Skólavarðan - 01.02.2002, Blaðsíða 23

Kjaramál
26
Skóladeild Akureyrar sendi samstarfsnefnd KÍ (FG
og SÍ) og LN ýmsar spurningar sem ætla má að
margir hafi gagn af að lesa svörin við. Einnig eru hér
svör af heimasíðu Sambands íslenskra sveitarfélaga
um sömu málefni.
1. Eru skil á vinnu, 150 klst. vegna endurmenntunar/undir-
búnings, fyrst og fremst ætluð utan starfstíma skóla, til dæmis
frá 12. júní til 20. ágúst, ef gert er ráð fyrir að þeir 8 starfsdag-
ar, sem koma við upphaf og lok skóla, séu utan þessa tíma?
Já.
2. Ef hægt er að reikna með því að nýta eitthvað af þessum
150 klst. á starfstíma skóla eins og gefið er grænt ljós á í
Handbókinni, með samþykki kennara, hvar og hvernig er gert
ráð fyrir að slíkum tíma verði komið fyrir?
Skólar sem nýta sér möguleika á sveigjanlegu upp-
hafi og lokum skólaárs mega eftir því sem kostur er og
með samþykki viðkomandi kennara setja endurmennt-
un þeirra á dagvinnutíma á starfstíma skóla og kemur
sá tími þá til frádráttar 150 klst. Ef endurmenntun fer
fram sem hluti af 9,14 tímum undir verkstjórn skóla-
stjóra dregst hún ekki frá 150 klst.
3. Miðað við þá kennara sem hafa lengst orlof, 6 vikur, virð-
ist sem ekki náist nema u.þ.b. 136 klst. ef allir hugsanlegir
dagar eru taldir frá og með til dæmis 13. júní til 17. ágúst.
Hvernig geta kennarar uppfyllt vinnu þessar 150 klst. ef þær
eru fyrst og fremst hugsaðar utan starfstíma grunnskóla?
Kennarar með aukinn orlofsrétt geta ekki náð 150 klst.
vegna símenntunar utan starfstíma skóla og kemur það
þá til frádráttar 150 klst. (sjá gr. 2.1.6.6, 4.1 og 4.1.2).
4. Kennarar skila vinnu í 2,86 klst. á viku í 37 vikur umfram
40 klst. vinnu. Þeir eru því að vinna af sér sem svarar 105,82
klst. eða 13,23 vinnudögum miðað við 8 klst. vinnu á dag.
Miðað við núverandi skólaár falla 8 dagar undir skilgreiningu
sem almennir vinnudagar í kringum jól og páska og vetrarfrí
var 2 vinnudagar hér á Akureyri, samtals 10 dagar. Af því leið-
ir að dögum fækkar að sumrinu um rúmlega 3 sem eru til ráð-
stöfunar. Er þetta réttur skilningur?
Já, þetta er réttur skilningur. Athuga ennfremur gr.
4.4.3 um að sé orlof eða hluti orlofs tekið eftir að sum-
artímabili lýkur skuli sá hluti orlofsins lengjast um
fjórðung.
5. Nú er það svo á almennum vinnumarkaði að árlegur
vinnutími er mislangur og fer eftir orlofsrétti starfsmanna. Er
það rétt, sem lesa má út úr vinnutímaskilgreiningu í kjara-
samningi KÍ og LN, að þetta eigi ekki við um kennara? Á tíma-
bilinu 15. júní-15. ágúst eru 40 vinnudagar 2002. Orlof getur
mest verið 30 dagar og minnst 24 dagar. Hvernig kemur þessi
munur fram í vinnuframlagi kennara? Eða falla þessir 6 vinnu-
dagar út miðað við að allir eigi að skila 1800 klst. á ári í vinnu?
a) Virkur árlegur vinnutími kennara er mislangur eftir
orlofsrétti þeirra.
b) Sjá svar við spurningu 3.
6. Ef endurmenntunaráætlun gerir ráð fyrir námskeiði fyrir
alla kennara skólans á sama tíma, til dæmis 12.-16. ágúst, og sú
ráðstöfun hefur verið samþykkt af meirihluta kennara, getur
skólastjóri þá skyldað alla til að mæta á þessum tíma? Ef kenn-
ari mætir ekki, getur skólastjóri þá metið það svo að hann hafi
ekki uppfyllt skilyrði fyrir staðfestri þátttöku í endurmenntunar-
áætlun og því kippt af honum launaflokkum 1. ágúst árið eftir?
