Morgunblaðið - 04.08.1968, Side 19

MORGUNBLAÐIÐ, SUNNUDAGUR 4. ÁGÚST 1968
19
Frá fenjasvæðunum á s-strönd Kúbu. Þarna er krökkt af vatnafiski og að vetrinum aragrúi
anda og annarra fugla frá meginlandinu. Byltingastjórnin lét reisa á svæðinu frumlega gisti-
skála að ytra útliti eftirlíkingar indíánakofanna „bo-híó“, sem Kólumbus leit þar fyrir nær
500 árum. Húsin eru búin öllum nútíma þægindum, frá svölunum dorga menn í rólegheitum
eða fara á andaveiðar.
- KÚBA
Framhald af bls. 10
ið heldur uppi að öllu leyti
um 250 þúsundum ungmenna á
skóla allt árið.
Hverfið sem við búum í er ný
tízku villuhverfi, þar bjuggu
auðmenn áður fyrr. í hluta hverf
isins hefur villunum verið breytt
í skóla öðrum í heimavistir eða
matsali, því ríkið sér krökkun-
um fyrir fæði og klæðum. í
miðju hverfinu er breiðgata mik
il og eftir henni miðri liggur
forkunnarfagur garður. Til að
auka tilbreytinguna skiptast þar
á fjölmargar tegundir trjáa. Það
er skemmtileg sjón þegar maður
er á leið til vinnu að morgni,
að sjá alla hersingu skólabarn-
anna í skólabúningum sínum
ganga í röðum gegnum garðinn.
Ævintýri á Floridasundi.
— Hefur þú nokkurn tímann
verið áhorfandi að skærum, á
hafinu milli Kúbu og Bandaríkj
anna?
— Það fer eftir því hvað þú
kallar skærur. Bandaríkjamenn
eru alltaf á ferðinni í kringum
okkur á sundinu Einkum eftir-
litsflugvélar, sem sveima yfir
manni. Stundum er þetta í ör-
yggisskyni, því að við stöðvum
skipið meðan á rann-sóknum
stendur og getur þá oft litið svo
út sem eitthvað sé að hjá okkur.
Eitt sinn lentum við þó í smá-
ævintýri. Það var í fyrravetur,
að við komum úr löngum rann-
sóknarleiðangri. Svo illa hafði
viljað til, að miðunarstöð okkar
hafði farið úr sambandi og rad-
arinn í ólagi. Veðrið var vont,
töluverður sjór og sterkur
straumur liggur um svæðið. Við
töldum okkur sigla í átt til Hav
ana en ekki sáum við land.
Skyndilega sáum við menn
birtast yfir öldutoppunum og
lítið segl bera við himin. Við
sigldum í áttina til þeirra og
héldum þá helzt vera skipbrots-
menn í nauðum. Mikil var undr
un okkar, þegar við litum far-
kostinn. Hann var samsettur úr
6 hjólbarðaslöngum, sem^ festar
voru saman á trégrind. í eftir-
dragi var svo önnur slanga úr
dráttarvélarbarða og^ sátu í
henni tveir menn. Á sjálfum
flekanum sátu svo aðrir fjórir.
Þegar við vorum komnir í kal'l
færi spurðumst við fyrir um
ferðir þeirra. Þeir voru þá hin-
ir bröttustu og sögðust koma
frá Jamaica og vera á leið til
Key West á Florida.
Við vissum auðvitað hvers
kyns var. Til að komast frá
Kúbu leggja menn á sig ótrúleg
ustu raunir. Sumir leggja í haf
á furðulegustu farkostum og
reyna að fleyta sér inn á skipa-
leiðina til Florida í von um að
verða teknir upp í skip. Hér
voru greinilega á ferð slíkir
ferðamenn.
Nú vildi svo til að er við
vorum undan Florida hafði okk
ur borizt aðvörun um, að í að-
sigi væri norðan stormur. Við
kölluðum því til þeirra aftur og
sögðum þeim, sem satt var að
þá hefði rekið langt frá öllum
siglingaleiðum til Florida og inn
á leiðina til Kúbu kæmust þeir
ekki áður en vindurinn skylli á
Við buðum þeim að taka þá í
tog, því annars væru þeir dauð
ans matur, þeir neituðu. Þá sögð
um við skyldu okkar við það að
tilkynna um ferðir þeirra í land
því ekki ætluðum við að verða
ábyrgir fyrir dauða þeirra. Eina
sem við gátum gert var því að
senda boð í land um talstöðina.
Ekki gátum við tekið þá um
borð í skipið því lestin var full
af ís. Sá mögukiki var líka fyr-
ir hendi að þeir væru vopnaðir
og á flótta undan lögunum. Nú
leið og befð, og ekki kom björg-
unarskipið úr landi enda gátum
við ekki gefið upp nákvæma
stnðarákvörðun. Nóttin skall á,
og þá fór að fara um vini okkar
í gúmislöngunum. Hitamismunur
er mikill þegar sólar nýtur ekki
við og þarna sátu þessir vesa-
lingar í sjó upp í mitti og báru
sig illa, sem vonlegt var. Við
beindum ljóskösturum okkar að
flekanum til að missa þá ekki út
í sortann. Þegar komið var fast
að miðnætti þoldum við ekki
lengur mátið og tilkynntum í
talstöðina, að við myndum setja
út björgunarbátinn til þeirra.
