Þjóðmál - 01.06.2014, Side 66

Þjóðmál SUmAR 2014 65
Já, það brann hjá mér húsið, segir hann .
Og þess vegna gat ég ekki boðið þér heim
á búgarðinn minn í Connecticut, því við
búum í hlöðunni sem stendur, meðan það
er verið að koma skikki á íbúðarhúsið . Já,
það var íbúðarhúsið eitt sem brann . Það
kviknaði útfrá olíukyndingu .
Og sakaði einhvern?
Nei, við hjónin vorum nú í Kína þegar
þetta varð og tengdamóðir mín öldruð var
ein manna í húsinu . Hún slapp sem betur
fór ómeidd .
Varð mikið tjón?
Ja, það var svona eins og gengur: ýmsar
persónulegar eigur sem brunnu og það er
náttúrlega óbætanlegt . Þá brunnu einar tvö
þúsund bækur, held ég, og svo brann nú allt
plötusafnið okkar . Nei, það brann ekki til
grunna, húsið: það var nógu slæmt samt .
Miller þagnar nokkra stund .
Hefurðu búið lengi í sveitinni? spyr ég
þegar við stígum útúr lyftunni .
Já, ég keypti þennan búgarð 1957,
minnir mig . Og þar hefur verið mitt
aðalheimili síðan . Ég kann prýðilega við
mig í Connecticut og við hjón bæði . — En
hér er nú afdrepið mitt í New York, segir
Miller og stingur lykli í skrá .
Heyrðu, ég hef áður verið yfirheyrður af
íslenskum blaðamanni .
Það hlýtur að hafa verið Matthías Jo-
hannes sen, segi ég .
Já, ætli það ekki, segir Miller . Hvað varð
af honum?
Hann er nú ritstjóri minn og skáld gott .
Jæja, já . Og orðinn gamall, karlinn?
Nei, nei .
Jú, orðinn gamall eins og ég .
Gísli Sigurðsson, ritstjóri
Lesbókar Morgunblaðsins, tók
sig til og málaði þessa portrett-
mynd af leikskáldinu til að
prýða forsíðu Lesbókarinnar
þegar viðtalið birtist í byrjun
september 1983 . Miller var þá
næstum 68 ára en hann átti
eftir að lifa góðu lífi í rúma tvo
áratugi eftir það . Hann lést í
febrúar árið 2005, á nítugasta
aldursári . Hann hélt áfram
að skrifa fram í andlátið,
þ . á m . fróðlega sjálfsævisögu,
Timebends (1987) . Síðasta
leikverk hans, The Finished
Picture, var frumsýnt árið
2004 . Þá var eiginkona hans,
Inge, látin, en Miller var
kominn í samband við konu
sem var fimmtíu árum yngri
en hann . Þau hugðust ganga í
hjónaband en Miller dó áður
en af því gat orðið .