Skólavarðan - 01.02.2002, Blaðsíða 7

Nánari upplýsingar er að finna á heima-
síðu framhaldsdeildar sem er á vefsvæði
Kennaraháskólans, www.khi.is
Umsóknarfrestur er til 15. mars.
Umsjónarkennarinn
Námsbrautin er ætluð umsjónarkennur-
um sem hafa áhuga á að styrkja starfsleikni
sína, fræðilega þekkingu og viðhorf til
náms og kennslu. Gert er ráð fyrir að nám-
ið hafi hagnýtt gildi fyrir þátttakendur og
lögð verður áhersla á að byggja það á
reynslu og þekkingu þeirra. Jafnframt er
gert ráð fyrir að nemendur skoði eigið starf
á gagnrýninn hátt og tengi fræðilegri þekk-
ingu og rannsóknum.
Ákvörðun um að bjóða þessa námsbraut
er tekin með hliðsjón af því að í nýjum
kjarasamningum grunnskólakennara er
umsjónarkennurum ætlað stóraukið hlut-
verk. Brautin ætti einnig að henta leik-
skólakennurum og framhaldsskólakennur-
um sem áhuga hafa á að leggja rækt við
þetta mikilvæga hlutverk.
Áhersla verður m.a. lögð á að dýpka
þekkingu og skilning þátttakenda á starf-
inu, skoða eigið starf á gagnrýninn hátt,
kynna sér rannsóknir og fræðilega umfjöll-
un og tengja starfi kennarans, kynna sér
stefnur og strauma sem eru efst á baugi.
Lögð verður áhersla á fagmennsku kennar-
ans og að hann greini eigin starfskenningu.
Notaðar verða aðferðir samkomulags-
náms þar sem þátttakendum verður gert
kleift að hafa áhrif á innihald námsins.
Námið er 30 einingar og skiptist í skyldu-
námskeið 12,5 einingar, valnámskeið af
öðrum brautum 12,5 einingar og lokaverk-
efni 5 einingar.
Markmið námsins eru að:
• styrkja kennara til að takast á við
fjölbreytt og krefjandi starf
umsjónarkennarans,
• þátttakendur öðlist aukna leikni í
að skipuleggja sveigjanlegt nám
og kennslu í blönduðum bekk,
• þátttakendur öðlist meiri færni í sam-
skiptum við foreldra og aðra
sérfræðinga,
• þátttakendur öðlist þekkingu og
skilning á fjölbreyttum starfsháttum
og kennsluaðferðum.
Námskeið
Skyldunámskeið eru:
• Hlutverk og ábyrgð
umsjónarkennarans (5e)
• Starfendarannsóknir (2,5e)
• Vinnubrögð umsjónarkennarans (5e)
• Lokaverkefni (5e)
Valnámskeið:
• Nám og kennsla á Netinu (5e)
• Þróunarstarf og mat (5e)
• Fjölbreyttar þarfir einstaklinga og
hópa (5e)
• Námskrárfræði og skólanám-
skrárgerð (5e)
• Lestrarörðugleikar (2,5e)
• Stærðfræðiörðugleikar (2,5e)
• Námsmat og prófagerð (5e)
Kennarar
Umsjónarmaður námsbrautarinnar er
dr. Hafdís Guðjónsdóttir lektor við Kenn-
araháskóla Íslands. Aðalkennarar auk henn-
ar eru Lilja M. Jónsdóttir lektor og Gunn-
hildur Óskarsdóttir lektor. Fleiri kennarar
munu leggja sitt af mörkum.
Aðstandendur námsbrautarinnar eru allir
þrautreyndir kennarar sem hafa áratuga
reynslu af að kenna í blönduðum bekkjum
og hafa aflað sér framhaldsmenntunar í
kennslufræðum.
