Morgunblaðið - 24.02.1976, Blaðsíða 17
MORGUNBLAÐIÐ, ÞRIÐJUDAGUR 24. FEBRUAR 1976
25
Árni Guðlaugsson
prentari—Mmning
r
Jónína H. Oskarsdóttir:
Lifi Guðsbörnin
Fæddur 9. september 1904
Dáinn 13. febrúar 1976.
Arni Guðlaugsson prentari
fæddist 9. september 1904 í
Gerðakoti í Ölfusi. Foreldrar hans
voru hjónin Guðlaugur bóndi í
Gerðakoti Hannesson bónda á
Hjalla í Ölfusi og konu hans Guð-
rúnar Guðmundsdóttur frá
Strýtu.
Þann 19. nóvember hóf hann
nám í Félagsprentsmiðjunni
hf. þá aðeins 17 ára gamall og
vann þar óslitið alla tíð síðan að
einu ári undanskyldu
(1927—1928), sem hann var i
Vestmannaeyjum. I fyrstu Iagði
hann aðallega stund á handsetn-
ingu og einkum var honum trúað
fyrir hinum vandasamari störfum
á því sviði sökum hagleiks og
vandvirkni, en hann var lengi vel
eini prentarinn, sem kunni þá list
að setja nótur og var því jafnan til
hans leitað þegar þörf var á slikri
vinnu í prentsmiðjunni, en lengst
af vann hann við vélsetningu og
reyndist alla tíð frábær starfs-
maður á því sviði.
Fyrr á árum var það ekki heigl-
um hent að vinna hin vandasam-
ari prentstörf þegar handrit voru
yfirleitt illa unnin, svo stundum
þurfti jafnvel að lesa í málið og
semja upp og lagfæra til betra
máls, en þessa list kunni Arni
öðrum fremur, enda ágætlega
málhagur og hafði mikið yndi af
góðum bókum.
I tómstundum sínum fékkst
hann einkum við að safna bókum
og binda þær inn af sinni alkunnu
atorku og smekkvisi.
Arni var allra manna stundvís-
astur og var alla tíð kominn til
vinnu sinnar á réttum tima og var
þar til mikillar fyrirmyndar
mörgum hinumyngri mönnum.
Svo sem vænta mátti var hann
hið mesta prúðmenni í hvívetna,
ekki gefinn fyrir að trana sér
fram eða láta mikið á sér bera, en
manna glaðastur i góðra vina
fagnaði ef svo bar undir.
Hann gerðist félagi i Hinu ís-
lenzka prentarafélagi 20. maí
1926, og annaðist mörg trúnaðar-
störf fyrir félagið um árabil, var i
ritstjórn Prentarans 1943—44,
ritari byggingarsamvinnufélags
prentara 1944—50 og ritari Hins
íslenzka prentarafélags 1945—50.
Samstarfsmenn Arna i Félags-
prentsmiðjunni sakna nú vinar í
stað og finna að nú er skarð fyrir
skildi, en hann varð fyrir slysi
fyrir rúmu ári, sem lagði hann í
rúmið, en nú að velli.
Við flytjum konu hans, Krist-
inu Sigurðardóttur, og börnum
þeirra samúðarkveðjur frá öllum
starfsmönnum Félagsprentsmiðj-
unnar hf., um leið og við minn-
umst hins prúða og góða dreng-
skaparmanns Árna Guðlaugsson-
ar prentara.
Konráð R. Biarnason.