En ;þá birtist skyndilega eftir-
litsbátur frá strandgæzlu Kúbu
Líklega hafa þeir verið nærri all
an tímann. en ákveðið að láta
björgunarskipið um málið. þang
að til við ákváðum að setja út
björgunarbátinn. Varðmennirnir
kröfðust þess, að flekamenn vörp
uðu sér i sjóinn og syntu yfir
í varðbátinn, vegna ótta við að
þeir væru vopnaðir. Flóttamenn
irnir grétu og kölluðu á alla
góða vætti sér til bjargar, þeir
væru með öllu saklausir menn
sem ekkert hefðu gert af sér,
vopn hefðu þeir engin.
Við mótmæltum, reyndum að
leiða strandgæzlumönnum það
fyrir sjónir, að sjórinn væri
fullur af hákörlum og gæti það
orðið flóttamönnumum bráður
bani að leggja i hann. Um dag-
inn höfðum við rennt fyrir fisk
meðan á biðinni stóð og dró
einn fisk um borð, sem ekkert
var eftir af nema hausinn; há-
karlarnir höfðu séð fyrir afgang
num. Loksins létu strandgæzlu-
menn til leiðast. lögðust upp að
flekanum og það síðasta sem ég
sá af þessum vesalingum var að
þeim var troðið niður um lúgu
á bátnum. Þegar því var lokið
tókum við flekann upp. Þar var
ekki feitan gölt að flá, farang-
urinn var þessi: einn svartur
götuskór, kexkassi hálffullur af
sjó, sem nokkrar kexkökur flutu
ofan á, einn plastpoki líklega
til hlífðar fyrir regni, og eitt
vasaljós rennblautt. Svo ein-
kennilega viidi til að nokkru
síðar lenti ég í samræðum við
mann nokkrun, hóf hann þá að
segj a mér flóttasögu um frænda
sinn. Sá hafði ásamt nokkrum fé
lögum sínum úr litlu sveitaþorpi
skammt frá Havana rejmt flótta
á gúmmíslöngum. Þetta voru þá
engir aðrir en vinir okkar frá
Floridasundi. Sagði maðurinn
mér, að frændiinn og félagar
hans úr sveitinni hefðu verið
fjóra daga að velkjast í hafinu
áður en þeim var bjargað. Nú
sætu þeir í vinnubúðum.
Hjá góðu fólki.
— Hyggstu dveljast áfram
haldandi á Kúbu?
— Næstu sex mánuði í öllu
falli. Kona mín og dóttir, sem
er tólf ára, dveljast með mér á
Kúbu, en tveir synir okkar eru
í Reykjavík og stunda hér nám
sitt.
Við kunnum að mörgu leyti
vel við okkur á Kúbu. Fólkið
er með afbrigðum vingjamlegt,
einkennileg blanda af þremur
litarháttum, ef telja á múlatt-
anma með, fullt lífsorku. Ég uni
mér vel innan um þetta fólk og
trúi á framtíð þess.
Spánn — ísland
M.s. Arnarfell
Lestar í Valencia kringum 21.ágúst, og einnig er
áformuð viðkoma í Atmeria.
Flutningur óskast skráður sem fyrst.
Skipadeild S.Í.S.
FORD CORTIINIA 1969
CORTIIMA árgerð 1969 er væntanleg um
mánaðamótin september — október
Helztu breytingar frá árgerð 1968 eru:
1. Breytt véarhlíf (grille).
2. Breytt gírskiptistöng I gólfi (sport gerð).
3. Fóðrað stýrishjól, sein gefur eftir undan höggi.
4. Tvöfalt hemlakerfi.
5. Veltirofar í mælakorði.
6. Öryggissnerlar í hurðum.
7. Breytt skiptistöng fyrir stefnuljós.
8. Endurbættir rúðuþurrku og innsogshnappar.
9. FORD-stafir á vélarloki og kistuloki.
10. Allt rafkerfi með öryggjum.
11. Festingar fyrir öryggisbelti.
12. Ný áklæði.
13. Nýir litir, í miklu úrvali.
14. Vélarlok opnað innan frá.
Sfð/ð f stuttan tíma og táið Cortinu árgerð 1969.
Gerið yður grein fyrir hinum mikla endursölu - verðmismun.
Tökum notaða bílinn upp í þann nýja.
Skráið yður strax tyrir CORTINA 1969
( l i M B 011 { KB. KRI5TJÁNE 1 SUDURLANDSBRAUT ,2 ISDN H.F. • SÍMI 3 53 00
ALLT MEÐ BEINAR’ FERÐIR FRA ÚTLÖNDUM TIL HAFNA ÚTI A LANDI ALLT MEÐ
HRAÐFERÐIRNAR
EIMSKIP
ORUGG ÞJONUSTA
HAGKVÆM KJÖR
EIMSKIP