Nánari upplýsingar veita Hafdís Guðjóns-
dóttir, umsjónarmaður námsbrautarinnar
(sími 581 4390, netfang: hafdgud@khi.is),
Heiðrún Kristjánsdóttir verkefnisstjóri
framhaldsdeildar (sími 563 3955, netfang:
framhald@khi.is) og námsráðgjafar skólans
(sími 563 3912 og 563 3913, netfang: nam-
srad@khi.is). Einnig má benda á heimasíðu
framhaldsdeildar á vef Kennaraháskólans:
www.khi.is
Stærðfræðimenntun
Framhaldsnám á sviði stærðfræðimennt-
unar við Kennaraháskóla Íslands er 30 ein-
inga fjarnám sem lýkur með sérstakri viður-
kenningu (diplómu). Það samanstendur af
skyldunámskeiðum í stærðfræði og stærð-
fræðimenntun, auk valnámskeiða á sviði
uppeldis- og menntunarfræða sem valin eru
í samráði við umsjónarmann námsbrautar-
innar. Með réttu vali námskeiða getur nám-
ið hentað starfandi stærðfræðikennurum
sem vilja taka að sér leiðtogahlutverk í skól-
um sínum, stærðfræðikennurum og
kennsluráðgjöfum sem hafa áhuga á að
stýra þróunarstarfi í grunnskólum og kenn-
urum sem hyggjast leggja stund á frekara
nám og rannsóknir, til dæmis nám til
meistaragráðu við Kennaraháskóla Íslands.
Almennt inntökuskilyrði er að hafa lokið
kennaraprófi með stærðfræði sem kjörsvið
eða öðru því námi sem telst sambærilegt.
Æskilegt er að umsækendur hafi reynslu af
kennslu stærðfræði. Að öðru leyti gilda al-
mennar reglur framhaldsdeildar um inn-
töku nemenda.
Námskeið
Skyldunámskeið eru þessi:
• Málstofa í stærðfræðimenntun A -
Rannsóknir á stærðfræðimenntun (5e)
• Málstofa í stærðfræðimenntun B (5e)
• Stærðfræðinámskeið A - Hefðbundin
talnakerfi og undirstöðuatriði úr
stærðfræðigreiningu (5e) eða
• Stærðfræðinámskeið B (5e)
Valnámskeið:
Námskeið þessi eru valin í samráði við
umsjónarmann námsbrautarinnar m.t.t.
áhugasviðs og fyrirhugaðs starfsvettvangs
nemenda, allt að 15 einingar.
Kennarar
Umsjónarmaður námsbrautarinnar er
Guðmundur K. Birgisson lektor við Kenn-
araháskóla Íslands. Aðalkennarar auk hans
eru dr. Kristín Halla Jónsdóttir dósent og
Friðrik Diego lektor. Fleiri kennarar munu
koma að náminu.
Allir kennarar á brautinni hafa mikla og
fjölþætta reynslu af stærðfræðikennslu.
Nánari upplýsingar veita dr. Kristín Halla
Jónsdóttir, dósent (sími 581 3854, netfang:
khj@khi.is), Heiðrún Kristjánsdóttir verk-
efnisstjóri framhaldsdeildar (sími 563 3955,
netfang: framhald@khi.is) og námsráðgjaf-
ar skólans (sími 563 3912 og 563 3913,
netfang: namsrad@khi.is). Einnig má
benda á heimasíðu framhaldsdeildar á vef
Kennaraháskólans: www.khi.is
Framhaldsnám í KHÍ
8
Námsbrautum sem verða í boði
við framhaldsdeild Kennaraháskóla
Íslands næsta vetur hefur fjölgað og
eru nú sautján talsins, en áður var
fyrirhugað að bjóða upp á fjórtán
brautir. Í síðasta tbl. Skólavörðunnar
var námsbrautin Menntun tvítyngdra
barna kynnt og hér eru kynntar tvær
spennandi brautir til viðbótar,
Umsjónarkennarinn og Stærðfræði-
menntun.
Enn fleiri námsbrautir í boði!
• Styttingu náms til stúdentsprófs
• Nýskipaða prófanefnd tónlistarskóla
• Elstu börnin í leikskólanum
• UT 2002
• Móðurskóla varðandi framkvæmd
eineltisáætlunar í grunnskólum
... á fréttasíðu vefsvæðis KÍ, www.ki.is
og heimasíðu Menntamálaráðuneytis-
ins, mrn.stjr.is.
Fjallað verður um öll þessi mál í Skóla-
vörðunni síðar.
Lesið um...
Frétt