FEF stofnað
í Siglufirði
— og undirbúningur
að félagsstofnun
í Vestmannaeyjum
FYRIR nokkru var haldinn stofn-
fundur Félags einstæðra foreidra
í Borgarkaffi í Siglufirði og voru
stofnfélagar ellefu, en alls eru 26
einstæðir foreldrar á staðnum. Er
fyrirhugaður fundur á næstu
dögum og mun þá ætlunin að
kynna nánar áform félagsins og
skrá inn fleiri félaga. Formaður
var kjörinn Jóhanna Pálsdóttir,
Kolbrún Eggertsdóttir varaform,
Brynhildur Bjarkadóttir gjald-
keri og Klara Sigurjónsdóttir
ritari. Lög félagsins eru sniðin
eftir lögum Félags einstæðra for-
eldra sem starfar á Reykjavikur-
svæbinu og samvinna milli félag-
anna verður eins og við önnur
félög sem hafa verið stofnuð úti á
landi. Nú eru þrjú félög ein-
stæðra foreldra starfandi utan
Reykjavíkur þ.e. á ísafirði, Suður-
nesjum, og á Siglufirði og verið er
að undirbúa stofnun FEF í Vest-
mannaeyjum.
F-vísitala
507 stig
KAUPLAGSNEFND hefur reikn-
að út vísitölu framfærslukostnað-
ar i febrúarbyrjun og reyndist
hún vera 507 stig — eins og raun-
ar hefur áður komið fram í Mbl.
Hækkaði vísitalan frá nóvember-
byrjun um 15,7 stig eða um 3,2%.
— Mótmæla
Framhald af bls. 27
un sem felst í aðgerðum fjárveit-
ingavaldsins og orkuyfirvalda
gagnvart lanashlutum. Þar sem
eru annars vegar gífurlegar fjár-
veitingar til Kröfluvirkjunar og
byggðarlínu á Norðurlandi ásamt
vilyrðum um virkjun Blöndu í
forgangsröð samhliða fjárveiting-
um til hitaveiturannsókna í sama
landshluta, en hins vegar algjör
neitun á lífsnauðsynlegum fram-
kvæmdum vegna aðflutningskerf-
is og fjármagni vegna undirbún-
ingsvirkjunarframkvæmda á
Austurlandi, þeim landshluta sem
býr við mestan skort á innlendri
orku. Stjórn SSA vill treysta því
að þér, herra ráðherra, sem áður
hafið sýnt skilning á orkumálum
Austfirðinga finnið leið til að
bægja þeirri vá frá dyrum þeirra,
sem felst í framangreindum að-
gerðum fjárveitingavaldsins.
Virðingarfyllst f.h. stjórnar
SSA. Bergur Sigurbjörnsson.
Matt. 5:11 Sælir eruð þér, þá er
menn atvrða vður og ofsækja og
tala Ijúgandi allt ilt um vður mfn
vegna.
2. Tím. 3:12 Já,aIIir, sem lifa vilja
guðrækilega í samfélagi við Krist
Jesú. munu ofsóttir verða.
Þann 27.1.76 birtist í Morgun-
blaðinu grein eftir Sigurð
Kristjánsson. Þar þóttist hann,
með rógburði, vera að kynna fyrir
landsmönnum starf Guðs-
barnanna. Náungi þessi hefur
greinilega hvorkilesið nokkuð frá
Guðsbörnunum né kynnt sér starf
þeirra í reynd. Þó slík grein sé
ekki svara verð mun ég vegna
náinna kynna af Guðsbörnunum
hrekja saurburð áðurnefndrar
greinar svo að misskilnings gæti
ekki meðal fólks sem ekki hefur
haft tækifæri til að kynnast stór-
kostlegu starfi Guðsbarnanna.
Sigurður byrjar greinina með
,,kynningu“ á leiðtoga Guðs-
barnanna. Segir hreyfinguna
vera hans tekjulind. Móses Davíð
er leiðtogi Guðsbarnanna. Með
ötulum bréfaskriftum leiðbeinir
hann og hvetur Guðsbörn um
allan heim til heilbrigðs og kær-
leiksríks lífs í Guði. Auk þess að
skrifa bréfin dreifir hann þeim
daglega jafnt og aðrir meðlimir
Guðsbarnanna.
Sig. heldur áfram: „Hópurinn
stundar ekki vinnu", en á öðrum
stað í sömu grein segir hann að
eigi sér stað „þrælkun á þeim,
sem ganga hreyfingunni á hönd“.
