Morgunblaðið - 24.03.1976, Síða 30

30
MORGUNBLAÐIÐ, MIÐVIKUDAGUR 24. MARZ 1976
Hafa æft af krafti í allan vetnr
og ætla til Vngverjalands í maí
UNGLINGALANDSLIÐIN i knattspyrnu hafa
undanfarin ár náð mjög góðum árangri og nú á
næstunni mun unglingalandsliðið leika sinn
fyrsta landsleik á keppnistimabílinu. Verður leik-
ið við Luxemburg hér á Melavellinum þann 14.
april og með sigri í þeim leik tryggir íslenzka liðið
sér þátttöku í úrslitum Evrópukeppni unglinga í
knattspyrnu. Fer úrslitakeppnin fram í Ungverja-
landi um mánaðamótin mai — júni og það er
ótrúlegt annað en að íslenzki landsliðsbúningur-
inn sjáist í keppninni þar.
Frá því um áramót hafa 16 piltar æft ötullega
undir stjórn Theódórs Guðmundssonar og Lárus-
ar Loftssonar og þá ekki látið á sig fá þó ekki hafi
alltaf viðrað sem bezt. Þessir 16 piltar eru eftir-
taldir:
Jón Þorbjörnsson Þrótti, Halldór Pálsson KR,
Guðmundur Kjartansson Val, Börkur Ingvarsson
KR, Róbert Agnarsson Vikingi, Stefán Stefánsson
Þrótti, Ágúst Karlsson Fylki, Þorvaldur Þorvalds-
son Þrótti, Valdimar Valdimarsson Breiðabliki,
Þorgils Arason Vikingi, Pétur Ormslev Fram,
Hörður Antonsson Fylki, Sigurður Björgvinsson
IBK, Albert Guðmundsson Val og Haraldur Har-
aldsson Víkingi.
I fyrrahaust lék Island fyrri leikinn við Luxem-
burg í þessari keppni og sigraði landinn með einu
marki gegn engu þó svo að leikið væri að heima-
velli Luxemburgaranna. Það var Albert Guð-
mundsson sem markið skoraði. Liðið sem teflt
verður fram i seinni leiknum er nær eins skipað
og i haust. Sigurður Björgvinsson, sem í fyrra-
sumar var fyrirliði strákalandsliðsins, sem þátt
tók í NM í Finnlandi, kemur nú i unglingalands-
liðið.
A sunnudagsmorguninn lék unglingalandsliðið
við Viking á Melavellinum og voru þá allir leik-
menn liðsins mættir, nema Róbert Agnarsson,
sem er fyrirliði liðsins. Hann komst ekki vegna
meiðsla en verður að öllum likindum búinn að
jafna sig fyrir leikinn við Luxemburg.
I viðtali við Theódór Guðmundsson á sunnudag-
inn sagði hann að áhugi strákanna og dugnaður
væri sérlega mikill og það væri einstaklega gam-
an að vinna með þeim. — Þessir strákar hafa
flestir mikla reynslu með sínum félögum og hafa
einnig leikið marga leiki saman í unglingalands-
liðinu. Þeir þekkja hver annan mjög vel orðið og
ég hef ekki trú á því að þeir fari að tapa fyrir
Luxemburg hér á Melavellinum 14. apríl, þó
vitanlega geti allt gerzt í knattspyrnunni. Ef þeir
berjast eins og þeir bezt geta i þeim ieik þá
komast þeir til Ungverjalands og ég hef trú á að
þeir ættu að geta staðið sig vel í keppninni þar,
sagði Theódór.
■áij
Unglingalandsliðið í knattspyrnu, myndin er tekin við búningsherbergin á gamla
Melavellinum á sunnudaginn, en þar keppa þessir piltar gegn Luxemburg 14.
apríl næstkomandi. (ljósm. Friðþjófur).
Tony Knapp og nnglíngalaraísliilið
Landsliðsþjálfarinn Tony
Knapp er væntanlegur hingað
til lands eftir um hálfan mánuð.
Verkefni hans hjá KSI í sum-
ar verða meíri en undanfarin
ár, þannin mun hann auk a-
landsliðsins vera með í ráðum
við undírbúning unglingalið-
anna, vera félögunum innan
handar og jafnvel halda
námskeið á vegum KSI. Fyrir
nokkru bírtist í brezka blaðinu
Norwich Mercury viötal við
Tony Knapp, þar sem hann
meðal annars gefur í skyn að
hann persónulega hafi staðið að
baki unglingalandsliðsins.
I viðtalinu í „Norwich
Mercury", sem er frá 5. marz er
fjallað um þorskastríðið og þar
kemur glögglega fram að
Knapp stendur með Islending-
um i því máli. I framhaldi af
umræðum um sljórnmálaslit og
þorskastríð segir í blaðinu eitt-
hvað á þessa leið.
