Skólavarðan - 01.02.2002, Blaðsíða 13

ósk okkar í SÍ og FG um samningafrelsi þá
trúi ég ekki öðru en að þessi faglega sýn,
sem við hljótum öll að hafa sem störfum
við skóla, eigi að geta tengt okkur mjög vel
saman. Við eigum að geta verið miklu
sterkari í svona stóru félagi en hvert í sínu
lagi. En eins og kom fram hjá Eiríki í upp-
hafi hefur kannski ekki gefist tími til að
vinna að þessari hlið.“
Sigrún: „Það hafa margir góðir hlutir
unnist sl. tvö ár og margt er greinilega í
uppsiglingu hjá félögunum. Ég vil bara
minna á að við megum ekki gleyma að hlúa
að og skapa þau skilyrði sem þarf til að því
mikilvæga markmiði fyrir okkur öll verði
náð að Kennarasamband Íslands fái og nái
að þróast enn frekar að því marki að gera
sig að gildandi samtökum úti í samfélaginu
til jafns við önnur heildarsamtök.“
Er hægt að tengja félögin betur
saman faglega? Eru það bara fög-
ur orð eða sjáið þið fyrir ykkur að
Kennarasambandið geti raunveru-
lega verkað sem hvati á að tengja
skólamenn á leik,- grunn,- tónlist-
ar- og framhaldsskólastigi í fag-
legri umræðu og umbótum?
Hanna: „Alveg áreiðanlega. Og aukin
fagleg tenging er eitt af forgangsmálun-
um.“
Eiríkur: „Ef við getum það ekki þá get-
ur það enginn!“
Guðrún Ebba: „Við höfum Skóla-
málaráð sem nokkurs konar lím. Og með
breyttu kjararáði ætti það að tengja félögin
enn betur.“
Elna Katrín: „Ég skil alveg af hverju
þú spyrð því að ef við horfum til baka á
skólastefnu okkar, sem við höfum verið
með samræmda milli grunn- og framhalds-
skóla í ansi mörg ár, þá er óskaplega langt
síðan við fórum að tala um samfellu milli
skólastiga. Um að miðla reynslu og að mik-
ilvægt væri að fólk þekkti starfsreglur og
starfsumhverfi hvert annars. En einhvern
veginn hafa orðið minni framkvæmdir en
við hefðum viljað. Og persónulega held ég
að þessi leið liggi ekki bara í gegnum skóla-
málanefndir heldur beint samstarf milli
stjórna og fastanefnda aðildarfélaganna.
Það var reynsla okkar þegar við vorum að
undirbúa sameiningu HÍK og KÍ að sam-
eiginlegir stjórnarfundir skiluðu miklu og
vinnufundir stjórna og aðalstarfsnefnda
félaganna. Þetta tekur tíma en skilar sér í
miklu betri samstöðu og samkennd. Við
viljum hafa áhrif á ákvarðanatöku í
menntakerfinu. Við getum það mun betur
ef við þekkjum viðhorf hvert annars.“
Guðrún Ebba: „Við, stjórnir FF og
FG, höfum verið með á stefnuskrá að hitt-
ast, við höfum aldrei gert það. En þar sem
samningaviðræður félaganna voru haldnar
á sama stað, þ.e.a.s. í húsi ríkissáttasemjara,
fór fram talsvert óformlegt samstarf, fyrst
og fremst hjá viðræðunefndunum sem
funduðu þó stöku sinnum í kjarasamninga-
viðræðunum. FG ætlaði að funda reglulega
með stjórn SÍ, það hefur ekki gerst nógu
oft. Ég held að það sé mjög gott fyrir
stjórnir félaga að hittast og fara yfir starfsá-
ætlanir og annað sem félögin eru að gera.
Auðvitað er mjög mikið óformlegt samstarf
og við formennirnir berum iðulega saman
bækur okkar. Og svo er eitt og annað sem
hvetur til þess að efla samstarf skólastiga,
til dæmis umræðan um styttingu náms til
stúdentsprófs og tengslin milli leik- og
grunnskóla annars vegar og grunn- og
framhaldsskóla hins vegar.