Hvað er Sig. að fara þarna?
Hvorugt er rétt hjá honum. Gus-
börnin vinna af óþrjótandi trúar-
þreki og áhuga starf sitt frá
morgni til kvölds. Þau eru trúboð-
ar. Stefna þeirra er: að færa ást,
heiðarleika og eilifan frið, heimi
sem virðist stefna einmitt í öfuga
átt. 1 þeim tilgangi dreifa þau
bréfum sínum til fólksins, en í
þeim er skrifað um ýmis alheims-
vandamál og flest sem varðar
okkar daglega líf. Bréfunum er
ætlað að skapa betri skilning í
heiminum og brjóta niður félags-
leg fjárhagslega, pólitíska og
trúarlega múra og kynþáttamis-
rétti til að sameina allt mannkyn
sem sönn Guðs börn.
Sig. vænir Guðsbörnin um að
betla peninga út á bréfin sín.
Þetta eru líka ósannindi. Mikið
magn bréfanna gefa Guðsbörnin
til fólksins, en þeir sem aðstæður
hafa styrkja Guðsbörnin til
áframhaldandi trúboðs. Vitið þið,
að Guðsbörnin eru að tala við
okkur og dreifa bréfum sínum á
strætunum til þess að hjálpa
okkur að finna þá hamingju sem
þau hafa fundið í trúnni á kær-
leikann. Boðskapur Guðs-
barnanna er Biblian, sem þau
reyna að lifa og starfa eftir í einu
og öllu.
Sig. skrifar: I Tónabæ stóð
Guðsbarnahópurinn fyrir dans-
leikjum og þangað komu margir
unglingar. Foreldra unglinganna
grunaði síst að þar færi neitt vafa-
samt fram“. Var Sig. hneykslaður
á að „forsvarsmenn æskulýðs-
mála“ skildu lána Guósbörnunum
staðinn.
Það VAFASAMA sem Sigurður
meinar þarna er það að ungling-
unum, sem þarna komu var sagt
frá boðskap Jesú Krists, þau
sungu dönsuðu og skemmtu sér á
heilbrigðan hátt. Sig. telur það
víst ekki vafasama skemmtun fyr-
ir unglinga, sem fram fer á efri
hæð Tónabæjar, að tilhlutan
Æskulýðsráðs. Eins og komið
hefur fram í blöðum, virðast
unglingarnir ekki geta skemmt
sér þar, án ofnotkunar áfengis.
En það er víst talið eðlilegt. Sig.
segir að Guðsbörnunum sé bann-
að að hafa samband við fjölskyld-
ur sínar. Þetta er rangt. Þau eru
hvött, ef ekki slylduð til að hfa
samband við foreldra sína.
Siðan leyfir Sig. sér að stað-
hæfa að íslendingar kæri sig ekki
um boðskap Guðsbarnanna, sem
er kristin trú og kærleikur.
Sig. segir það ekki vera annað
en „fullyrðing út i bláinn",
komna frá Guðsbörnunum sjálf-
um, að þau hafi hjálpað mörgum
eiturlyfjaneytandanum. Veit Sig.
ekki, að það er einmitt trúin, sam-
hjálp manna og kærleikur sem er
það eina sem getur hjálpað í neyð.
Loks birtir Sig. rógburð sem á
að vera ættaður frá þeirri .Tyrir-
myndar" borg New York, fenginn
úr kristilegu blaði, sem hefur það
eftir enn kristilegra blaði o.s.frv.
(Stendur ekki einhversstaðar?.
Dæmið ekki eftir ásýndum,
heldur dæmið réttlátan dóm). Þar
sakar Sig. Guðsbörnin um að
„misnota unga þátttakendur sína
á kynferðissviðinu", nauðgangir
ofl.
Sig., það er sorglegt að
fullorðinn maður skuli hafa svo
lélega dómgreind að mega ekki
vita af manneskjum, (báðum
kynjum) starfa og hafa heimili
saman, án þess að detta í hug
hópkynlíf og saurlifnaður.
