Skólavarðan - 01.02.2002, Blaðsíða 15

Kerfið er hluti af framtíðarsýn ráðuneyt-
isins í upplýsingatækni og lýtur lögum um
upplýsingar. Ætlunin er að allir framhalds-
skólar í landinu tengist kerfinu í fyllingu
tímans og nú þegar eiga 22 skólar aðgang
að því.
Gagnagrunnur um framhaldsskóla í
landinu
Í Innu er hægt að spyrjast fyrir um allt
sem viðkemur skólahaldi í framhaldsskól-
um landsins. Þar er hægt að fá grunnupp-
lýsingar um framhaldsskóla og námsfram-
boð þeirra og þar verður einnig hægt að
nálgast allt sem snýr að stjórnun og upplýs-
ingatækni skólanna. Fjarkennsla á fram-
haldsskólastigi fer vaxandi og mun Inna
auðvelda alla stjórnun og miðlun upplýs-
inga vegna hennar.
Inna er í eigu menntamálaráðuneytisins
og smíðuð samkvæmt kröfulýsingu sem
lögð var fram í lokuðu útboði sumarið
2000. Í ágúst sama ár var ákveðið að ganga
til samstarfs við Skýrr og undirrituðu þeir
Björn Bjarnason menntamálaráðherra og
Hreinn Jakobsson forstjóri Skýrr samning
um smíði nýs upplýsingakerfis fyrir fram-
haldsskólana. Haustið 2001 fór fyrsta út-
gáfa af kerfinu í rekstur og þá strax notuðu
fjórir framhaldsskólar það við að útbúa
stundatöflur, annað skref var tekið í desem-
ber síðastliðnum þegar fyrstu skólarnir
notuðu kerfið til að útskrifa nemendur.
Hugmyndin með Innu var að fá eitt tæki
sem auðveldaði stjórnun og skipulag skól-
anna og veitti starfsmönnum og nemend-
um yfirlit yfir nám og framvindu þess. Með
þessu átti öll skráning, vinnsla og miðlun
upplýsinga sem viðkemur skólunum að
verða aðgengilegri en áður þekktist í þeim
kerfum sem fyrir voru. Og síðast en ekki
síst verður hægt að nálgast þessar upplýs-
ingar á netinu.
Kvennaskólinn í Reykjavík
Einn af þeim skólum sem hafa verið með
frá byrjun er Kvennaskólinn í Reykjavík
sem var á sínum tíma þátttakandi í þeirri
byltingu að stúlkur gátu sest á skólabekk.
En þrátt fyrir framsýni og dirfsku þeirra
Þóru Melsted og Ingibjargar H. Bjarnason
hefur þær eflaust ekki órað fyrir þeirri
hröðu tækniþróun sem hefur orðið í skól-
anum þeirra. Núverandi aðstoðarskóla-
meistari Kvennakólans, Oddný Hafberg, er
tengiliður skólans við Innu. Við tókum hús
á henni í fallegri skrifstofu hennar sem
sameinar báða þessa heima.
„Við tókum kerfið upp síðastliðið sumar
og höfum verið að þróa notkun þess. Áður
unnu skólarnir eftir mismunandi kerfum.
Menn höfðu áhuga á að sameina þau eða
endurbæta og fyrir lá að það myndi kosta
mikla peninga þar sem þau voru í raun orð-
in úrelt,“ segir Oddný.
„Menntamálaráðherra, Björn Bjarnason,
hafði mikinn áhuga á að framhaldsskólarnir
hefðu eitt sameiginlegt kerfi sem væri að-
gengilegt á netinu og því var farið í að út-
búa nýtt kerfi í samvinnu við skólana. Full-
trúar úr fimm framhaldsskólum tóku virk-
an þátt í þróun þess og mynda nú bakhóp
sem heldur utan um þróunarverkefni
Innu.“
Oddný sýnir okkur í tölvunni hvernig
kerfið virkar, hvað það býður upp á og
hvað það er í raun notendavænt.
