Skólavarðan - 01.12.2002, Blaðsíða 3
4
Leiðar i
Ritstjóri: Kristín Elfa Guðnadóttir kristin@ki.is
Ábyrgðarmaður: Helgi E. Helgason helgi@ki.is
Hönnun: Penta ehf.
Ljósmyndun: Jón Svavarsson
Teikningar: Ingi
Auglýsingar: Öflun ehf. / Kristín Snæfells / kristin@oflun.is / sími: 533 4470
Prentun: Prentsmiðjan Grafík / Gutenberg ehf.
Forsíðumynd: Jón Svavarsson
Skólavarðan, s. 595 1118 (Kristín) og 595 1119 (Helgi).
Margtyngi er
kynngi
Orð njóta ásta hvert með öðru, sagði André Breton. Við
erum svolítið upptekin af orðum í þessu tölublaði Skóla-
vörðunnar, eða öllu heldur þeim tilteknu orðakerfum
sem nefnast tungumál og þá sérstaklega þeirri undir-
deild sem lýtur að námi og
kennslu. Við eigum ekkert nema
orð, sagði Beckett. Íslendingur-
inn er þó ekki að andmæla
Beckett þegar hann segir „ég á
ekki til orð!“ í hneykslunartón, en
vissulega er það hneykslanlegt
að eiga ekki orð þegar á þarf að
halda. Í það minnsta óþægilegt. Við skulum vona að
börnum okkar verði ekki orðs vant í framtíðinni og að
ástæðan sé meðal annars sú að þau hafi notið góðrar
kennslu í uppvextinum, bæði í íslensku og fleiri tungu-
málum.
Orðleikni má afla á ýmsan hátt og ein leiðanna er að
brjóta heilann yfir krossgátum. Jólagjöf Skólavörðunnar
til lesenda er verðlaunakrossgáta samin af Hirti Gunn-
arssyni, þeim sama Hirti og samdi krossgáturnar sem
birtust í Nýjum menntamálum á sínum tíma. Til að
koma í veg fyrir misskilning hefur Hjörtur ekki fengið
verðlaun fyrir krossgátuna, þótt hann ætti það fyllilega
skilið, heldur verða nokkrum „orðheppnum“ lesendum
veitt verðlaun fyrir að leysa hana og senda lausnina inn.
Síðasta orðið í Skólavörðunni að þessu sinni á svo
orðasnillingurinn Guðni Kolbeinsson sem er reyndar
fyrir nokkru búinn að yfirgefa kennslumusteri íslenskrar
tungu og farinn að kenna eitthvað allt annað, eins og
hann upplýsir í pistli sínum á blaðsíðu þrjátíu.
Þá er ekkert eftir nema benda lesendum á að lesa
fréttina um babelskan hroka í póstburðarmálum sem
gæti leitt til þess að fjölbreytt flóra landsbyggðarblaða,
félagsrita og annarra blaða sem nýta sér þjónustu
Íslandspósts hf. verði sýnu fábreyttari. Ef ekkert er
að gert.
Gleðileg jól og góðar stundir,
Kristín Elfa Guðnadóttir
Efni
Greinar
Meginviðfangsefni þessa tölublaðs:
Tungumálakennsla 10-17
Straumar og stefnur í tungumálakennslu á Íslandi 10
Portfolio - verkefnið 12
Tungumálaver í Laugalækjarskóla 12
Aldrei of snemmt að byrja að kenna börnum erlend
tungumál 13
Nemendur versla í IKEA á Spáni 14
Neikvæð umræða er aðal óvinur dönskunnar 15
Brýnt að koma af stað umræðum um siðareglur 8
Viðtal á léttu nótunum við Kristínu Jónsdóttur nýskipaðan
formann Skólamálaráðs KÍ.
Nestisdrykkir í skólann: Vatn er auðvitað best en ... 18
Ólafur Unnarsson næringarfræðingur leiðir lesendur í gegn-
um frumskóg orku - og íþróttadrykkja og skýrir út muninn.
Ljúfan söng látum við létta okkur skammdegið 20
syngja nemendurnir í leikskólanum Vallarseli, en þar er
merkilegt þróunarstarf í tónlistarnámi í gangi undir stjórn
Bryndísar Bragadóttur tónlistarkennara.
Spánn 2003 24
Orlofssjóður KÍ kynnir Spánarhúsin en umsóknarfrestur er til
10. janúar.
Framhaldsskólinn verði ekki hornreka í ríkisrekstrinum 26
Félag framhaldsskólakennara heitir á ráðherra í ríkisstjórn,
fjárlaganefnd og alla þingmenn að snúast sameiginlega til
varnar framhaldsskólunum!
Breyting á úthlutunarreglum Sjúkrasjóðs KÍ 27
Meðal nýjunga er sjónglerjastyrkur og styrkur til ættleiðinga
og tækni- og glasafrjóvgana.
Sérstök athygli er vakin á jólakrossgátunni á bls. 26! Þrenn
verðlaun!
Fastir liðir
Formannspistill 3
Hanna Hjartardóttir skrifar.
Gestaskrif 5
Helgi Gunnlaugsson lagar kaffið frá sjónarhóli
félagsfræðinnar.
Skóladagar 7
Hin sívinsæla myndasaga Skólavörðunnar.
Smiðshöggið 30
Guðni Kolbeinsson daðrar við drauminn um ofurkennarann.
Auk þess SOS teymið í Húsaskóla, atlaga póstsins gegn
blaðaútgáfu, kynning á ritstjórn, þróunarverkefni um
skólastjórnun, smáauglýsingar, kjaramál, leiðari,
tilkynningar og margt fleira smálegt en stórmerkilegt.