Skólavarðan - 01.12.2002, Blaðsíða 18

Þessi vinna er nýbreytni hjá okk-
ur og vitum við ekki til að tóna-
stubbar séu notaðir í leikskólum
annars staðar.
Útskriftarferðir og fleira
Við höfum fengið heimsóknir
kennara og nemenda úr Tónlist-
arskólanum á Akranesi, sem hafa
kynnt okkur hljóðfærin sín, og
börnin hafa svo fengið að prófa
að halda á, blása í og strjúka strengi. Síðan
höfum við farið með elstu börnin í útskrift-
arferð til Reykjavíkur á leikskólatónleika
hjá Sinfóníuhljómsveit Íslands til að sjá
með eigin augum öll hljóðfærin í
einni stórri hljómsveit. Þetta hef-
ur gefið tónlistarstarfinu enn
meiri dýpt og aukið skilning á
mörgu sem við höfum verið að
tala um og fást við.
Á jólaföstunni er jólaskemmt-
un fyrir foreldra í tengslum við
litlu jólin á leikskólanum. Elstu börnin hafa
þá flutt helgileik, sem er undirbúinn að
hluta í tónlistartímunum, og börnin á yngri
deildunum hafa undirbúið söngatriði og
samspil.
Sama gildir um vorhátíðina sem er nokk-
urs konar lokahóf í lok vetrarstarfsins. Þá
er foreldrum boðið að koma og
öll börnin koma fram í atriðum
með félögum sínum. Hver deild
undirbýr og æfir eitt tónlistarat-
riði sem er flutt á þessari hátíð.
Markmiðið með þessum
skemmtunum er að leyfa foreldr-
um að sjá og heyra afrakstur tón-
listarstarfsins en einnig að þjálfa
börnin í að koma fram.
Samstillt átak
Það hefur verið mjög mikill styrkur í
tónlistarstarfinu að starfsfólk leikskólans
hefur frá fyrstu tíð verið mjög áhugasamt. Í
upphafi þess var aðeins einn
menntaður leikskólakennari í
leikskólanum, þ.e. leikskólastjór-
inn, og einn leikskólakennara-
nemi. Nú er staðan gjörbreytt,
tveir til þrír leikskólakennarar á
hverri deild og mikill áhugi og
faglegur metnaður allra að reyna
að vinna sem mest og best í tón-
listinni. Það krefst að sjálfsögðu
mikillar skipulagningar og sam-
ráðs og með samstilltu átaki hefur okkur
tekist að skapa góðan anda í kringum tón-
listarstarfið í leikskólanum.
Það er í tónlistinni eins og svo mörgu
öðru að ekkert er nýtt undir sólinni. Oft
erum við í hringferð þar sem við leggjum
af stað í ferðalag í óeiginlegri merkingu,
ferð sem er farin án þess að vita um áfanga-
stað. Við lögðum af stað í óvissuferð varð-
andi tónlistarstarfið. Sú ferð hefur verið
mér sérlega ánægjuleg og vonandi höfum
við skilað frá okkur börnum sem eru glað-
ari að syngja, með opnari eyru að hlusta á
tónlist af ýmsu tagi og kunnandi eitt og
annað fyrir sér í tónlistinni sem nýtist þeim
á þeirri vegferð sem þau eru að leggja upp
í. Í leikskólanum er reynt að nesta þau sem
best til þeirrar ferðar og þar er tónlistin eitt
af því sem lagt er til.
Mig langar að enda þennan pistil á vísu
úr Hringferð ársins:
Tíminn líður. Títt og ótt
tifar klukkan dag og nótt.
Jörðin snýst. Eins það er,
árið líka hringinn fer.
Bryndís Bragadóttir
Höfundur er tónlistarkennari við Tónlist-
arskólann á Akranesi. Bryndís lauk B.Ed.
prófi með tónmennt sem valgrein frá KHÍ
1984 og framhaldsnámi í tónlist, Arsen-
het i Musikk (MKII), frá Bergen Lærer-
högskole 1985. Hún hefur starfað sem
tónlistarkennari á Akranesi frá þeim tíma
(að undanskildum tveimur árum) og tekið
virkan þátt í ýmiss konar tónlistarflutn-
ingi, einkum sem undirleikari.
Tónl ist í le ikskóla
21
Krakkar á Spóaseli í taktföstu samspili.
Smáfólkið á Krummaseli á góðri
stund.
Það er gaman að spila í hljómsveit
og allir eru með. Elstu börnin á Kríu-
seli að æfa sig.
Það er góð æfing að hlusta og ganga, undir
trommuleik. Hér eru hressir krakkar á Spóaseli
að ganga „álfaskref“ og „tröllaskref“.
Það gefur mikla gleði að syngja og spila á hljóð-
færi. Krakkar á Krummaseli í tónlistartíma.
Trommur og tónastubbar gefa skemmtilegan
samhljóm. Kríuselskrakkar í samspili.