Morgunblaðið - 20.11.1975, Blaðsíða 21

MORGUNBLAÐIÐ, FIMMTUDAGUR 20. NÖVEMBER 1975
21
— Athugasemd
Framhald af bls. 10
Heldur álít ég að þessa ákveðnu
tegund skófatnaðar, sem ég hef
lýst hér, vanti tilfinnanlega hér
og geri enn. Ég vil biðja vel-
virðingar ef þessi ummæli mín
hafa valdið misskilningi og dreg
ekki i efa góðan vilja íslenzkra
skókaupmanna til að leita að þvi
bezta og vinsælasta sem á boð-
stólum er hverju sinni á öllum
þeim sýningum sem þeir sækja
erlendis. Én skoðun mín er eftir
sem áður sú, að oft hafi þeir ekki
árangur sem erfiði.
Marta Bjarnadóttir
— Stikur
Framhald af bls. 19
hafði lag á því að ýta við fólki.
Eitt stutt ljóð eða blaðagrein
eftir hann gat sett allt á annan
endann. Skáldsögur hans
Ragazzi di vita (Börn lífsins
1955) og Una vita violenta
(Ofsafengið lif 1959) vöktu
mikla athygli. En eftirminni-
legust er kannski lítil ljóðabók
Le ceneri di Gramsci (Aska
Gramscis 1957).
1 Ösku Gramscis yrkir
Pasolini um stofnanda ítalska
kommúnistaflokksins, sem dó í
fangelsi fasista. Það er einkum
sú stefna Gramscis að menning-
in eigi að vera alþýðleg, bilið
þurfi að brúa milli lífs og listar,
sem Pasolini hrífst af. Sjálfur
hefur hann stuðlað að þvi að
alþýðlegri list sé gaumur
gefinn, meðal annars með því
að taka saman Ijóðasafn með
alþýðukveðskap og ljóðum, sem
ort eru á mállýskum. I Iífi sínu
barðist hann fyrir réttindum
fátæklinga, bættum kjörum
þeirra. í skáldskap hans og
kvikmyndum birtist þetta fólk;
hann var málsvari þess og sótti
til þess innblástur.
Pasolini var einkennilega tví-
skiptur maður. Hann var í senn
marxisti og kaþólikki, en þó
einkum merkilegur listamaður.
í fjórða hluta Ösku Gramscis
yrkir hann, en þýðingin er eftir
Aðalstein Ingólfsson:
Hneyksli er að vera svo tvfræður,
vera með þér og móti, með þér í
hjarta, f birtu, á móti þér í
dimmu sálar.
Til eru þeir, sem halda því
fram að Passolini (f. 1922 í
Bologna) hefi verið mesta
skáld sinnar kynslóðar.
I ljóðum Pasolinis er samræð-
an milli skáldsins og lesandans
mikilvæg. Skáldið ávarpar ekki
lesandann af hæðum, heldur
eins og félaga og bróður. Allt er
gert til að vekja trúnaðartraust.
Þetta er ekki nýtt I ítölskum
skáldskap, samanber Ijóð
þeirra Salvatores Quasimodos
og Umbertos Saba. En mér virð-
ist að í ljóðum sínum, ösku
Gramscis og ekki síst La
religione del mio tempo (Trú
míns tíma 1961), hafi Pasolini
tekist á áhrifamikinn hátt að
koma orðum að hugsunum, sem
halda vöku fyrir mörgu fólki.
— Er valda-
skeið . . .
Framhald af bls. 18
Mjög strangar regiur gilda
um kaup á erlendum gjaldeyri,
og stöðugt ber meira á skorti
ýmiss konar nauðsynja-
varnings, svo sem landbúnaðar-
véla og tækja. Gjaldeyrisbrask
á sér stað i landinu f nokkrum
mæli og telja yfirvöld, að um 50
milljónir sterlingspunda hafi
verið fluttar úr landi með ólög-
legum hætti, eftir að Ródesía
lýsti einhliða yfir sjálfstæði i
nóvember 1965. Eru það
einkum kaupsýslumenn, sem
tekizt hefur að koma fé úr landi
með rangri verðskráningu á
vöru.
Tóbaksræktin sýnir öðru
fremur bágborinn hag Ródesíu-
manna. Árið 1965 stunduðu
3.600 bændur tóbaksrækt, en
þeir eru um þessar mundir
einungis 1.600, og Patric Bash-
ford leiðtogi Miðflokksins, sem
er í stjórnarandstöðu, telur, að-
600 þeirra rambi á barmi gjald-
þrots.
