Skólavarðan - 01.12.2002, Blaðsíða 7

Hvert er hlutverk Skólamálaráðs að
þínu mati?
Hlutverk þess er að mínu mati fyrst og
fremst að styrkja fagvitund félagsmanna,
m.a. með því að fylgjast með nýjungum og
rannsóknum á skólastarfi og stuðla að
bættri menntun kennara og stjórnenda.
Hverju hefurðu hug á að koma í
framkvæmd sem formaður Skólamála-
ráðs?
Ég mun reyna að gera mitt besta til að
fylgja eftir samþykktum um skólamál frá 2.
þingi Kennarasambands Íslands. Brýnt er
að koma af stað umræðum um siðareglur
sem eru einn liður í að efla fagmennsku
kennara.
Ertu „fagidjót“?
Mér finnst skemmtilegt að kenna og hef
áhuga á flestu sem lýtur að skólamálum.
Ertu vel uppalin?
Ég álít að ég sé ágætlega uppalin, er elst
í stórum systkinahópi og þurfti að taka tillit
til þess.
Fannst þér gaman í skólanum þegar
þú varst lítil?
Mér fannst yfirleitt gaman í skólanum
þegar ég var lítil. Ég átti heima í sveit og
var í farskóla. Það gat stundum verið erfitt
að vera lengi að heiman því að ég fór ekki
heim á kvöldin.
Hvað er verst/best við íslenskt
menntakerfi?
Ég tel að íslenskt menntakerfi sé nokkuð
gott en mér finnst brýnt að koma betur til
móts við þá sem ekki hentar bóklegt nám.
Auka þarf sveigjanleika í grunnskólanum
og einnig eru alltof margir sem finna sig
ekki í framhaldsskólunum. Þetta er auðvit-
að krafa um aukið fjármagn til mennta-
mála.
Er góður starfsandi í skólanum þar
sem þú kennir?
Það er mjög góður andi í skólanum sem
ég starfa við.
Ertu með heimasíðu?
Ég er ekki með heimasíðu.
Maki/börn?
Ég er gift og á þrjú börn.
Starfsferill?
Ég útskrifaðist úr Kennaraskóla Íslands
1972, kenndi eitt ár í Langholtsskóla en
hef starfað við Breiðholtsskóla síðan 1976.
Hef kennt á öllum stigum grunnskólans,
haft umsjón með félagsstarfi nemenda og
stýrt tveggja ára starfsleikninámi kennara í
skólanum. Svo hef ég farið á óteljandi
námskeið og var í námi fyrir stjórnendur í
starfsleikninámi fyrir grunnskólakennara í
KHÍ á vorönn 1987.
Hvað gerirðu í tómstundum?
Ég hef gaman af að ferðast og hlusta á
tónlist en síðustu árin hafa félagsmál tekið
mikinn hluta af tíma mínum.
Hvaða bók lastu síðast?
Síðasta bók sem ég las var ævisaga Steins
Steinars.
Hvaða leikrit sástu síðast?
Hef ekki farið í leikhús nýlega, man ekki
hvað ég sá síðast!
Hvernig myndirðu lýsa sjálfri þér í
fáum orðum?
Ég er félagslynd, samviskusöm og oft dá-
lítið stjórnsöm. Fer sjaldan í fýlu.
Ætlaðirðu alltaf að verða kennari?
Var orðin sextán ára þegar ég ákvað að
verða kennari.
Áttu þér draum?
Ætli ég haldi því ekki fyrir mig!
Viðta l
8
Kristín Jónsdóttir formaður skóla-
málanefndar FG hefur tekið við for-
mennsku í Skólamálaráði Kennara-
sambandsins af Hjördísi Þorgeirsdótt-
ur. Þegar við báðum Kristínu að svara
nokkrum nærgöngulum spurningum
tók hún erindinu af stakri ljúf-
mennsku.
Brýnt að koma af stað
umræðum um siðareglur
Á vegum aðildarfélaga Kennarasambandsins starfa 3 - 7
manna skólamálanefndir sem sinna faglegum málefnum
fyrir félagsmenn.
Hlutverk skólamálanefnda er:
• að fjalla um fagleg málefni og skólamál í samráði við stjórn og skólamálaráð,
• að vinna að eflingu kennaramenntunar og endurmenntunar félagsmanna,
• að annast tengsl við fagfélög og sambærilegar nefndir annarra uppeldisstétta.
Skólamálanefndir mynda Skólamálaráð ásamt formanni
ráðsins sem skipaður er af stjórn Kennarasambands Íslands.
Ritstjórn Skólavörðunnar hefur tekið nokkrum breytingum og er nú þannig
skipuð:
Fyrir FG: Anna Björg Sveinsdóttir abs@simnet.is
Fyrir FT: Arndís Björk Ásgeirsdóttir tondumus@mmedia.is
Fyrir FL: Ásmundur K. Örnólfsson, ritari asik@binet.is
Fyrir FF: Guðlaug Guðmundsdóttir, formaður gudlaug@mh.is
Fyrir SÍ: Ragnar Gíslason ragnarg@gardabaer.is
Fyrir FS: Magnús Þorkelsson maggi@flensborg.is
Einnig sitja í ritstjórn Eiríkur Jónsson, formaður KÍ eirikur@ki.is, Helgi E.
Helgason, starfsmaður útgáfu- og upplýsingasviðs og ábyrgðarmaður Skóla-
vörðunnar helgi@ki.is og Kristín Elfa Guðnadóttir, ritstjóri Skólavörðunnar
kristin@ki.is
Ritstjórn Skólavörðunnar
Magnús, Guðlaug, Ragnar, Helgi, Ásmundur, Kristín Elfa,
Arndís og Anna Björg. Á myndina vantar Eirík Jónsson.