Morgunblaðið - 11.10.1974, Blaðsíða 5

MORGUNBLAÐIÐ, FÖSTUDAGUR 11. OKTÖBER 1974
5
Jón H. Þorbergsson:
Ár þjóðhátíðar
Þvf að annan grundvöll getur
enginn lagt en þann, sem Iagður
er, sem er Jesús Kristur“ (1. Kor.
3.11)
Nú er ár þjóðhátíðar, hér f
landi. Hátfðin á Þingvöllum hefði
átt að byrja á annan hátt er
gert var. Eftir setningu hennar
hefði átt að syngja þjóðsöng-
inn, öll versin þrjú. Þá
hefði biskupinn, hr. Sigurbjörn
Einarsson, átt að flytja sína
stuttu og ágætu ræðu og á
eftir henni sunginn sálmur. Til
dæmis þessi eftir Helga Hálf-
dánsson „Þú Jesús ert vegur til
himinsins heim...“, þetta hefði
átt að koma á undan setningu
fundar í sameinuðu Alþingi. A
þeim fundi voru samþykkt með
öllum atkvæðum lög um fram-
kvæmdir til aukinnar uppgræðslu
á gróðulausu landi, sem er gott og
blessað. En þjóðin ætti á þessu
þjóðhátíðarári að stíga á stokk og
strengja þess heit að hefja sem
almennast og öflugast starf til að
útrýma úr þjóðfélaginu allri van-
trú og heiðindómi, sem er vágest-
ur sannrar menningar. Til þess er
aðeins ein leið. Efla kirkju Krists,
hugsa, lifa og starfa í anda hans
og kenningu. — Utan þeirrar leið-
ar er engin leið, sem fólk getur
farið og haldið lífi. Stórkost-
legasti viðburður mannkynssög-
unnar og sá dýrmætasti er koma
Krists til jarðarinnar, starf hans
þar og líf með fólkinu. Hann seg-
ir: „Ég er kominn til þess að þeir
(fólkið) hafi líf“ (Jóh. 10.10) Og
„Ef þér ekki trúið, að ég er sá,
sem ég er, munuð þér deyja í
syndum yðar“ (Jóh. 8.24). Og
hann segir: „Eg er ekki kominn
til þess að láta þjóna mér, heldur
til þess að þjóna og til þess að
leggja líf mitt í sölurnar sem
lausnargjald fyrir marga" (Matt.
20, 28). Tólf ára gamall í
musterinu vissi hann allt. öllum
sem trúðu á hann sem Guðs son
og frelsara gaf hann fyrirheit um
eilíft líf og hæfni til að vera þegn-
ar Guðs í ríki hans—. Engir trúar-
leiðtogar nema Kristur geta frels-
að og fyrirgefið, eða hafa getað.“
Guð var í Kristi að sætta heiminn
(fólkið) við sig“ (2 kor. 5.19).
Þetta er sterk heimild kristinnar
trúar. 1 16. kapitula Matteusarguð
spjals er sagt frá þvf, að Kristur
spurði lærisveina sína, hvern fólk
segði hann vera. Þá sagði hann
við þá: „En þér, hvern segið þér
mig vera?“ Þá svaraði Símon Pét-
ur með þessari stóru setningu trú-
arinnar: „Þú ert Kristur sonur
hins lifandi Guðs“. En Kristur
sagði við Pétur: „Sæll ert þú
Sfmon Jónasson, því að hold og
blóð hefir eigi opinberað þér það,
heldur faðir minn í himninum"
(Matt. 16.17). Þetta er sterk til-
vitnun kristilegrar trúar. Annað
tilsvar Péturs, merkilegt fyrir
trúna, er tilfært í postulasög-
unni, þegar hann og Jöhannes
höfðu læknað lamaða manninn
fyrir trúarkraft þeirra frá Kristi.
Þá sagði Pétur um Krist: „Og ekki
er hjálpræðið í neinum öðrum,
því að eigi er heldur annað nafn
undir himninum er menn kunna
að nefna, er oss sé ætlað fyrir
hólpnum að verða" (Post 4.12).
Bæði þessi tilsvör Péturs gilda
um allan tfma, til þess að við,
mannanna börn, lifum í trú á boð-
skap Krists og í óbifanlegri von
um sigur í þessu lífi og framhalds-
lffi í himni Guðs. Fæðing Krists,
kenning hans og lif, kraftaverk
hans, fórnardauði og upprisa
hans og starf meðal manna eftir
hana og svo himnaförin, — allt
mjög vottfest, — gerist allt í
krafti almáttugs Guðs. „Trúið
mér vegna verkanna", sagði hann.
Það er oft greint frá því í Gamla
testamentinu, að Guð talaði við
boðbera sfna og þeir sögðu fólk-
inu það, sem Guð hefði talað við
þá. Þannig höfum við boðorðin 10
og blessunarorðin, að Guð talaði
við Móse, 1400 árum fyrir Krist.
