirði í öðrum stuðningi.
Einnig er gerð nokkur grein fyrir hugmyndafræði Íslensku
menntasamtakanna á heimasíðunni. Talsmenn þeirra telja að
stefnubreytingar sé þörf í menntamálum á þeirri öld sem nú fer í
hönd. Hverfa verði frá menntalíkani 19. aldar og taka upp stefnu
þar sem grundvallarmanngildi verði byggð inn í sjálfa kennsluna.
Í þessu líkani verði eiginleiki eins og sá að vera góður eða dyggð-
ugur jafn mikilvægur ef ekki mikilvægari en að vera fróður,
greindur eða hæfur til náms í hefðbundnum skilningi. Af þessum
ástæðum hafi Íslensku menntasamtökin tekið upp stefnu alþjóð-
legu menntasamtakanna The Council for Global Education sem
byggi á fjórum hornsteinum menntunar, sammannlegum gildum,
heimsskilningi, yfirburðum í hvívetna og þjónustu við mannkyn-
ið. Ennfremur segir að áhersla á mannrækt í núverandi mennta-
kerfi sé til bóta en nægi ekki ein sér og geti ekki bundið endi á þá
kreppu sem steðji að kerfinu né komið í veg fyrir hörmuleg atvik
sem gerist í bandarískum og evrópskum skólum og utan þeirra og
þar sem börn séu að verki.
Ráðherra fór í kringum lögin
Eiríkur Jónsson, formaður Kennarasambandsins, segist ekki
vita mikið um stefnu Íslensku menntasamtakanna umfram það
sem komið hefur fram í fjölmiðlum. „Mér finnst þó að talsmenn
þeirra komi fram með ódýrar lausnir þegar þeir kynna hug-
myndafræði sína. Þeir segjast leggja mikla áherslu á manngildið.
Er þetta yfirlýsing um að ekki sé lögð áhersla á manngildi í öðr-
um skólum? Það er fásinna að einkavæða þurfi skólann til þess að
manngildi fái notið sín í kennslustarfi. Ef meirihluta bæjarstjórn-
ar Hafnarfjarðar finnst að manngildið hafi á einhvern hátt orðið
útundan í skólakerfinu hingað til er honum í lófa lagið að kippa
því í lag í skólum sem bærinn rekur sjálfur. Ég vil ekki dæma um
þá skólastefnu og hugmyndafræði sem Íslensku menntasamtökin
aðhyllast en ég er nokkurn veginn viss um að bæjarstjórinn í
Hafnarfirði og aðrir í bæjarstjórnarmeirihlutanum vita ekkert
um innihald þeirrar skólastefnu né hvernig hún mun virka og
reyndar held ég að þeim sé alveg sama.“
Ekki er ofmælt að mikil óvissa ríki um skólahald í Áslandsskóla
í haust. Í samkomulaginu um skólann er gert ráð fyrir að 150
nemendur sæki hann næsta vetur í 1. til 7. bekk og við það eru
Einkaframkvæmd í Ás landsskóla
10
Í haust á nýr hverfisskóli að taka til starfa í Áslands-
hverfi í Hafnarfirði. Mikill pólitískur styrr hefur staðið
um þennan nýja skóla, bæði í bæjarstjórn Hafnarfjarð-
ar og á Alþingi, enda er áformað að rekstur hans verði
ólíkur því sem hingað til hefur tíðkast. Hann verður
ekki á vegum sveitarfélagsins heldur einkaaðila.
Eiríkur Jónsson formaður Kennarasambands Íslands:
„Sýndarmennska - ekki áhugi á
bættu skólastarfi“
„Ég vil ekki dæma um þá skólastefnu
og hugmyndafræði sem Íslensku
menntasamtökin aðhyllast en ég er
nokkurn veginn viss um að bæjarstjór-
inn í Hafnarfirði og aðrir í bæjarstjórn-
armeirihlutanum vita ekkert um inni-
hald þeirrar skólastefnu né hvernig hún
mun virka og reyndar held ég að þeim
sé alveg sama.“