„Islenzkir knattspyrnumenn
þarfnast Tonys mjög þessa
stundina.“
Arið í ár telur hann hámark
starfs síns þar, ho<msmeistara-
keppnin og margir þýðingar-
miklir unglingaleikir. t apríl á
landslið 18 áraogyngri að leika
gegn Luxemburg og ef ísland
sigrar heldur líðið áfram í
úrslit Evrópukeppninnar í
Ungverjalandi í maí.
—Þessir drengir líða fyrir
það geti ég ekki verið með
þeim, segir Tony. —Ef Knatt-
spyrnusambandið þarf að fá
nýjan mann hefur hann stuttan
tíma til að kynnast piltunum og
undirbúa þá fyrir leikinn."
Þannig segir i Norwich Merc-
ury.
Þvi má bæta við hér að þegar
Tony Knapp kemur hingað til
lands mun hann fara i ung-
lingalandsliðsnefndina með
þéim Theódóri og Lárusi. Mun
hann sjá um þjálfun landsliðs-
ins eftir því sem hann hefur
tima, en Lárus og Theódór
munu áfram verða ábyrgir fyr-
ir liðinu, eftir því sem þeir
upplýstu siðastliðinn sunnu-
dag. — áij
Fjórir Norðfirðingar til œf-
inga hjá Motherwell og Rangers
FJÓRIR ungir og efnilegir knattspyrnumenn frá
Neskaupstað héldu á sunnudaginn til Skotlands,
þar sem þeir munu æfa með tveimur af sterkustu
liðum Skota næstu vikurnar. Upphaflega ætluðu
Norðfjarðar-Þróttararnir að fara sex í þessa ferð,
en er á reyndi gátu tveir þeirra félaganna ekki
farið. Hjá Glasgow Rangers munu Björn Jóhanns-
son og Einar Sigurjónsson æfa, en þeir Ágúst
Þorbergsson og Björgúlfur Halldórsson hjá
Motherwell.
Ekki gekk þeim félögum átakalaust að komast
til Keflavíkur, en þaðan flugu þeir í bftið á
sunnudaginn. Þurftu þeir að ferðast með flugvél,
sem lenti I hinu versta veðri, jeppa, sem lenti f
mikilli ófærð og er þeir loksins komu til Reykja-
vikur á sunnudaginn var aðeins rúmur hálftfmi
þar til flugvélin átti að fara frá Keflavík. Þangað
komust þeir þó að lokum, f flugvélina, sem sföan
flutti þá til Skotlands.
-áij
Ellert B. Schram alþingismaður, formaður KSÍ, og Gvlfi Þórð-
arson, stjórnarmaður i KSl og formaður loðnulöndunarnefndar,
við miðasöluna á hlutaveltunni á sunnudaginn.
(Ljósm. Friðþjófur).
Happdrœtti,
hlutaveltur,
bingó og....
ÞAÐ ER kunnara en frá
þurfi að segja á þessum
vettvangi að hið almenna
íþróttastarf berst í bökk-
um. Forystumenn hinna
ýmsu sambanda og
íþróttafélaga mega hafa
sig alla við til að endar
nái saman. Dugar starf
þeirra þó ekki alltaf til og
skuldahalinn er víða
lengri en ársvelta vió-
komandi (t.d. Sundsam-
bandsins).
Bingó, happdrætti og hluta-
veltur eru vinsælar fjáröflunar-
aðferðir og gefast þær misjafn-
lega vel, en eitthvað verður að
gera. Síðastliðinn sunnudag var
Knattspyrnusamband íslands á
ferðinni og hélt þá hlutaveltu í
Iðnaðarmannahúsinu. Var
margt um manninn og þeir
margir sem freistuðu gæfunn-
ar. Hlutaveltan gaf KSÍ því
talsvert í aðra hönd og léttir
nokkuð á áhyggjum KSÍ-
manna, sem í sumar þurfa að
leggja í mörg fjárfrek fyrir-
tæki.
Það segir sig sjálft að það er
hrein fásinna að forystumenn
hins frjálsa æskulýðs- og
íþróttastarfs í landinu skuli
þurfa að eyða mestu af þeim
tíma sem þeir fórna fyrir þetta
áhugamál sitt i snikjur og betl,
en minnstur tíminn fer í starfið
sjálft. Þannig má t.d. ímynda
sér að síðastliðinn hálfan mán-
uð hafi Ellert Schram alþingis-
maður og starfsbræður hans í
stjórn KSÍ eytt miklu af fritíma
sinum í að fá gefins hluti á
hlutaveltuna á sunnudaginn
var. Siðan að merkja alla grip-
ina, koma þeim fyrir í Iðnaðar-
mannahúsinu, sfðan að selja og
afgreiða og loks að gera ævin-
týrið upp.
-áij
Jens Sumarliðason stfgur yfir borð og bækur og teygir sig eftir
málverki, sem einhver heppinn kúnninn hefur fengið.