Bændur höfðu búizt við að fá
fyrir hvert tóbakskíló meðal-
talsverð, sem svaraði einum
Ródesiudollar, en það samsvar-
ar um 270 íslenzkum krónum.
Hins vegar reyndist það all-
miklu lægra eða innan við 200
krónur.
Bændur gefa þá skýringu á
þessu óvænta verðfalli, að um-
boðsmaður aðalkaupandans á
þessu ári hafi haldið að sér
höndum en kaupin fara fram á
sérstöku uppboði fyrir luktum
dyrum. Þeir telja að þessi kaup-
andi sé dr. Anton Rupert, auð-
jöfur frá Suður-Afríku, sem er í
hópi mestu efnamanna heims.
Sé þetta rétt, er hér um stór-
pólitískt mál að ræða, sem get-
ur dregið dilk á eftir sér.
Rupert þessi er í hópi „ver-
ligte“ i Suður-Afríku, en svo
eru menntaðir Búar kallaðir.
Vitað er, að hann hefur mjög
náið samneyti við Vorster og er
friðarsinni. Ef sú skoðun
bænda reynist á rökum reist, að
Rupert hafi verið aðalkaupand-
inn og að hann hafi að boði
Vorsters Iækkað tilboð sín, gef-
ur það til kynna, að Vorster sé
reiðubúinn til að ganga miklu
lengra en menn hafa almennt
álitið til að knýja Smith til
samninga við þjóðernissinna í
Ródesíu.
Jafnvel á meðal harðlinu-
manna í flokki Ians Smith gæt-
ir takmarkaðs stuðnings við
baráttu hans. Þar sem vindáttin
hefur breytzt og iskaldur næð-
ingur blæs yfir Zambesifljót og
leikur um þá, flýja hvítir
Ródesíumenn unnvörðum á
náðir bjórsins, því að þeir eiga
ekki í önnur hús að venda.
En þeir eiga litið af staðfestu
brautryðjendanna, sem þeir
minnast árlega. Ef herskáir
þjóðernissinnar byndust sam-
tökum, ef þriðja stjórnmála-
aflið byði hvitum mönnum upp
á eftirlaun og forréttindi og ef
Vorster gæfi skýra og skorin-
orða yfirlýsingu um, að hann
hygðist ekki senda vopnaðar
sveitir þeim til stuðnings,
myndi baráttuþrekið fljótt
þverra og Smith yrði ákaft
hvattur til að ná samningum, er
leitt gætu þjóðina út af þeirri
blindgötu, sem hann stýrði
henni inn á fyrir 10 árum.
SmíðaO úr ÁLI
Sindra-Stál M hefur um áraraðir séð íslenzkum byggingariðnaði fyrir járni og
stáli, jafnframt því sem birgðastöð fyrirtækisins hefur kappkostað að hafa ætíð
á boðstólum nýjungar, sem stuðla að betri byggingarháttum.
í dag býður Sindra-Stál h.f. ál til byggingaframkvæmda á
vegum sjávarútvegs, stofnanana og einstaklinga. í birgðastöð-
inni er jafnan úrval af bygginga-áli: — álplötum, flatáli,
vinkiláli, ferköntuðu áli o.fl. Álklæðningar frá Sindra-Stáli h.f.
hafa nú þegar sýnt sig að vera til hagkvæmni jafnt sem
fegurðarauka. Skoðið álklæðningu á nýtízku byggingum og þér
munuð vera okkur sammála um að „Sindra-ál“ er sérstaklega
athyglisvert.
SINDRA STÁL
SINDRA-STÁLHF Borgartúni 31 símar 19422-21684
Sandvik slípistálið!
Nú getið þér hætt að nota raspinn og sandpappírinn.
Sandvik Slípistálið hefur gert það úrelt! Nú er ekki
lengur nauðsynlegt að vöðla sandpappír utanum
einhverskonar slípiklossa, eða notast við of grófa
raspa. Sandvik Siípistálið fer vel í hendi. Það er
auðvelt að vinna með því, og það er ótrúlega afkasta-
mikið. Reynið sjálf og sjáið árangurinn á viði eða
plasti, — með því að fínslípa sprungufylli, slípa
boröplötu eöa slípa ofan og neðan af hurðum, sem
hafa þrútnað.
Myndirnar t.v. sýna hinar þrjár mismunandi gerðir af
Sandvik Slípistálinu. Slípiflöturinn er úr hertu, ryðfríu
krómstáli.
Slípistálin fást í helstu byggingavöruverzlunum lands-
ins.
Umboð: Vélar & Verkfæri hf.
Nýtt verkfæri
SANDVIK