Skólavarðan - 01.12.2002, Blaðsíða 6

Það er lýðræðisleg skylda félagasamtaka
eins og Kennarasambandsins að miðla upp-
lýsingum til félagsmanna um
fagleg málefni, kjaramál,
réttindamál o.s.frv. Skóla-
varðan er vandað félagsblað
Kennarasambandsins sem
gegnir þessu hlutverki. Blað-
inu hefur hingað til verið
dreift í almennum pósti heim
til allra félagsmanna. Eftir
áramót verður hins vegar sú
breyting á að gerð verður til-
raun til að senda það á alla
stærri vinnustaði og dreifa
því síðan í gegnum trúnaðarmannakerfið í
hverjum skóla. Félagsmenn á
fámennari vinnustöðum fá
hins vegar blaðið áfram sent
heim í pósti. Þetta eru við-
brögð Kennarasambandsins
við þeirri ákvörðun Íslands-
pósts hf. að leggja niður sér-
stakan gjaldskrárflokk fyrir
dreifingu á blöðum og tíma-
ritum og fella hana undir al-
mennan bréfapóst. Þessi
furðulega ákvörðun Íslands-
pósts hf. veldur því að kostnaður við dreif-
ingu Skólavörðunnar með óbreyttum hætti
hækkar um 120 til 300 % eftir stærð
(þyngd) blaðsins.
Ef ekki verður brugðist við þessu af hálfu
Kennarasambandsins getur kostnaður við
dreifingu orðið hærri en allur pappírs- og
prentunarkostnaður við útgáfu hvers blaðs.
Það segir sig sjálft að samtök á stærð við
Kennarasambandið hafa ekki efni á að
greiða 5 -10 milljónir króna á ári fyrir að
dreifa málgagni sínu.
Sl. sumar tilkynnti Íslandspóstur hf. að
umrædd hækkun kæmi til framkvæmda í
áföngum á tímabilinu 1. júlí 2002 til 1. janú-
ar 2004. Samkvæmt henni mun póstkostnað-
ur Kennarasambandsins vegna dreifingar á
8.600 eintökum af 32 síðna blaði (innan við
100 gr. að þyngd) í almennum pósti hækka
úr kr. 210.000 í um kr. 450.000 eða um
115%. Fari blaðið yfir 100 gr. hækkar kostn-
aðurinn í 830.000 eða um sem næst 300%.
Skýring fyrirtækisins á þessari ótrúlegu
hækkun er sú að það sé að búa sig undir
samkeppni!!! Þegar stjórnvöld ákváðu að
breyta rekstrarformi Pósts og síma með því
að kljúfa stofnunina og bæta hf. aftan við
heiti hvors hluta um sig var ákveðið að
félagsleg sjónarmið skyldu víkja fyrir við-
skiptalegum hagsmunum. En viðskiptaleg-
um hagsmunum hverra?
Gjaldskrárbreyting Íslandspósts hf. er at-
laga gegn útgáfu blaða og tímarita í land-
inu, einkum útgáfustarfsemi félagasamtaka
sem starfa á landsvísu. Hún er jafnframt at-
laga að landsbyggðinni og útgáfu héraðs-
fréttablaða sem gegna þýðingarmiklu hlut-
verki.
Ljóst er að ekki er einvörðungu við nú-
verandi stjórnendur Íslandspósts að sakast í
þessu máli heldur þá stjórnmálamenn sem
tóku ákvörðun um einkavæðingu þessarar
mikilvægu almannaþjónustu. Það voru
stjórnmálamenn sem ákváðu breytinguna
og bera ábyrgð á henni.
Ýmis samtök hafa mót-
mælt gjaldskrárbreytingu
Íslandspósts harðlega og nú
hefur samgönguráðherra
upplýst að starfshópur á
vegum ráðuneytisins sé að
skoða málið. Vonandi kemst
hópurinn að þeirri niður-
stöðu að landsbyggðin eigi
ekki að gjalda fyrir breyting-
ar á rekstrarformi póstþjón-
ustunnar og að ekki eigi að okra á þjónustu
við félagasamtök sem gegna þeirri lýðræð-
islegu skyldu sinni að miðla upplýsingum
til félagsmanna sinna með myndarlegri
blaðaútgáfu.
Helgi E. Helgason
Frétt
Atlögu gegn
útgáfustarfsemi svarað
7
Ef ekki verður brugðist við þessu af hálfu Kennarasam-
bandsins getur kostnaður við dreifingu orðið hærri en
allur pappírs- og prentunarkostnaður við útgáfu hvers
blaðs. Það segir sig sjálft að samtök á stærð við Kenn-
arasambandið hafa ekki efni á að greiða 5 -10 milljónir
króna á ári fyrir að dreifa málgagni sínu.