Um 700 árum áður en Kristur
fæddist hafði Jesaja spámaður
sagt: „Sjá yngismær verður þung-
uð og fæðir son“ (Jes. 7.14), og
sömuleiðis „Því að barn er oss
fætt, sonur er oss gefinn, á hans
herðum skal höfðingjadómurinn
hvíla“ (Jes. 9.6). Enginn hefir
fæðzt eins og Kristur og enginn
dáið sem hann. I upprisunni sann-
ar hann framhaldslífið. Kristur
verður ekki umflúinn. Hann
grundvallaði það mannlega líf hér
á jörðinni, sem sigrar allt hið illa.
Hann er sjálfur sigurvegarinn, —
og hann er með okkur alla daga.
Okkur, sem trúum á hann og ger-
um okkar bezta samkvæmf þvf.
Allt þarf sitt viðhald með ástund-
un. Það hefur trúaður maður
sagt: Iðrun synda er lykill fyrir-
gefningar Guðs, opnun hliðs hans.
Kristur lagði ríka áherzlu á það,
að við ástunduðum bænir og við-
tal við Guð. Ekkert gefur okkur
meri lffskraft, og svo að lesa dag-
lega í Guðsorði. „En þetta er rit-
að, til þess að þér skuluð trúa, að
Jesús er Kristur, sonur Guðs, og
til þess að þér, með þvi að trúa
öðlist lífið í hans nafni" (Jóh. 20,
31). Við tælum að efla gróður
jarðar, svo að hún blómstri meira.
Hugir og hjörtu fólksins eru sáð-
land Guðs, fyrir hans heilaga orð,
svo við náum að blómstra í trú.
Þjóðirnar vantar raunar ekkert
nema almenna vakningu í orði
Guðs, í trúnni á hann og soninn,
leiðin okkar eru bænir til Guðs
um að gefa okkur, þjóðinni, vakn-
ingu. Nota til þess öll tækifæri og
búa til ný tækifæri. Ef þessar
bænir yrðu nógu almennar, kæmi
vakningin yfir þjóðina. Þá mundi
vantrú og heiðindómur hverfa úr
landi og þjóðinni auðnast að kom-
ast í það líf, sem henni er ætlað að
lifa. Hópbænir gætu orðið áhrifa-
ríkar. Við ættum að tala meira um
þessi mál, það mundi færa okkur
nær sannleikanum.
Hér er lítið dæmi: Ég var á ferð.
Kom á myndarlegann bóndabæ.
Hjónin þar tóku mér vel, og var
margt spjallað. Þar á meðal barst
í tal erindi, sem ég hafði flutt í
útvarp um kirkjunnar mál.
Konan bar það á mig, að ég væri
bókstafstrúarmaður, sjálf hélt
hún sig við „nýju guðfræðina".
Ég svaraði því til, að við ættum að
láta Guðs orð móta okkur, en gæt-
um þar engu breytt. Hún svaraði
því engu og ég sá, að hún varð
hugsandi. Þegar ég kvaddi þessi
blessuð hjón, sagði konan: „Ég er
strax komin á þitt mál, Jón“. Mér
finnst hún hafa breytt um svip.
Meiri mildi og rólegheit í svip
hennar.
Með langvarandi athugunum
þessara mála hefi ég orðið
áskynja margs um það, hvernig
Guð starfar í fólkinu og er viss
um það, að Jesús er Kristur, son-
ur hins lifandi Guðs.—
Ég vona, að allt kristið fólk f
landinu — utan kirkju og innan
— taki til nýrrar athugunar og
framkvæmda almenna vakningu í
orði Drottins. Það er hið allra
bezta, sem hægt er að gera til þess
að lifa eins'og Kristur kenndi.
Eignast lífið sjálft.
Að lokum vil ég geta þess, sem
ég tel gott og merkilegt að kristi-
Iegt stúdentafélag og kristileg
skólasamtök eru að efla sín kristi-
legu störf. Hafa þessi samtök sam-
eiginlega ráðið til sín prest (Jón
Dalbú) sem starfsmenn og fram-
kvæmdastjóra. Biskup Islands hr.
Sigurbjörn Einarsson, vfgði þenn-
an kandídat í septembermán. sl.;
var messunni útvarpað og fannst
mér ræða hans mjög góð. Við, sem
trúum á Drottin, biðjum þess, að
séra Jón verði sterkur í starfinu
og fái miklu áorkað í útrýmingu
trúleysis í skólum landsins. Þar á
kristindómur að ríkja framar öllu
öðru sem og allstaðar.
SENDING AF NYJUM
GLÆSILEGUM
VÖRUM:
WIÍDI KJOLAR
MIDI PILS
SIÐ PILS
BLUSSUR — FÍNNÍ
DÖMUPEYSUR
SHETLANDSULL
— MJÖG GOTT VERÐ
HERRAPEYSUR
SHETLANDSULL
— MJÖG GOTTVERÐ
SPORTSOKKARNIR OG
UNDIRFATASETTIN
FRÁ MARY QUANT
NÝJAR SKÓSENDINGAR
NÝ STÓR
PLÖTUSENDING.
□
□
□
□
OPIÐ TIL HÁDEGIS Á MORGUN.
NOTIÐ FRÍTIMAN TIL AÐ KAUPA.
tizkUVERZLUN unga folksins
KARNABÆR
V AUSTURSTRÆTI 22 LAUGAVEG 66 LAUGAVEG 20 A