Morgunblaðið - 28.05.1968, Blaðsíða 10
10
MORGUNBLAÐIÐ, ÞRIÐJUDAGUR 28. MAÍ 196«
m
1 Heitu kerin eru alltaf vinsæl.
Ljósm. Mbl. Sv. Þorm.
Undir bláum sólarsali
BLIÐSKAPARVEÐUR var í
Reykjavík í gær, en nokkur
kaldi, — brakandi þerrir,
mundu bændur segja. Við
brugðum okkur á helztu staði
sóldýrkenda, að sjá, hvort
þeir notuðu nú ekki tækifær-
ið, en svo reyndist ekki vera
nema í Vesturbæjarlauginni.
Úti í Nauthólsvík var ekki
nokkur sála, nema tveir
drengir er gengu eftir fjör-
unni og léku á báru. Það var
líka strekkingur á sunnan og
lítið skjól í víkinni.
Sundlaugarnar voru lokað-
ar, og nú er þeirra sögu að
verða lokið. Nýju laugarnar
verða teknar í notkun um
helgina, en sjálfsagt munu
margir minnast þeirra gömlu
með hlýju, þær hafa gert
ómælanlegt gagn á ævi sinni
og mörgum finnst, að rét't
væri að varðveita þær eins
og þær eru í dag. Sumir vilja
meira að segja stofna félag til
að kaupa þær, líkt og gert var
með Kolviðarhól um árið, en
skipulagið kemur víst í veg
fyrir það.
Vesturbæjarlaugin var hins
vegar opin, og þar var nokk-
uð af fólki, sem naut sólar-
innar. Og sundkennarar leið-
beindu börnum með fyrstu
sundtökin og úti í dýpri laug-
inni fóru strákar í riddara-
slag eða stríddu stöllum sín-
um.
.....svo andann gruni ennþá
fleira en augað sér“.
Hvað það er indælt að liggja og mara svona í vatninu.
Hægri umferð
gengur mjög vel
LÖGGÆZLAN var jafn víðtæk í
gær og í fyrradag um land allt.
Út frá Reykjavík fóru fyrir helg-
ma 12 ríkislögreglubifreiðir og
eru þær allar að eftirlitsstörfum
úti á þjóðvegum, til viðbótar
þeirri löggæzlu sem fyrir er í
sýslum landsins. í gær voru því
að störfum yfir 400 lögreglu-
menn á landinu.
Frá kaupstöðum og kauptún-
um landsins hefur engin tilkynn-
ing borizt um árekstur eða um-
ferðarslys, frá því hægri umferð
tók gildi. Af þjóðvegunum eru
þær fréttir, að eins er kunnugt
um eitt óhapp, sem átti sér stað
skammt frá Arnarstapa á Mýr-
um í gærdag, en þar var ekið
aftan á kyrrstæðan bíl.
í Reykjavík höfðu orðið í gær
(kl. 18.00) fjórir árekstrar og
voru þrír af þeim mjög smá-
vægilegir. Ekkert slys hafði orð-
ið í umferðinni í Reykjavík í
gær. Drengurinn sem varð fyrir
bifreið á Sundlaugavegi í gær
mun ekki hafa meiðzt neitt al-
varlega, en hann liggur þó enn
á sjúkrahúsi.
Umferð á landinu hefur yfir-
leitt verið með svipuðu móti og
eðlilegt er á virkum degi. Sam-
kvæmt upplýsingum sem Upp-
lýsing- og fjarskiptamiðstöð
lögreglunnar hefur fengið, hefur
talsvert borið á því, að settar
reglur um ökuhraða væru ekki
virtar og gerði lögreglan í
Reykjavík mikið af því í gær að
mæla hraða bifreiða með ratsjá.
Hér fer á eftir stutt yfirlit úr
skýrslu Upplýsinga- og fjar-
skiptamiðstöðvar lögreglunnar
frá nokkrum stöðum utan Reykja
víkursvæðisins:
Keflavík:
Umferð í Keflavík hefur verið
með eðlilegum hætti í dag. Eng-
in óhöpp hafa átt sér stað, sem
rekja má orsakir til umferðar-
breytingarinnar. Einn árekstur
varð á Tjarnargötu, en þar ók
fólksbifreið á pallhorn vörubif-
reiðar, en henni hafði verið lagt
þannig, að pallur bifreiðarinnar
skagaði út í akbrautina. Ekkert
slys varð og skemmdir smávægi-
iegar.
Akranes:
Umferð hefur verið með eðli-
legum hætti í dag. Engin óhöpp
hafa átt sér stað svo lögregl-
unni sé kunnugt um. Ökumenn
fara vel eftir hraðatakmörkun-
um og var aðeins einn ökumaður
áminntur fyrir of hraðan akstur
í morgun. Ekki var talin ástæða
til að hafa umferðarverði starf-
andi í dag.
Akureyri:
Engin óhöpp hafa átt sér stað
í umferðinni á Akureyri, sem
rekja má til óvana vegfarenda í
hægri umferð. Þó ók einn öku-
maður á ljósastaur um miðnætti
í gær.
