Þjóðmál - 01.06.2014, Side 70
Þjóðmál SUmAR 2014 69
væri um að vera — til dæmis ef þeir vissu
að það átti að skjóta upp geimfari, þá voru
engar yfirheyrslur þá vikuna!
Þær sakir voru bornar á Miller að hann
hefði neitað að segja hvort rithöfundur
nokkur hefði verið á tilteknum fundi
kommúnista tíu árum áður, en Miller hafði
einnig sótt þann fund . Tvö ár af lífi Arthur
Millers hurfu nánast í þessi réttarhöld og
almenna baráttu hans fyrir mannréttindum
og málfrelsi . Hann hélt ræður um landið
þvert og endilangt og skrifaði grein á grein
ofan og árið 1958 var hann hreinsaður af
öllum sakargiftum . Miller segir:
Nokkru seinna komst svo upp að
náunginn sem stjórnaði yfirheyrslunum
yfir mér var á mála hjá samtökum einhverra
kynþáttahatara og þurfti að segja af sér allri
opinberri sýslu . Þetta mál allt var hræðileg
sóun á tíma og fjármunum og reiði . Ég slapp
vel samanborið við marga sem voru hraktir
úr störfum sínum og fengu þau aldrei aftur
og máttu búa við að vera á svörtum lista
árum saman .
Þegar þessari baráttu var lokið hjá Miller tók við önnur barátta — á
heimavígstöðvunum . Marilyn Monroe og
Arthur Miller voru eins ólík og hugsast
gat og það var kannski ljóst frá upphafi
að þessi ráðahagur yrði ekki langvinnur .
Monroe stríddi við ýmsan vanda á sálinni
sem fór vaxandi og frægustu læknar áttu
ekkert svar við . Þau skildu og Miller fór
í langa Evrópureisu uppúr því, þar sem
hann kynntist Inge Morath, ljósmyndara
af austurrískum uppruna, og kvæntist hann
henni árið 1962 . Hefur hjónaband þeirra
verið farsælt .
Önnur leikrit Millers en þau sem nefnd
hafa verið, eru þessi helst: Horft af brúnni
(A View from the Bridge), Eftir syndafallið
(After the Fall)), Incident at Vichy og
The Price . Þá hefur Miller skrifað frægt
kvikmyndahandrit, The Misfits, bíómynd
sem Marilyn Monroe og Clark Gable léku
í . Miller hefur og samið ágætar smásögur .
Seinni leikverk hans hafa ekki fallið í
kramið hjá gagnrýnendum vestra, en þau
Til vinstri eru tvær kápuforsíður af útgáfum á The Crucible, hinu fræga leikriti Millers sem skírskotaði
til McCarthy-tímans í Bandaríkjunum . Þetta er magnað leikrit um múgsefjun og mátt lyginnar .
Verkið hefur þrisvar sinnum verið sýnt í Þjóðleikhúsinu, fyrst í þýðingu Jakobs Benediktssonar
orðabókarritstjóra 1955 og 1986, undir heitinu Í deiglunni, og svo nú, 2014, í þýðingu Kristjáns
Þórðar Hrafnssonar undir heitinu Eldraunin .