„Kerfinu er ætlað að halda utan um allt
skólastarf, hvort sem um er að ræða skipu-
lag náms, skráningu nemenda, stundatöflu-
og próftöflugerð, námsferil og einkunnir,
upplýsingar um húsnæði, starfsmenn eða
hvað eina sem fram fer í skólunum. Ætlun-
in er að bæði foreldrar og nemendur geti
farið inn á netið og náð sér í upplýsingar
um skólastarfið og framvindu náms. Að
vísu gilda reglur um persónuvernd, foreldr-
ar nemenda undir átján ára aldri geta skoð-
að framvindu þeirra í námi eða fjarvistir en
foreldrar nemenda sem orðnir eru sjálfráða
geta ekki farið inn nema með leyfi þeirra,“
segir Oddný og bendir á að með hækkun
sjálfræðisaldurs séu skólarnir nú með
blandaðan hóp nemenda innan sinna
veggja.
Enn sem komið er geta nemendur ekki
notfært sér Innu en stefnt er að því að
næsta haust verði búið að opna fyrir að-
gang þeirra að stundatöflum og öðru sem
þeim viðkemur. Fylgt verður ströngustu
öryggisreglum til að tryggja persónuvernd
og að ekki sé hægt að komast inn í kefið til
að eiga við upplýsingar.
„Þegar allir verða komnir með aðgang að
kerfinu á netinu mega enga villur vera í
því. Menn eru enn að fikra sig áfram og
laga hnökra sem hafa orðið við flutning
gagna úr gamla kerfinu, það verður að vera
búið undir að allir hafi aðgang. Kosturinn
við að hafa kerfið á netinu er að það veitir
þeim sem skrá upplýsingar í það, stjórn-
endum og kennurum, betra aðgengi og
meiri sveigjanleika með vinnutíma því að
hægt er að vinna í kerfinu alls staðar þar
sem netaðgangur er, jafnvel heima hjá sér,“
segir Oddný.
Góð reynsla af Innu
Inna er sameiginlegur gagnagrunnur fyr-
ir alla framhaldsskóla á landinu, það veitir
ýmsa möguleika og þar verður hægt að
nálgast mikið af upplýsingum þegar allir
skólar á landinu verða búnir að tengjast
því.
„Reynsla okkar af kerfinu er góð, í upp-
hafi voru nokkrir byrjunarörðugleikar,
hvort sem það var kerfinu að kenna eða því
að við vorum enn að læra á það. Helsta
vandamálið var að stundum gat verið erfitt
að tengjast kerfinu en á því hefur orðið
mikil bót. Þau hjá Skýrr hafa verið einstak-
lega liðleg og þægileg ef eitthvað hefur
komið upp á og við höfum átt gott samstarf
og aðgang að þeim.“
Núna í byrjun árs heyrðust sögusagnir
um að upp hefðu komið vandamál vegna
stundaskráa hjá þeim skólum sem tengdir
voru Innu en Oddný segir það hafi ekki
gerst hjá þeim. Almennt telur hún að fólk
sé ánægt með kerfið, auðvitað séu einhverj-
ar efasemdir uppi en hún telur að það dragi
úr þeim eftir því sem kerfið er lengur í
notkun.
Inna
18
Þótt upplýsingakerfið Inna dragi nafn
sitt af gamalli rímu er það einungis
nokkurra missera gamalt. Það er
runnið undan rifjum þess ráðuneytis
sem stýrir mennta- og menningar-
málum í landinu og á nafnið því vel
við.
Inna - nýtt upplýsingakerfi fyrir framhaldsskóla
„Innu grams eg innti frá, að
öllu leyti sem var“
Kerfinu er ætlað að
halda utan um allt
skólastarf, hvort sem um
er að ræða skipulag
náms, skráningu nem-
enda, stundatöflu- og
próftöflugerð, námsferil
og einkunnir, upplýsing-
ar um húsnæði, starfs-
menn eða hvað eina sem
fram fer í skólunum.