Skólavarðan - 01.02.2002, Blaðsíða 24

Kjaramál
27
Við gerð kjarasamnings FL við
launanefnd sveitarfélaga frá 24.
janúar 2001 og í kjarasamningi við
ríki frá 31. ágúst sama ár, náðist
fram veruleg hækkun á framlagi
vinnuveitenda leikskólakennara í
Vísindasjóð FL. Framlag sveitar-
félaga hækkaði úr 0,6 % af heildar-
launum í 1,5 % af grunnlaunum.
Framlag ríkisins hækkaði úr 0,22 %
af heildarlaunum í 1,72 % af
grunnlaunum. Í öllum samningum
sem FL hefur gert við sjálfseignar-
stofnanir og einkaaðila hefur verið
samið um 1,5 % af grunnlaunum.
Í bókun með kjarasamningi var gert samkomulag um að
reglum sjóðsins yrði breytt og þær yrðu hluti af kjarasamn-
ingi. Ennfremur var sjóðsstjórn falin heildarendurskoðun á
reglunum.
Sjóðsstjórn, sem í sitja tveir fulltrúar tilnefndir af FL og tveir
af rekstraraðilum, samþykkti breyttar reglur sem tóku gildi frá
1. janúar 2002. Þær voru birtar í októberhefti Skólavörðunnar
og er einnig að finna á heimasíðu FL.
Aðalbreytingar á reglugerð sjóðsins felast í því að nú skipt-
ist hann í þrjár deildir, A, B og C deild.
A-deild
A-deild sjóðsins veitir styrki til félagsmanna til að sækja
endurmenntunarnámskeið og ráðstefnur innanlands og styrki
til kynnisferða erlendis. Hámarksupphæð er kr. 40.000 á
kvótatímabilinu frá 1. september til 31. ágúst. Til viðbótar
greiðir sjóðurinn ferðakostnað innanlands fyrir þá félags-
menn sem búa 100 km eða lengra frá þeim stað þar sem við-
komandi námskeið/ráðstefna fer fram.
A-deild veitir einnig hærri styrki til félagsmanna til að sækja
ráðstefnur/kynnisferðir til útlanda. Sjóðsstjórn ákveður í upphafi
árs hámark upphæðar og fjölda styrkja. Skulu líða að minnsta
kosti fjögur ár frá því að félagsmaður fær slíkan styrk þar til
hann getur sótt um aftur. Á fundi sjóðsstjórnar í janúar sl. var
ákveðið að upphæð þessara styrkja yrði kr. 130.000. Úthlutanir
úr A-deild fara fram a.m.k. fjórum sinnum á ári, í mars, júní,
september og desember að undanskildum úthlutunum á hærri
styrkjunum til utanfara. Þeir verða auglýstir í mars hér í blaðinu
og á heimasíðu og koma til úthlutunar einu sinni á ári, í júní. Við
úthlutun áskilur sjóðsstjórn sér rétt til að taka tillit til starfsaldurs
umsækjanda og fleiri þátta sem hún telur skipta máli.
B-deild
B-deild sjóðsins veitir styrki til félagsmanna til að stunda
framhaldsnám. Sjóðsstjórn ákvað á fundi í janúar að veita
100.000 kr. styrk til þeirra er stunda viðurkennt framhaldsnám
innnanlands og 140.000 til þeirra er stunda nám erlendis.
Styrkir úr B-deild verða auglýstir í mars fyrir þá er stunda
framhaldsnám skólaárið 2002 til 2003. Umsóknarfrestur er til
30. maí. Við úthlutun áskilur sjóðsstjórn sér rétt til að taka tillit
til starfsaldurs umsækjanda og fleiri þátta sem hún telur
skipta máli.
C-deild
Styrkir úr C-deild eru veittir félagsmönnum annars vegar til
þróunar- og rannsóknastarfa og námsefnisgerðar og hins
vegar einstökum félagsmönnum eða hópum félagsmanna,
faghópa og nefnda innan FL til að halda námskeið og ráð-
stefnur ætlaðar félagsmönnum. Styrkirnir verða auglýstir í
ágúst og koma til úthlutunar í október.
Umsóknareyðublöð er að finna á heimasíðu FL og einnig er
hægt að nálgast þau á skrifstofu. Hægt er að sækja um styrki
án þess að kvittun fylgi. Þegar að greiðslu kemur þarf frumrit
kvittana að hafa borist skrifstofu.
Þröstur Brynjarsson
varaformaður FL
Leikskóli
Endurmenntun-Vísindasjóður - hækkun framlaga
Í kjölfar nýrra kjarasamninga
hringja kennarar, skólastjórar og
launafulltrúar á skrifstofu vegna
röðunar í launaflokka. Nokkuð er
spurt um hvernig nám hafi verið
metið og hvað gildi í þeim efnum.
Skólastjórar skulu nú meta
nám kennara til launaflokka-
röðunar.
Matsnefnd tónlistarskólakennara er ekki lengur starfandi
vegna breytinga á kjarasamningi. Kennaraskráin með þeim
upplýsingum sem kennarar hafa sent til matsnefndar er í
varðveislu Sambands íslenskra sveitarfélaga. Nú hefur verið
ákveðið að kennarar geti sótt möppur sínar á skrifstofu Sam-
bands íslenskra sveitarfélaga, Háaleitisbraut 11-13, Reykjavík.
Hafið samband við Ragnhildi Hannesdóttur ritara.
Sigríður Sveinsdóttir
fulltrúi Félags tónlistarskólakennara
Tónlistarskóli
Mat á námi og kennaraskrá tónlistarskólakennara
Í 3. gr. bókunar um vetrarorlof
segir svo: „Skólastjóri og aðstoð-
arskólastjóri skulu hafa tilkynnt
launagreiðanda a.m.k. einum
mánuði fyrir byrjun sumarorlofs
óskir sínar um orlof, hvort hann
hyggst skipta orlofsrétti sínum
og þá hve marga orlofsdaga
hann hyggst taka að vetri. Tilkynna skal töku vetrarorlofs
a.m.k. einum mánuði áður en hún hefst.“
Góðir félagar. Munið að láta þetta ekki lenda í undandrætti
og geymið ekki of lengi að tilkynna hvort þið ætlið að skipta
orlofi svo að þið tapið ekki þeim möguleika. Verði breytingar á
er hægt að afturkalla ákvörðun fyrir skólabyrjun.
Kári Arnórsson
fulltrúi Skólastjórafélags Íslands
Grunnskóli
Ábending til skólastjóra/aðstoðarskólastjóra um töku vetrarorlofs