Skólavarðan - 01.12.2002, Blaðsíða 23

Ýmsar breytingar voru gerðar til
hagsbóta fyrir sjóðsfélaga.
Af þeim helstu má nefna að
greiðslutímabil fyrir sjúkradagpen-
inga hefur verið lengt, bæði vegna
veikinda sjóðsfélaga og einnig vegna
alvarlegra langtímaveikinda barna
eða maka sjóðsfélaga.
Í meðferðarflokkum hefur styrk-
hæfum skiptum ýmist verið fjölgað
eða styrkupphæðir hækkaðar.
Samkvæmt nýju úthlutunarreglun-
um eru nú veittir styrkir til kaupa á
dýrum sjónglerjum, laseraðgerða á augum
og til kaupa á heyrnartækjum.
Einnig eru nú veittir styrkir vegna
tækni- og glasafrjóvgana svo og vegna
kostnaðar við ættleiðingu barns. Enn frem-
ur eru nú veittir styrkir vegna faghand-
leiðslu.
Ýmsar fyrirspurnir hafa borist til starfs-
manna sjóðsins og er gott að fá viðbrögð
og heyra skoðanir manna á nýja sjóðnum
okkar. Menn hafa velt fyrir sér hvers vegna
krafist er staðfestingar yfirmanns á starfs-
hlutfalli umsækjanda. Ástæðan er sú að í
félagaskrá KÍ er aðeins hægt að sjá hvort
menn eru félagsmenn en starfshlutfall
kemur ekki fram. Ekki er nauðsynlegt að
yfirmaður skrifi á sjálft umsóknareyðublað-
ið. Unnt er að hafa staðfestingu á starfs-
hlutfalli á sérstöku blaði og senda með um-
sókn eða biðja yfirmann að senda staðfest-
inguna til starfsmanna sjóðsins í tölvupósti
eða símbréfi. Samkvæmt reglum sjóðsins
er veittur fullur meðferðarstyrkur til þeirra
sem eru í 50% starfi eða meira og er þetta
einfaldasta leiðin til að fá upplýsingar um
þetta atriði. Einnig hefur verið spurt um
nauðsyn læknisvottorða og þá aðallega
vegna meðferðar hjá hnykkjurum og nudd-
urum þar sem Tryggingastofnun tekur ekki
þátt í kostnaði. Stjórn Sjúkrasjóðs telur
mikilvægt að menn leggi fram vottorð frá
lækni til stuðnings umsókn og eru vottorð
endurgreidd gegn framvísun kvittana. Ekki
þarf að skila inn vottorði vegna fyrirbyggj-
andi aðgerða, s.s. krabbameinsskoð-
unar og áhættumatsskoðunar hjá
Hjartavernd eða sambærilegum aðil-
um.
Starfsmenn sjóðsins vilja árétta
nauðsyn þess að umsókn fylgi öll
umbeðin gögn eins og fram kemur í
10. gr. úthlutunarreglnanna. Það tef-
ur afgreiðslu umsókna ef þær eru
ekki rétt útfylltar og ef undirritun
umsækjanda vantar og/eða kalla þarf
eftir gögnum sem eiga að fylgja.
Umsóknareyðublöð má prenta út
af heimasíðu KÍ.
Starfsmenn Sjúkrasjóðs eru nú tveir,
María Norðdahl og Ómar Árnason, bæði í
hlutastarfi. Viðverutími Maríu í Kennara-
húsinu er frá kl. 9-13 á þriðjudögum, mið-
vikudögum og föstudögum.
Auk þess svarar Ingibjörg Úlfarsdóttir
launafulltrúi KÍ fyrirspurnum um Sjúkra-
sjóð.
María Norðdahl og Ómar Árnason
Sjúkras jóður
Stjórn Sjúkrasjóðs hefur undanfarið
unnið að endurskoðun á úthlutunar-
reglum sjóðsins og tóku nýjar reglur
gildi 1. nóvember síðastliðinn. Úthlut-
unarreglurnar eru birtar á heimasíðu
Kennarasambandsins www.ki.is og
eru allir félagsmenn hvattir til að
kynna sér þær vel.
Sjúkrasjóður KÍ -
breyting á úthlutunarreglum
27
1. gr.
1. Sjúkrasjóður KÍ greiðir sjúkradagpeninga til sjóðfélaga sem eru í starfi en
lenda tímabundið út af launaskrá eða verða fyrir skerðingu á launum vegna
veikinda eða slysa.
2. Sjóðfélagar fá greidda sjúkradagpeninga 4.000 kr.á dag miðað við fullt starf
síðastliðna 12 mánuði eða samkvæmt meðalstarfshlutfalli þann tíma.
3. Sjúkradagpeningar greiðast í allt að 360 daga vegna veikinda sjóðfélaga.
Greiddir eru 30 dagar í mánuði. Þá greiðast sjúkradagpeningar í allt að 240 daga
til sjóðfélaga sem verða fyrir tekjuskerðingu sem er afleiðing alvarlegra lang-
tímaveikinda maka eða barna, enda hafi veikindin staðið í a.m.k. 3 mánuði.