í bréfum Guðsbarnanna t.d.
„Valið“ getum við öll fræðst um
afstöðu Guðsbarnanna til maka-
vals og ástar milli karls og konu.
Þar útskýrir Moses Davið fyrir
þeim þá miklu ábyrgð og kær-
leika sem fylgir þessum málum.
Mættu margir taka heilbirgða
lifnaðarhætti Guðsbarnanna sér
til fyrirmyndar og Guðsbörnin
eru þau sömu hvar sem er i
heiminum. Verum stolt yfir þessu
unga fólki sem hefur rifið sig upp
úr ládeyðu trúmálanna. Lifi
hreint og falslaust trúarlíf.
Styrkjum Guðsbörnin í starfi, því
að „kærleikurinn fellur aldrei úr
gildi “.
Rvíkjavik 15. 2. ’76
Jónina H. Óskarsdóttir
Ritgerðasamkeppni
um sjómannsstarfið
Sjómannadagsráð og ritnefnd
Sjómannadagsblaðsins, sem kem-
ur út einu sinni á ári, hafa ákveð-
ið að efna til ritgerðasamkeppni
um sjómannsstarfið og um Sjó-
minjasafnið fyrirhugaða.
Mun ráðið veita kr. 100.000.00 i
verðlaun fyrir beztu ritgerð er
berst, enda sé hún fullnægjandi
að mati dómnefndarinnar.
Þrir menn hafa verið tilnefndir
í dómnefnd sem fjallar um rit-
gerðirnar, en í henni eiga sæti
Gils Guðmundsson, alþingis-
maður, Guðmundur H. Oddsson,
skipstjóri, og Ólafur Valur
Sigurðsson, stýrimaður,
Sjómannadagsblaðið væntir
þess að almenningur, rithöfundar
og þá ekki sist sjómenn bregðist
vel við og stingi niður penna og
segir skoðanir sínar á þessum
málum. Þá vilja aðilar sérstaklega
hvetja æsku landsins til þátttöku
I ritgerðasamkeppni þessari.
Nánari tilhögun er að finna í
auglýsingum og ennfremur verða
gefnar upplýsingar i skrifstofu
sjómannadagsráðs að Hrafnistu.
t
Móðir okkar, tengdamóðir og amma
AÐALHEIÐUR INGIBJÖRG VALDEMARSDÓTTIR,
andaðist að heimili sínu sunnudaginn 1 5. febrúar.
Jarðarförin hefur farið fram.
Reynir Björgvinsson,
Gréta Björgvinsdóttir, Rúnar Arason,
Una Þorsteinsdóttir, og barnabörn.
t
Sonur minn
ÓLAFUR JÓHANN GÍSLASON,
andaðist að heimiii sínu Toronto Kanada, iaugardaginn 21. febrúar.
Fyrir hönd eiginkonu hins látna, sona hans og systkina
Guðrlður Guðmundsdóttir,
Vlfilsgötu 3.
t
Jarðarför föður okkar,
JÓNASAR ÞORLEIFS JÓNSSONAR,
Bogahllð 26,
fer fram frá Fossvogskirkju, miðvikudaginn 25 febrúar kl 1 0 30.
Bára Rósa Jónasdóttir,
Heimir Jónasson,
Jónas Þór Jónasson.
t
Móðir mín, téngdamóðir og amma
LAUFEY TEITSDÓTTIR
frá Neðra Vlfilsdal
verður jarðsungin frá Fossvogskirkju fimmtudaginn 26 febrúar kl 3
Halldór Ólafsson, Erla Bjórgvinsdóttir,
Hildur Halldórsdóttir, Ólafur Brynjar Halldórsson.
t
Ég þakka auðsýnda samúð við andlát og jarðarför bróður mlns,
MARINÓS GUÐMUNDSSONAR,
málara,
Langholtsvegi 34.
Kristinn Guðmundsson.