Morgunblaðið - 30.09.1961, Blaðsíða 8

8
MORGVTSBLAÐIÐ
Laugardagur 30. sept. 1961
— KOMDU sæll, góði. Ég
var farinn að halda að þú
ætlaðir ekkert að koma.
Jæja, gjörið þið svo vel
og gangið í bæinn.
Það var komið undir
miðnætti er við komum að
Akri. — Við vorum ný-
komnir úr göngum af
Grímstunguheiði og urð-
um seinir fyrir um kvöld-
ið. Ég var búinn að fala
gistingu hjá Jóni bónda og
alþingismanni á Akri og
þeir Hvammsbændur óku
mér út eftir.
Ekki stóð á veitingunum.
Allt var okkur gangnamönn-
um til reiðu er við vorum
setztir inn í stofu á Akri. Jón
Pálmason er landskunnur fyr-
ir rausn sína og höfðingskap
heim að sækja. Við vorum
ferðlúnir og sátum því stutt
að veizluföngum Jóns áð þessu
sinni. Ég varð feginn að halla
mér og sofnaði fljótt.
Engum manni
er Jón líkur
Klukkan sjö morguninn eft-
ir kom Jón inn og vakti mig
með þessari viðkunnanlegu
spurningu:
— Viltu kaffi eða viltu
snaps, eða viltu hvort tveggja?
Ég reis upp við dogg, néri
stýrurnar úr augunum og
varð fyrst að orði:
— Engum manni ertu líkur
Jón.
Jón Pálmason á Akri ásamt Pálma, syni sínum, konu sinni,
frú Jónínu Ólafsdóttur og tengdadóttur, frú Helgu Sigfús-
dóttur. —
Við þurftum að vakna
snemma þennan morguij því
allir voru að fara í réttir. Við
Jón ætluðum fram í Vatnsdals
rétt en Pálmi sonur Jóns upp
í Auðkúlurétt. Um kl. 8 um
morguninn áttum við von á
Ara á Blönduósi til þess að
flytja okkur fram í réttina.
Hann ætlaði sjálfur að huga
að kindum Blönduósbúa. sem
í réttinni kynnu að vera.
rutiCARó/Nt*
Pálmi var aS sinna búverk-
um um raorguninn áður en
hann fór.af stað. Ungur bóndi
með myndarlegt bú þarf í
mörg horn að líta á haustdag-
inn þegar hann er að fá fé sitt
af fjalli. Hann hefir nú tekið
við búi föður síns enda segist
Jón nú fremur vera gestur hjá
syni sínum og tengdadóttur en
bóndi á heimilinu.
Fagurt bæjarstæði
Það var fagurt þennan
morgun á Akri. Við gengum
út á tún og ég litaðist um, því
ég hafði aldrei komið að Akri
fyrr. Það er vart ofsögum af
því sagt að hér sé eitt feg-
ursta bæjarstæði í Húnaþingi.
Framundan liggur Húnavatn-
ið spegilslétt. Til suðurs sér
til Víðidalsfjalls og Vatnsdals-
fjalls og til vesturs allt til
Strandafjalla og til norðurs
og austurs Skagastrandarfjöll-
in.
Við Jón raeðum .búskapinn
meðan við röltum um túnið,
þar sem ofurlítið af há liggur
enn óhirt. Það er fallegt tún-
stæði á Akri og er stöðugt ver-
ið að bæta við það. Lítt grónir
melarnir eru nú að verða að
iðjagrænu túni. Það berst í
tal aðstaða ungra manna til að
hefja búskap. Á þessari jörð
tekur sonur við af föður og
heldur áfram uppbyggingunni
þar sem faðirinn hættir.
Þegar ungu mennirnrir
taka ekki við
Jón hefir orð á því að erfitt
sé fyrir unga menn áð byrja
búskapinn nú til dags. Stofn-
fé þurfi mikið og erfitt að
komast yfir það. Við erum
sammóla um að gremjulegast
sé þó þegar ungir menn vilja
ekki taka við góðum búum af
feðrum sínum eða einhverjar
aðrar orsakir liggi til að þeir
taki ekki við jörðunum. Þessa
eru því miður allt of mörg
dæmi hér á landi. Til er að
feðurnir draga syni sína svo
lengi á að taka við jörðinni að
annað hvort hafa þeir farið og
helgað sig öðru starfi eða jafn
vel brotizt í því að hefja bú-
skap annars staðar þar sem
þeir eiga óhægt með að skilja
við. Orsakirnar geta verið
margar, s?m liggja til þess að
verk feðranna eru ekki nýtt
af sonunum og er sannarlega
leitt til þess að vita.
Það væri raunar fróðlegt að
kanna hve mörg dæmi eru
slíks hér á landi og það er
fullvíst að í öllum tilfellum
er það ekki ódugnaði eða
áhugaleysi sonanna einum að
kenna.