4. Sjúkradagpeningar að viðbættum örorkulífeyri frá lífeyrissjóðum eða Trygg-
ingastofnun ríkisins geta aldrei numið hærri fjárhæð en sem nemur launaskerð-
ingu sjóðfélaga.
5. Í sérstökum tilvikum er sjóðsstjórn heimilt að greiða sjúkradagpeninga í allt
að 6 mánuði eftir að ráðningartímabili lýkur.
2. gr.
Sjóðurinn greiðir útfararstyrki 250.000 kr. vegna andláts sjóðfélaga og barna
þeirra 18 ára og yngri. Enn fremur greiðir sjóðurinn útfararstyrki 150.000 kr.
vegna andláts fyrrverandi sjóðfélaga allt að tveimur árum eftir að þeir hafa hætt
störfum vegna aldurs eða örorku. Útfararstyrkur greiðist til lögerfingja eða þess
aðila sem annast útförina.
3. gr.
1. Sjóðfélagar fá styrk vegna meðferðar hjá eftirtöldum meðferðaraðilum:
Hnykkjara (kíropraktor), iðjuþjálfa, nuddara eða sjúkraþjálfara. Greiddar eru
1.000 kr. í allt að 20 skipti á hverju 12 mánaða tímabili miðað við hálft starf eða
meira. Styrkur til sjóðfélaga í minna en hálfu starfi nemur helmingi framan-
greindrar fjárhæðar.
2. Sjóðfélagar fá styrk vegna meðferðar hjá eftirtöldum meðferðaraðilum:
Félagsráðgjafa, fjölskylduráðgjafa, sálfræðingi eða talmeinafræðingi. Greiddar
er 3.000 kr.í allt að 15 skipti á hverju 12 mánaða tímabili miðað við hálft starf
eða meira. Styrkur til sjóðfélaga í minna en hálfu starfi nemur helmingi framan-
greindrar fjárhæðar.
3. Sjóðfélagar fá styrk vegna faghandleiðslu hjá viðurkenndum handleiðurum.
Greiddar eru 3.000 kr. í allt að 10 skipti á hverju 12 mánaða tímabili miðað við
hálft starf eða meira. Styrkur til sjóðfélaga í minna en hálfu starfi nemur helm-
ingi framangreindrar fjárhæðar.
4. gr.
1. Sjóðurinn greiðir grunnkrabbameinsskoðun, að hámarki 2.500 kr. Ef sjóð-
félagi þarf að fara í framhaldsskoðun greiðir sjóðurinn þá skoðun einnig, að há-
marki 10.000 kr.
2. Sjóðurinn greiðir áhættumatsskoðun hjá Hjartavernd eða sambærilegum að-
ila, að hámarki 6.000 kr.
3. Sjóðurinn greiðir kostnað vegna meðferðar á Heilsustofnun NLFÍ í Hveragerði
eða sambærilegri stofnun. Greiddar eru 1.200 kr. á dag í allt að 28 daga á hverju
12 mánaða tímabili miðað við hálft starf eða meira. Styrkur til sjóðfélaga í
minna en hálfu starfi nemur helmingi framangreindrar fjárhæðar.
5. gr.
Í verkfalli félagsmanna Kennarasambands Íslands er sjóðnum heimilt að bæta
tekjuskerðingu sjóðfélaga sem eru í veikindaleyfi meðan á verkfalli stendur.
6. gr.
Sjóðsstjórn er heimilt að veita styrki vegna kostnaðarsamra aðgerða eða með-
ferða sem sjóðfélagi fer í samkvæmt læknisráði. Ekki er veittur styrkur nema
kostnaður fari yfir 15.000 kr.
7. gr.
1. Sjóðfélagar fá styrk vegna kaupa á heyrnartækjum. Greiddar eru allt að
15.000 kr. fyrir hvert tæki.
2. Sjóðfélagar fá styrk vegna kaupa á dýrum sjónglerjum einu sinni á hverjum
48 mánuðum. Greiddar eru að hámarki 25.000 kr. fyrir sjóngler sem kosta
50.000 kr. eða meira. Ekki er veittur styrkur vegna ódýrari sjónglerja.
3. Sjóðfélagar fá styrk vegna laseraðgerða á augum. Greiddar eru að hámarki
25.000 kr. fyrir hvort auga.
8. gr.
Sjóðurinn endurgreiðir hluta kostnaðar vegna tækni- og glasafrjóvgana, svo og
ættleiðinga.
Úthlutunarreglur Sjúkrasjóðs KÍ - 11.02
Úthlutunarreglur Sjúkrasjóðs Kennarasambands Íslands
Hér að neðan eru fyrstu átta greinar úthlutunarreglna Sjúkrasjóðs en í þeim er að finna helstu breytingar sem tóku
gildi 1. nóv. sl. Reglurnar eru alls í 12 greinum og eru birtar í heild á heimasíðu KÍ, www.ki.is