Skólavarðan - 01.02.2002, Blaðsíða 26

Annað þing Kennarasambands Íslands verður
haldið dagana 8. og 9. mars nk. að Borgartúni 6
í Reykjavík. Yfirskrift þingsins er Kennsla aðlað-
andi ævistarf.
Að lokinni setningu, ávörpum gesta og tónlistar-
flutningi í upphafi þings mun Ólafur Proppé rektor
Kennaraháskóla Íslands flytja erindi með sömu yfir-
skrift.
Hinn síðari dag þings verða pallborðsumræður um
þetta málefni undir stjórn Elínar Hirst fréttamanns.
Þátttakendur í pallborði eru Björn Bjarnason mennta-
málaráðherra, Guðrún Geirsdóttir lektor við Háskóla
Íslands, Ólafur Proppé rektor Kennaraháskóla Íslands,
Vilhjálmur Þ. Vilhjálmsson formaður Sambands
íslenskra sveitarfélaga og Þorsteinn Gunnarsson rektor
Háskólans á Akureyri.
Þingið sitja alls 176 fulltrúar frá félögunum sjö sem
mynda Kennarasambandið. Á þinginu eiga sæti einn
fulltrúi fyrir hverja 50 félagsmenn eða brot úr þeirri
tölu sem umfram kann að vera. Á þinginu eiga auk
þess sæti með atkvæðisrétti stjórn Kennarasambands-
ins og varaformenn aðildarfélaganna. Ennfremur til-
nefnir Félag kennara á eftirlaunum 5 fulltrúa á þingið.
Meðal þinggagna sem sendar hafa verið út eru
skýrsla stjórnar 2000 - 2002, tillaga frá stjórn um stefnu
Kennarasambands Íslands í kjaramálum 2002 - 2005,
tillaga frá skólamálaráði um skólastefnu Kennarasam-
bands Íslands, tillaga frá skólamálaráði að siðareglum
kennara og tillaga frá stjórn um innra starf og félags-
mál. Þá eru í gögnunum tillögur sem fram hafa komið
um breytingar á lögum Kennarasambandsins og drög
að fjárhagsáætlun sambandsins næsta kjörtímabil.
Þinggögn eru aðgengileg öllum sem vilja kynna sér
þau á heimasíðu Kennarasambandsins.
Samkvæmt lögum Kennarasambands Íslands eru
formaður og varaformaður þess kjörnir í allsherjarat-
kvæðagreiðslu eigi síðar en fjórum vikum fyrir þing
þess. Ekki fór fram sérstök kosning að þessu sinni þar
sem aðeins bárust tilnefningar um núverandi formann
og núverandi varaformann. Því er sjálfkjörið í þessi
embætti. Kjörstjórn KÍ hefur tilkynnt að Eiríkur Jóns-
son sé rétt kjörinn formaður Kennarasambands
Íslands og Elna Katrín Jónsdóttir rétt kjörinn varafor-
maður þess kjörtímabilið 2002 - 2005.
Þing KÍ 8 . og 9. mars
29
Kennsla aðlaðandi ævistarf
Aðalfundir
Fyrir þing halda þrjú aðildarfélaganna aðalfundi sína:
Félag framhaldsskólakennara, Félag grunnskólakennara og Félag leikskólakennara.
• Aðalfundur Félags framhaldsskólakennara verður haldinn 7. mars nk. á Grand hóteli í Reykjavík.
• Aðalfundur Félags grunnskólakennara verður haldinn 6. og 7. mars nk. að Borgartúni 6 í Reykjavík.
• Aðalfundur Félags leikskólakennara verður haldinn 7. mars nk. að Borgartúni 6 í Reykjavík.
Aðalfundir þessara félaga eru haldnir þriðja hvert ár í tengslum við þing KÍ. Á fundunum er mörkuð stefna
félaganna á næsta kjörtímabili m.a. í kjara- og réttindamálum, skólamálum og innri málum.
Sjá nánar fréttir frá 5., 18. og 20. febrúar á fréttasíðu vefsvæðis Kennarasambandsins, www.ki.is