Skólavarðan - 01.06.2001, Blaðsíða 8

Þetta á þó ekki við um nemendur í Sum-
arskólanum í FB, þeir mæta í skólann 6.
júní nk. og honum lýkur með prófum þann
3. júlí.
Sumarskóli hefur verið starfræktur í FB í
níu ár. Undanfarin tvö ár hefur aðsóknin
stóraukist, fyrir tveimur árum stunduðu
rúmlega 200 nemendur nám við skólann
en í fyrrasumar bar svo við að þeir voru
nærri 500.
Magnús Ingvason er annar
framkvæmdastjóra Sumarskólans
í FB. Skólavörðunni lék forvitni á
að vita hvaða unglingar það væru sem
sæktu nám á sumrin.
„Það má skipta nemendum í fimm hópa.
Í fyrsta lagi eru það þeir sem þurfa að
vinna upp gamlar syndir, þ.e.a.s. nemendur
sem hafa fallið í einhverjum áföngum, í
öðru lagi eru þetta nemendur sem vilja
flýta fyrir sér í námi, í þriðja lagi nemendur
sem eru á leið í framhaldsnám og vilja dá-
litla upprifjun áður en það nám hefst, eink-
um í stærðfræði, í fjórða lagi nemendur úr
10. bekk sem hafa ekki náð fullnægjandi
einkunn á samræmdu prófunum og loks
„fólkið í landinu“ sem vill bæta kunnáttu
sína á einhverju sviði, einkum tungumálum
og tölvunotkun, og lítur á þetta sem nokk-
urs konar námskeið.“
Er boðið upp á alla áfanga?
„Það er boðið upp á yfir 50 áfanga og
reynslan sýnir að rúmlega helmingur er
kenndur. Þetta eru yfirleitt algengustu
áfangarnir, svo sem í ensku, dönsku, stærð-
fræði og íslensku. Svo eru nokkrir raun-
greinaáfangar, viðskiptaáfangar, tölvu-
áfangar, þýska, franska og spænska og
svona eitt og annað til viðbótar.“
Hvaðan koma nemendurnir...?
„Af öllu landinu og núna um miðjan maí
eru t.a.m. um tíu Íslendingar búsettir í út-
löndum búnir að skrá sig í
skólann. Síðan hafa m.a. nem-
endur frá Eskifirði, Húsavík,
Akureyri og Ísafirði skráð sig
og svona mætti lengi telja.
Um helmingur nemenda
kemur þó úr Breiðholti.“
...og kennararnir?
„Mér sýnist þeir koma úr
um það bil sex skólum í ár.
Flestir eru úr FB en þó kemur
alltaf stór hluti úr öðrum skól-
um. Kennararnir eru ánægðir
með launin sem taka mið af
kjarasamningnum sem var
gerður í vetur. Þetta er stutt
og snörp lota og við viljum
borga vel fyrir það.“
Hvernig er kennslunni háttað?
„Það er kennt á daginn frá 17:30 til
22:10 í tæpar fjórar vikur. Allt nám er á
ábyrgð deildarstjóra við FB og eru gerðar
sömu kröfur til nemenda á sumrin og á
veturna. Enda er námið matshæft í öðrum
skólum.“
Hvernig er rekstrarfyrirkomulag
skólans?
„Sumarskólinn í FB er rekinn af sjálfs-
eignarstofnun, Fjölvali ses. Stofnunin ræð-
ur kennara til starfa og sér að öllu leyti um
reksturinn. Við leigjum húsnæði, tæki og
tól af FB og kaupum svo ýmsa þjónustu af
skólanum.“
Er vaxandi þörf fyrir námstilboð af
þessum toga og þá af hverju?
„Já, það er greinilega mikil og vaxandi
þörf fyrir nám af þessu tagi. Unglingar í dag
vinna flestir með skólanum á veturna þannig
að þeir þurfa ekki að keyra sig út á vinnu
yfir sumarmánuðina eins og var kannski hér
áður fyrr. Þeir hafa því rýmri tíma á sumrin
og vilja halda áfram í áttina að því marki
sem þeir hafa sett sér í náminu.“
Viðta l , f rétt
Margir sjá vorið fyrir sér sem þann
tíma þegar börnin og unglingarnir
„sleppa“ úr skólastofunum eftir lang-
an og strangan vetur. Sumarið er á
næsta leiti og enginn skóli fyrr en
næsta haust. „Vei!“ segja þau ein-
hver.
Sumarskólinn í FB að verða með
fjölmennari framhaldsskólum
9
Þann 1. júní var undirritaður kjarasamningur milli Félags framhaldsskólakennara
f.h. Kennarasambands Íslands annars vegar og Fjölvals ses. hins vegar um launa-
greiðslur til kennara við Sumarskólann í FB sumarið 2001.
Samningurinn tekur mið af gildandi kjarasamningi framhaldsskóla.
Forsendur samningsins eru þau skilyrði að kennslan uppfylli sömu kröfur og
gerðar eru í kvöldskólakennslu (öldungadeildum framhaldsskóla) um fjölda stunda
á einingu fyrir nemendur. Kennsla sé í höndum framhaldsskólakennara. Nemendur
hafi lokið tilskildum undanfaraáföngum skv. námskrá framhaldsskóla. Í hópum séu
almennt ekki fleiri en fimmtán nemendur. Gert er ráð fyrir að í nemendahópnum
séu nemendur í reglulegu námi sem eru annaðhvort að flýta námi sínu, vinna upp
seinkun eða bæta kunnáttu sína.
Fyrir kennslu þriggja eininga áfanga fá kennarar greiddar kr. 177.936 samkvæmt
samningnum, eða kr. 59.312 fyrir hverja kennda einingu.
Reiknað er með að í sumar starfi um tuttugu kennarar við Sumarskólann í FB, all-
ir réttindakennarar með mikla reynslu í starfi.
Stéttarfélög kennara og forsvarsmenn Sumarskóla FB hafa um árabil gert með
sér kjarasamning um starfsemi skólans og hefur þeirri starfsvenju verið haldið eftir
að skólinn varð sjálfseignarstofnun, en það gerðist í fyrra.
KÍ og Fjölval undirrita kjarasamning