Nær allir lögreglumenn hafa
verið að störfum í dag til að leið-
beina fólki. Tvær lögreglubif-
reiðir annast eftirlit á þjóðveg-
um út frá Akureyri og sú þriðja
frá Dalvík. Nokkrir ökumenn
hafa verið kærðir fyrir of hrað-
an akstur, en yfirleitt virða öku-
menn vel hraðatakmarkanir.
Selfoss:
Umferð hefur verið greið í
dag og með eðlilegum hætti. Eng
in óhöpp hafa átt sér stað og
áberandi hraðabrot eru engin, en
þó virðist ökuhraðinn vera að
aukast núna upp á síðkastið (kl.
18.10).
Vestmannaeyjar:
Umferð töluverð. Engin óhöpp.
23 umferðarverðir hafa verið að
störfum í dag.
Austurland:
Tíðindalaust hefur verið úr
umferðinni á Austurlandi í dag,
og allt gengið vel. Á Seyðisfirði
var lögreglan við hraðamæling-
ar í morgun, en enginn komst á
blað. Yfirleitt var lítil umferð í
gærkvöldi, og í morgun hefur
umferðin verið eðlileg.“
MI8TÖK
Er skýrt var frá andláti Einars
Erlendssonar húsameistara, hér í
bla'ðinu í gær, var birt mynd af
alnafna hans Erlendi Einarssyni
í Vík. Eru viðkomandi beðnir af-
sökunar á þessum leiðu mistök-
um.
LEIÐRÉTTING
NOKKUÐ var um línubrengl í
sjóimannadagsræðu sr. Jóns
Thorarensens, sem btrist í blað
inu sl. sunnudag, og einnig
nokkrar aðrar prentvillur. Eru
viðkomandi beðnir afsökunar á
að svo skyldi til takast.
Fundur um flugvall-
armál Reykjavíkur
f DAG, þriðjudaginn 28. maí
verður, að tilhlutan Flugmálafé-
lags íslands, haldinn almennur
umræðufundur um flugvallamál
Reykjavíkur og höfuðborgarsvæð
isins. Til grundvallar umræðun-
um verður einkum álit nefndar
þeirrar, er flugmálaráðherra
skipaði 28. maí 1965 til að gera
tillögur um framtíðarskipan
flugvallarmála Reykjavíkur.
Umræðurnar þurfa þó ekki að
vera einskorðaðar við þetta
nefndarálit.
í nefndinni áttu sæti, Bryn-
jólfur Ingólfsson ráðuneytis-
stjóri, formaður, Baldvin Jóns-
son, hrl., Gústaf E. Pálsson, borg
arverkfræðingur, Guðlaugur Þor
valdsson, prófessor og Sigurgeir
Jónsson hagfræðingur.
Þann 18. maí 1967 skilaði
nefndin mjög ýtarlegri skýrslu
um störf sín.
Nefndin var sammála um, að
framtíðarmöguleikar Reykjavík-
urflugvallar séu of takmarkaðir,
til þess að hann geti gegnt hlut-
verki framtíðarflugvallar Reykja
víkursvæðisins. Taldi nefndin að
bezti staður fyrir framtíðarflug-
völl Reykjavíkur væri á Álfta-
nesi. Hinsvegar varð nefndin
ekki sammála um, hvaða hlut-
verki Keflavíkurflugvöllur ætti
að gegna í framtíðarskipan flug-
vallarmála höfuðborgarsvæðis-
ins og hverskonar flugvelli væri
rétt að gera ráð fyrir á Álfta-
nessvæðinu. Gera tveir nefndar-
menn, þeir Baldvin Jónsson og
Gústaf Pálsson, ágreining við
álit meiri hluta nefndarinnar um
þessi atriði. Ágreiningurinn er í
stuttu máli fólginn í því, að
meiri hluti nefndarinnar telur
rétt að framtíðarmiðstöð milli-
landaflugs höfuðborgarsvæðis-
ins verði á Keflavíkurflugvellí,
en á Álftanesi verði tekið frá
svæði vegna þarfa innanlands-
flugs eftir megintilhögun „X“.
Minni hluti nefndarinnar telur
hins vegar, að rétt sé, að fram-
tíðarmiðstöð alls innanlands og
millilandaflugs annars en hern-
aðarflugs geti orðið á Álftanesi
og að framkvæmdir samkvæmt
megintilhögun „L“ verði hafnar
sem fyrst. Verði Reykjavíkurflug
völlur og innlend starfsemi á
Keflavíkurflugvelli síðan lögð
niður.
Á fundinum hefir formaður
nefndarinnar, Brynjólfur Ingólfs
son framsögu fyrir meirihlutan
en Baldivin Jónsson fyrir minni
hlutan. Síðan verða frjálsar um-
ræður.
Fundarstjóri verður Hákon
Guðmundsson yfirborgardómari.
Fundurinn verður haldinn í
Sigtúni og hefst kl. 20.30.
*-• .. . . v
Myndin sýnir hvernig gert er ráð fyrir flugbrautunum í tillögun-um tveimur