Skólavarðan - 01.02.2002, Blaðsíða 3
4
Leiðar i
Ritstjóri: Kristín Elfa Guðnadóttir kristin@ki.is
Ábyrgðarmaður: Helgi E. Helgason helgi@ki.is
Ritstjórn: Anna Björg Sveinsdóttir, Ásmundur Örnólfsson, Auður Árný Stefánsdóttir,
Eiríkur Jónsson, Helgi E. Helgason, Kristín Elfa Guðnadóttir, Kristín Stefánsdóttir,
Magnús Ingvason, Sigurrós Erlingsdóttir.
Hönnun: Penta ehf.
Ljósmyndun: Jón Svavarsson
Teikningar: Ingi
Auglýsingar: Öflun ehf. / Kristín Snæfells / kristin@oflun.is / sími: 533 4470
Prentun: Prentsmiðjan Grafík ehf.
Forsíðumyndin er unnin af Stephen A. Fairbairn.
Án þess að ýta á „play“
Ein er sú hljómkviða sem fylgir hverri manneskju alla ævi og
það án þess að hönd sé út rétt til að ýta á „play“, hún er í senn
falleg og angistarfull og - þegar samspil manneskjunnar og um-
hverfis hennar er í jafnvægi - gleðirík,
umbreytt í orð hljómar hún svona:
Skildu mig.
Upprunalegasta ákall mannssálar-
innar.
Óður ómálga barns, bæn minnis-
firts gamalmennis, óp Munks, hlátur
hellisbúans.
Kennarar eru ekkert öðruvísi en
aðrir hvað þetta varðar. Yfirskrift 2.
þings Kennarasambands Íslands er
kennsla - aðlaðandi ævistarf. Hvað er
aðlaðandi við kennarastarfið? Kannski einmitt þetta: að mynda
samband, tengjast, skilja hvert annað.
Óvænt og án þess að ýtt sé á „play“.
VR skýrslan
Þessi millifyrirsögn er villandi. Ég hef ekki enn komist til þess
að lesa skýrsluna sem Verslunarmannafélag Reykjavíkur lét
semja um íslenska skólakerfið. Og get þar af leiðandi ekki fjallað
um hana. Án þess að vilja bera í bakkafullan læk klisjanna leyfi
ég mér að segja þetta: Skýrslur eru fargan og ef „an“-ið er fjar-
lægt stendur eftir að þær eru farg. Það er vegna þessa sem við
höfum blaða- og fréttamenn: til að lesa skýrslurnar og miðla svo
til okkar aðalatriðunum. Það er að segja, þetta gerðu þeir fyrir
okkur, þeir hafa engan tíma til þess lengur. Í staðinn fara þeir til
álitsgjafa og spyrja: Er samantektin á bls. 357 í skýrslunni rétt og
hvað á ég að segja þjóðinni um þessa skýrslu? Álitsgjafinn tekur
hár úr hala sínum, leggur það á jörðina og svarar að bragði:
Farðu í suður, hoppaðu upp og bentu í vestur. Þannig verður álit
þjóðar á skýrslu til og svo sem ekki verri aðferð til skýrslugrein-
ingar en hver önnur.
Hverfa lögreglumenn?
Á nýafstöðnu Foreldraþingi SAMFOKS var meðal annars sam-
þykkt ályktun þar sem dómsmálaráðherra er hvattur til að
„stuðla að því að löggæsla í hverfum borgarinnar sé á þann hátt
að lögreglan geti brugðist fljótt og vel við beiðnum foreldra á
foreldrarölti um aðstoð. Dómsmálaráðherra hefur lýst yfir vilja
sínum í fjölmiðlum til þess að svo megi vera og foreldrar vilja
nú sjá þann vilja í verki,“ eins og segir í ályktuninni. Flestir, ef
ekki allir, eru sammála um að efla beri hverfalöggæslu. Hverfis-
lögreglumenn eru í nokkrum hverfum á höfuðborgarsvæðinu og
samstarf við íbúa iðulega með miklum ágætum eftir því sem
best verður komist. Gildi þessa samstarfs í tengslum við for-
varnir er óumdeilt. Fjölbreyttir möguleikar eru einnig á samstarfi
skóla og lögreglu og í því samhengi má nefna skylt mál, átaks-
verkefnið Öruggt spjall sem var kynnt nýverið. Öruggt spjall felst
meðal annars í útgáfu veggspjalds og bæklings þar sem krökk-
um er kennt að gæta sín í samskiptum við ókunnuga á Netinu.
Einnig er efnið á formi nokkurs konar netmyndasögu. Eftirfar-
andi 5 aðilar áttu samvinnu um verkefnið: Ríkislögreglustjóri,
Lögreglan í Reykjavík, Fræðslumiðstöð Reykjavíkur, Umboðs-
maður barna og Skýrr/Ísmennt. Vonandi hætta hverfislöggurnar
að vera „tilraun“ og öðlast fastan sess í öllum hverfum allra
bæja á landinu. Þá fyrst verður hægt að tala um alvöru samstarf.
Kristín Elfa Guðnadóttir
Efni
Greinar
Breytingar á lögum Kennarasambandsins 6
Svanhildur María Ólafsdóttir segir frá tillögum laganefndar.
Starfandi kennarar útilokaðir frá setu í stjórn
Kennarasambandsins 6
Valgeir Gestsson skrifar um þrjár lagabreytingatillögur sem
lúta að breytingum á stjórn KÍ.
Siðareglur efla fagmennsku kennara 7
Hjördís Þorgeirsdóttir reifar tillögur skólamálaráðs KÍ sem
lagðar verða fram á þinginu 8. - 9. mars.
Enn fleiri námsbrautir í boði 8
Næsta vetur er boðið upp á framhaldsnám við 17 námsbrautir í
KHÍ, hér eru tvær þeirra kynntar en ein var kynnt í síðasta tbl.
Kennsla aðlaðandi ævistarf 10
Sjö kennarar á öllum skólastigum svara því hvað sé aðlaðandi
við að vera kennari.
Hvernig hefur tekist til? 13
Fyrsta starfstímabili í Kennarasambandi Íslands er að ljúka,
hvernig finnst formönnum aðildarfélaga að til hafi tekist?
Innu grams eg innti frá, að öllu leyti sem var 18
Nýtt upplýsingakerfi framhaldsskóla, Inna, er að talsverðu
leyti komið í notkun.
Líðan samkynhneigðra kennara 20
Viðtal við Söru Dögg Jónsdóttur.
Minnkandi heimur 22
- rafrænt net smárra skóla - óvænt tengsl ínlenska
menntanetsins við Nýja Sjáland og Kanada.
Grein eftir dr. Ken Stevens og Karl Erlendsson.
Fastir liðir
Formannspistill 3
Eiríkur Jónsson skrifar.
Gestaskrif 5
Guðný Guðbjörnsdóttir lagar kaffið í þetta sinn.
Fréttir og smáefni 5, 8, 19, 21, 25, 28
Skóladagar 12
Myndasaga Skólavörðunnar.
Kjaramál 24, 25, 26, 27
Smiðshöggið 30
Hverjum erum við að þjóna? Oddfríður Stefánsdóttir
leikskólastjóri skrifar.
Annað
Þing Kennarasambands Íslands 8. og 9. mars næstkomandi 29
Upplýsingar um dagskrá þings og aðalfundi þriggja
aðildarfélaga.