Skólavarðan - 01.06.2001, Blaðsíða 14
Breiðholtsskóli í neðra Breiðholti er í
miðju Bakkahverfi sem afmarkast af brekku
og mikilli umferðargötu. Nemendur skól-
ans þurfa lítið að sækja út fyrir hverfið og
er skólinn því í senn menntastofnun og
félags- og menningarmiðstöð hverfisins.
Í skólanum eru nú um 570 nemendur í
26 bekkjardeildum. Þar starfa 70 manns,
þar af eru um 47 kennarar með mikla
reynslu og margir hafa kennt lengi við
skólann. Skólastarfið byggist á 32ja ára
traustum grunni og hefðum, skólinn er
framsækinn og þar er unnið metnaðarfullt
þróunarstarf.
Eitt af meginmarkmiðum skólans er að
styrkja samstarf heimila og skóla enda hafa
rannsóknir sýnt að stuðningur og samstarf
foreldra eykur námsárangur nemenda og
styrkir kennara í starfi. Undir þessar rann-
sóknir tekur Ragnar Þorsteinsson skóla-
stjóri í Breiðholtsskóla:
„Menntun er samvinnuverkefni heimila
og skóla og foreldrar nemenda í Breið-
holtsskóla eru hvattir til að koma markvisst
að námi barna sinna á ábyrgan og upp-
byggilegan hátt. Foreldrafélög eru nauð-
synlegur vettvangur til skoðanaskipta og
fræðslu um uppeldi og menntun barnanna.
Þau eru líka kjörinn vettvangur fyrir börn
og foreldra til að kynnast í gegnum leik
og félagsstörf. Foreldrar sem þekkjast
innbyrðis eru hæfari til að taka á málum
barna sinna og með samstöðu geta foreldr-
ar stutt hver annan í uppeldisstarfinu,“
segir Ragnar.
Öflugt foreldrafélag er starfandi við skól-
ann. Eftir margra ára farsælt starf töldu
forsvarsmenn skólans og foreldrafélagsins
að þeir væru í stakk búnir til að miðla af
reynslu sinni til annarra skóla og á síðasta
ári hlaut Breiðholtsskóli ásamt Engjaskóla
styrk frá Fræðslumiðstöð Reykjavíkur til að
vera móðurskóli í foreldrastarfi.
Verkefnið er til þriggja ára en hlutverk
móðurskóla er þrískipt. Byggja á upp fyrir-
myndar áætlun um samstarf og samskipti
við foreldra. Leggja skal áherslu á upplýs-
ingamiðlun og samskipti við foreldra í
gegnum heimasíðu. Leitast er við að veita
öðrum skólum ráðgjöf, meðal annars með
því að bjóða upp á námskeið og taka á móti
kennurum frá öðrum skólum og kynna fyr-
ir þeim fyrirkomulag og aðstöðu.
„Þetta eru hornsteinarnir og út frá þeim
vinnum við. Fyrsta árið fór í vinnu og
skipulagningu innan skólans, á öðru ári
hefst ráðgjöf til annarra skóla og þriðja árið
fer í ráðgjöfina,“ segir Ragnar og bendir á
viðurkenningarskjal sem samtökin Heimili
og skóli veittu Breiðholtsskóla fyrir þróun-
arstarf.
Handrukkað á námskeið
Breiðholtsskóli framfylgir stefnu og
markmiðum í foreldrasamstarfi á ýmsan
hátt og reynir að ná til foreldra allra nem-
enda skólans. Margar nýjungar hafa komið
fram í starfinu og margt hefur fest sig í
sessi á milli ára. Í upphafi hvers árs er for-
ráðamönnum boðið á skóla- og námskynn-
ingu og foreldrum fyrstu bekkinga er af-
hentur kynningarbæklingur við innritun
barna sinna. Einnig hafa undanfarin þrjú ár
verið haldin tveggja kvölda námskeið í því
sem kallað er skólafærni fyrir forráðamenn
sex ára barna. Mæting á þessi námskeið
hefur verið ótrúlega góð, allt að 90 prósent
þátttaka.
„Við sendum út bréf á vorin með drög-
um að dagskrá, segjum frá námskeiðinu og
að einhvern tíma í ágúst muni foreldri
banka upp á hjá þeim og innheimta þátt-
tökutilkynningu.“
Námskeið eru líka haldin fyrir forráða-
menn barna í sjöunda bekk enda telur skól-
inn nauðsynlegt að búa bæði börn og for-
eldra undir unglingastigið. Þar er rætt um
unglingsárin og unglingadeildina sjálfa,
inntökuskilyrði framhaldsskóla eru kynnt
Fore ldrastarf
16
Fjölskylda, skóli og nánasta umhverfi
eru sterkustu áhrifavaldar í mótun
einstaklingsins. Gagnkvæm og virk
upplýsingagjöf milli foreldra og
starfsfólks skóla stuðlar að gagn-
kvæmu trausti milli aðila. Með aukn-
um kynnum foreldra af daglegu starfi
í skólanum og skipulegri samvinnu
um skólastarfið, t.d. í tengslum við
heimanám, aukast líkur á vellíðan
nemenda og árangri.
( Úr aðalnámskrá grunnskóla).
Breiðholtsskóli -
móðurskóli í foreldrastarfi
„Ef tengslin milli skóla og heimilis eru í ólagi eru líkur á að líðan nemenda og námsárangur verði
ekki eins góð og ella,“ segir Ragnar Þorsteinsson.
Undanfarin þrjú ár
hafa verið haldin
tveggja kvölda námskeið
í því sem kallað er
skólafærni fyrir forráða-
menn sex ára barna.
Mæting á þessi nám-
skeið hefur verið ótrú-
lega góð, allt að 90
prósent þátttaka.