Trúin á. sveitirnar
Ég minnist þess er Jón á
Reyniátað kvaddi aðalfund
Stéttarsambands bænda nú á
þessu hausti þá gat hann þess
að fleira bindi eða ætti að
binda menn víð sveitirnar en
krafan um góða lífsafkomu
þótt hún væri ávallt mikils
virði. Trúin á sveitirnar
mætti aldrei dvína. Það er
líka eitthvað bogið við þá trú
er synir vilja ekki setjast í
góð bú feðra sinna og það er
líka eitthvað bogið við þá
feður, sem ekki hafa hug á því
að búa syni sína undir að
taka við þeirri arfleifð, sem
þeim er fært að leggja þeim
upp í hendurnar.
Akur er eitt af fögrum dæm
um þess þar sem þetta hefir
verið gert.
En brátt er Ari kominn og
þessi hugleiðing á sólfögrum
morgni á Akri er trufluð. Við
ökum fram í Vatnsdalsrétt
og þar er réttarlífið í fullum
gangi. Jön vindur sér inn í
almenninginn og hittir marga
sveituga og vini. Þeir kyssast
karlarnir og heilsast kumpán-
lega. Það er þeirra dagur
í dag. vig.
Viljum ráða lœrling
í bókband. Upplýsingar á skrifstofunni frá kl. 2—4
í OTg.
HILIVtlR H.F.
Skipholti 33.
Vanfar röskan mann
á pappírslager. FramtíSaratvinna. Gott kaup.
Upplysingar á sknístofunni frá kl. 2—4 í dag.
HILIWIR H.F.
Skipholti 33.
Margt í
Þverárrétl
Akranesi, 28. sept.
ÞVERÁRRÉTT í Borgarfirði var
á miðvikudag í fyrri viku. —■
Margt fé var í réttinni enda hafði
smalazt fremur vel. Sægur af
fólki kom í Þverárrett að vanda.
Víst kom það sér vel að kaffi-
veitingar fengust í gamla skóla-
húsinu íast sunnan við réttina
því að hvass stormur var á SV
og gekk á með hryðjum. Ekkert
hafði boiið á mæðiveikinm svona
í fljótu bragði séð. Dansleikur
var haldinn í húsinu til ágóða fyr
ir eihheimili handa Borgfirðing-
um. Réttarstjóri var Magnús
Krxst.iánsson bóndi ' Norðtungu.
Davið á Arnbjarnarlæk, tengda-
ía'ðir hans, kom þarna á gamal-
kunnar slóðir. Davíð var réttar-
stjóri í Þverárrétt samfleytt í
hálfa öld. Sú var tíðin að hann
var árum saman fjáreflstur
bóndi á íslandi og heimti þá
1700 fjár af fjalli. Sú saga er
sögð úr Þverárrétt þegar mæði-
veikin geisaði hvað mest og bú-
ið var að reka inn í réttina,
hafi Davíð sagt við gangnamenn.
— Verið nú handfljótir að draga
piltar svo við verðum búnir þeg-
ar fólkið kemur. Réttarfólkið kom
að auðri rétt og' enginn vissi
nema gangnamenn hve nauða-
fáar kindur voru í safninu. —
— Oddur
Grýtti mink
Akranesi, 28. sept.
UM 10 leytið fyrir hádegi i dag
brá Karl Arnbjarnarson á Brekku.
braut 22 sér heim í kaffi. Sá
hann þá mink heldur smáan, sem
var að spássera á Brekkubraut
fyrir framan húsið hans. Karl
komst þegar í vígahug og þarf
ekki að orðlengja að báðir tóku
sprettinn. Stökk minkurinn fyrst
yfir húsgrunn Og Karl á eftir,
þaðan inn í húsið Brekkubraut 26
sem er í smíðum. Karl eins Og
eldibrandur á eftir honum og
skaut að honum steini, sem reið
honum að fullu. Síðan sendi Karl
són sinn með skottið til bæjar-
stjóra og fékk 200 kr. fyrir.
— Oddur
Togarasölur
TOGARINN Maí frá Hafnarfirði
seldi í Bremerhaven á miðviku-
dag 104 lestir fyrir 96.300 mörk.
Fyrr í vikunni seldi Neptúnus i
Cuxhaven 70 lestir fyrir 47,300
mörk og Hvalfell í Bremerhaven
120 lestir fyrir 97.830 mörk. —•
Á fimmtudag selja tveir togarar
í Bretlandi og einn í ÞýzkalandL
Von f jölgunar
Amman, Jórdaníu, 27. sept.
AMMANÚTVARPIÐ birti 1 dag
tilkynningu um það, að Hussein
konungur og hin brezka kona
hans, sem nú ber nafnið Muna al
Hussein, eigi von á erfingja með
vorinu. Hussein gekk að eiga hina
tvítugu Toni Gardiner í maí sL
Lítill afli
Skagabáta
AKRANESI, 27. sept. — Firnm
dragnótabátar voru á sjó í nótL
Aflinn var nauðalítill, 100—300
feg á bát. Þrír línubátar reru i
gærkvöldi. Sveinn GUðmundsson
féfek 4,5 tonn, Skipaskagi 4,2 og
Svanur 3 tonn. Hér er norska
skipið Fandango oig lestar 378
tonn af freðfiski. — Oddur.