Skólastjóri hefur verkstjórnarvald yfir endurmennt-
unarhluta í vinnuskyldu kennara að sumri og getur eft-
ir atvikum sent kennara á námskeið enda sé það þeim
að kostnaðarlausu. Ef kennari mætir ekki á námskeið
sem er hluti af samþykktri endurmenntunaráætlun
skóla og vinnuskyldu kennara er það brot á skyldum
hans skv. ráðningarsamningi og vinnuskyldu skv. lög-
um nr 72/1996 og getur leitt til áminningar og upp-
sagnar. Skólastjóri og kennari geta eftir atvikum kom-
ið sér saman um aðra fullnustu í staðinn ef eðlilegar
ástæður eru fyrir því að kennari hefur ekki sinnt sí-
menntunaráætluninni. Forsenda fyrir því að kennari
njóti símenntunarlaunaflokka skv. grein 1.3.5 er stað-
fest þátttaka hans í símenntunaráætlun skóla.
Rétt er að vekja athygli á eftirfarandi spurningum og svör-
um verkefnisstjórnar um kjarasamninginn sem varða endur-
menntun kennara og er að finna á slóðinni www.samband.is/
grunnskoladeild/index.shtml
„Skólastjóri getur ákveðið að einstakir kennarar eða kennara-
hópar sæki skilgreinda endurmenntun. Kennari skilgreinir þarfir
sínar og kynnir skólastjóra sem ákveður...“ o.s.frv. - út greinina.
Ég les þessa grein þannig að skólastjóri geti hafnað ósk kenn-
ara um ákveðin námskeið og gert honum að sækja önnur, þ.e.
kennari getur einungis lagt fram óskir, ákvörðunin er skóla-
stjóra sem verður þá væntanlega að byggja hana á rökum út
frá endurmenntunaráætlun skólans. Er þetta rétt skilið?
Rétt skilið.
Hefur skólastjóri verkstjórnarvald yfir 150 tímunum sem á
að nota til endur/símenntunar og undirbúnings utan árlegs
skólatíma?
Þessa tíma á að nota í símenntun og undirbúning
undir næsta skólaár. Sá þáttur sem lýtur að endur- eða
símenntun er undir verkstjórn skólastjóra. Ekki er
ákvarðað í kjarasamningi hve stór hluti af þessum 150
tímum er ætlaður í hvort fyrir sig menntun eða undir-
búning. Það getur verið breytilegt frá ári til árs. Verði
ekki samkomulag á milli kennara og skólastjóra um
skiptingu eða nýtingu þessara tíma hefur skólastjórinn
síðasta orðið. (2.1.6.4).
Hvenær telst starfsmaður hafa fullnægt þátttöku í símennt-
unaráætlun skóla þegar hún er komin í gagnið og má bóka
það sem sameiginlegan skilning að allir þeir sem nú eru í
starfi fái umrædda endurmenntunarflokka miðað við lífaldur?
Já. Allir sem nú eru í starfi fá endurmenntunarflokka
miðað við aldur. Fullnægjandi þátttaka í endur-/sí-
menntunaráætlun skólans er þegar skólastjóri stað-
festir að viðkomandi kennari hafi fullnægt þátttöku.
(2.1.6.4 og 1.3.5).
Hvað ef upp kemur verulegur ágreiningur milli kennara og
skólastjóra?
Ágreiningi yrði vísað til næsta yfirmanns skólastjóra.
Kennari getur einnig vísað ágreiningi til stéttarfélags-
ins sem getur þá tekið málið upp í samstarfsnefnd ef
það telur að kjarasamningur sé ekki rétt framkvæmd-
ur. (2.1.6.4).
Er heimilt að skilgreina hluta af 9,14 tímunum sem endur-
menntun vegna framhaldsnáms?
Já. Sé það samþykkt af skólastjóra sem hluti af end-
urmenntunaráætlun skólans.
Grunnskóli
Endurmenntun grunnskólakennara - spurningar og svör