Skólavarðan - 01.02.2002, Blaðsíða 10

fólki sem hefur hugmyndir og væntingar.
Þar kemur kennarinn sterkt inn í og getur
veitt leiðsögn um hvernig best er að vinna
úr og með hugmyndirnar og hefur þannig
áhrif á mótun nemenda. Fjölbreytileikinn í
starfinu er mikill, vinna með fólki en ekki
tækjum eða tólum, því að aldrei er að vita
hvernig brugðist er við þeim hugmynd-
um/verkefnum sem lögð eru fram. Sam-
skiptin við samkennara þar sem unnið er að
þróun og útfærslu á verkefnum og vinnu
með nemendum gefur mér mjög mikið.
Allt hefur sína kosti og galla, kennara-
starfið er líklega það starf þar sem erfiðast
er að skilgreina hvenær vinnudagurinn hef-
st og hvenær honum lýkur. Þetta er ekki
starf sem hefst klukkan átta og lýkur þegar
komið er heim seinnipartinn, verkefni,
hugmyndir og vandamál fljóta með heim
að „loknum“ vinnudegi. Möguleikar
á framgangi í kennarastarfi sýnast
mér frekar litlir, tökum tvö dæmi:
Umsjónarkennari fer í viðbótarnám
og gerist hæfur list- eða
verkgreinakennari en hvað
gerist, hann hækkar ekki í
launum, frekar lækkar. Hvað
þá frábæri list- eða verk-
greinakennarinn sem gerist
umsjónarkennari til að fá
launahækkun! Þó virðist aðeins
vera að rofa til með deildarstjórum
sem samið var um í nýgerðum
kjarasamningum en þau störf á eftir
að þróa í ansi mörgum skólum.
Það sem alltaf stendur þó upp úr er að ég
vinn með fólki sem hefur hugmyndir og
skoðanir og það er okkar að finna þeim
réttan farveg.
Sigríður Árnadóttir tónlistarskóla-
kennari frá 1987 og skólastjóri Tón-
listarskólans í Grafarvogi frá 1991.
Kennslugreinar: forskóli og tón-
fræði.
Þetta er áreiðanlega spurning sem allir
kennarar hafa margoft velt fyrir sér.
Að mínu mati er starfið aðlaðandi fyrir
það að það veitir manni svigrúm til að
starfa sjálfstætt að skapandi og margbreyti-
legu tónlistaruppeldi barna. Það er mjög
gefandi að vinna náið með öðrum einstakl-
ingum og fá að byggja upp kunnáttu og
færni barna á sviði tónlistar. Tónlistarskóli
er mjög lifandi umhverfi, bæði hugmynda-
og félagslega, börn eru upp til hópa afskap-
lega skemmtilegt fólk og óneitanlega fyllist
maður stolti yfir því þegar vel gengur.
Starf tónlistarkennara er jafnframt mjög
krefjandi og góður kennari þarf ávallt að
vera tilbúinn til að gefa mikið af sér. Ekki
bætir vinnutími tónlistarkennara úr skák
eftir einsetningu grunnskóla, þegar kennsl-
an getur ekki hafist fyrr en eftir að skóla-
tíma lýkur og stendur oft langt fram á
kvöld. Það sem mér hefur löngum þótt
íþyngjandi í starfi mínu er barátta okkar
kennara við skammsýni og skilningsleysi
þeirra sem setið hafa við stjórnvölinn, en
við kennarar höfum orðið varir við aukinn
skilning almennings á eðli og mikilvægi
starfsins og er það mikilvægt veganesti til
bjartari framtíðar.
Viðtö l
12
Sigríður: Tónlistarskóli er mjög lifandi umhverfi,
bæði hugmynda- og félagslega.
Kristinn: Kennarastarfið er líklega það starf þar
sem erfiðast er að skilgreina hvenær vinnudag-
urinn hefst og hvenær honum lýkur.