Sigrún: „Orð eru til alls fyrst og góðir
hlutir gerast hægt! Ég tek undir það að
aukin upplýsing og tengsl milli félaga þar
sem menn miðla reynslu og kynna sjónar-
mið og áherslur félaganna myndi tvímæla-
laust styrkja bæði félögin og KÍ.“
Elna Katrín: „Já, svo er gríðarlega
mikilvægt að horfast í augu við að það
verður ekki allt í einu til tími. Það er ekki
um annað ræða en að ákveða að fara með
hausinn í gegnum vegginn og gera hlutina
samt.“
Hanna: „Mér finnst líka vanta tíma fyr-
ir hinn almenna félagsmann. Stundum held
ég að við séum ekki nógu vakandi fyrir því
að miðla nógu miklu. Það er til dæmis
margt fólk sem gerir sér varla grein fyrir að
við erum að vinna að nýrri skólastefnu.
Hefur ekki hugmynd um það.“
Björg: „Stjórnirnar þurfa að tala saman.
Ég held að það sé mjög brýnt að vera ekki
að búa til sérstaka hópa eða nefndir til að
fjalla um þessi mál, við höfum reynslu af
því í FL og FG og það gengur ekki. Það
kom ekkert út úr því. Kannski var of mikil
fjarlægð á milli hópanna, það var svo mikill
munur á vinnubrögðum og hugmynda-
fræði. Þessi vinna flosnaði alltaf upp.“
Elna Katrín: „Já, einmitt. Það er mik-
ilvægt að þeir sem veljast til trúnaðarstarfa,
formenn og stjórnir, ryðji brautina. Ekki
ýta þessu út í nefndir þar sem er fólk hefur
minni tengsl.“
Hvað finnst ykkur í Félagi leik-
skólakennara á þessum stutta
tíma sem liðinn er síðan þið kom-
uð inn, hvernig er samstarfið?
Björg: „Það var tekið mjög vel á móti
okkur og okkur starfsmönnum FL líður
mjög vel í þessu nýja samfélagi. Það má
koma fram að við höfum auðvitað verið
lengi í samstarfi um ýmis atriði, varðandi
skólamálaþing og annað. En manni hefur
varla gefist ráðrúm enn til að hugsa, það er
búið að vera svo mikið að gera við flutn-
inginn, að koma sér fyrir og að átta sig á
nýju umhverfi. Það var tekið mjög vel á
móti okkur og okkur líður mjög vel.
Það má koma fram að við höfum auð-
vitað verið lengi í samstarfi um ýmis
atriði, varðandi skólamálaþing og ann-
að. En manni hefur varla gefist ráðrúm
enn til að hugsa, það er svo mikið að
gera!“
Hvað brennur heitast á ykkar
félagsmönnum?
Björg: „Það sem brennur heitast á
félagsmönnum FL er leikskólakennara-
skorturinn. Hvað er til ráða? Jú, það
þarf að bæta kjörin, það vegur þyngst. Í
öðru lagi þykir ekki fínt að fara í þetta
nám, það er ekki í tísku. Það er mikið
áhyggjuefni sem finna þarf ráð til að
bregðast við. Svo má nefna að í leik-
skólum er sama tilhneiging og á öðrum
skólastigum að verið er að ýta stjórn-
endum hinum megin að borðinu, að at-
vinnurekendum. Og þeir hafa velt upp
þessari spurningu: Getum við ekki stofnað
okkar eigið félag eins og SÍ? Leikskóla-
stjórar eru um 250 talsins og aðstoðarleik-
skólastjórar annað eins.“
Eiríkur: „Ef maður gæfi sér að það
kæmi réttindafólk í allar stöður leikskóla-
kennara þá yrði það félag jafnstórt og FG.
Það er ekki nema um þriðjungur sem er
með réttindi, eða um 1300.“
Elna Katrín: „Í sambandi við starfs-
skipulag Kennarasambandsins þá er það að
vissu leyti ábyrgt fyrir kjarasamningum
félaganna. Tryggja þarf að hópar sem starfa
á sama skólastigi hafi rætt nægilega vel þau
mál, sem leggja ber áherslu á í komandi
kjarasamningum, svo að ósamkomulag
komi ekki upp við þau erfiðu skilyrði sem
Hringborð
15
Björg: Það sem brennur heitast á félagsmönnum FL er
leikskólakennaraskorturinn. Hvað er til ráða? Jú, það
þarf að bæta kjörin, það vegur þyngst.