Morgunblaðið - 30.06.1976, Blaðsíða 13
MORGUNBLAÐIÐ, MIÐVIKUDAGUR 30. JUNI 1976 13
„Eimskipafélag íslands
er góð landkynning”
Rætt við umboðsmenn Eimskips erlendis
EIMSKIPAFÉLAG íslands hélt nýlega fund erlendra
umboösmanna sinna á Laugarvatni. Þar þinguðu 29
menn frá 13 borgum í 9 löndum, sem siglt er til. Sagði
Sigurlaugur Þorkelsson blaðafulltrúi Eimskipafélags-
ins, sem undirbjó ráðstefnuna, að hún væri sú fyrsta
sinnar tegundar hér á landi. Félagið hefði reglulega
samband við umboðsmenn sína en nú væru þeir í
fyrsta sinn allir samankomnir á einum stað, bæði
menn frá Evrópu og Bandaríkjunum. Þá sátu einnig
fundinn 16 starfsmenn félagsins í Reykjavík.
Morgunblaðið spurði Öttarr Möller forstjóra Eim-
skipafélagsins hver væri tilgangur ráðstefnunnar:
Tilgangurinn er í stuttu máli
sá að bæta þjónustu við við-
skiptamenn félagsins, hraða af-
greiðslu skipanna, draga úr
kostnaði, tryggja góða vöru-
meðferð, auka reglubundnar
siglingar, auka einingalestun
og yfirleitt að bæta hvað eina,
sem betur má fara, og ekki
hvað sizt að læra af reynslu
þessara umboðsmanna, sem eru
einnig umboðsmenn fyrir mörg
erlend skipafélög og jafnframt
að kynna þeim Eimskipafélagið
og íslenzkar aðstæður.
S. Petersen, danski fulltrúi
Eimskipafélagsins.
Með tilkomu vöruhúsa við
Sundahöfn og malbikaðs úti-
svæðis þar hafa skapazt mögu-
leikar sem ekki voru fyrir
hendi áður. Vonazt er til að slík
aðstaða fáist á Akureyri á
næsta ári.
Hver er aðalkosturinn við
flutninga f gámum?
— Gámar eru sérstaklega
hentugir fyrir smærri send-
ingar og vörur sem eru í pappa-
umbúðum. Vegna hins mikla
fjölbreytileika á vörUm sem
fluttar eru nú til landsins, er
oft hentugra að nota vörupalla
og vírbindingar og stroffur.
Hafið þið oft haldið umboðs-
mannafundi?
— Að sjálfsögðu höfum við
oft rætt við einstaka umboðs-
menn. Þettaerfyrsti fundurinn
þar sem saman koma allir
helztu umboðsmenn félagsins
og forstjórar lestunarfyrir-
tækja. Árið 1974 var haldinn
fundur i Þýzkalandi með
umboðsmönnum í meginlands-
höfnum og Bretlandi, og sama
ár i Danmörku með umboðs-
mönnum frá Norðurlöndum.
Allir þessir fundir hafa gefið
mjög góða raun.
E. Heirung er framkvæmda-
stjóri DFDS, Sameinaða gufu-
skipafélagsins i Kaupmanna-
höfn, sem annast afgreiðslu
Eimskips þar:
I Danmörku vita langflestir
hver það er sem flytur vörur til
íslands, og t.d. sá sem þarf að
flytja' eitthvað þangað myndi
athuga auglýsingar i blöðunum,
en við auglýsum þar tvisvar til
þrisvar í viku og þannig komast
menn i samband við okkur og
við látum flytja vöruna með
Eimskipafélagi Islands.
Frá Hollandi kom C.
Meyerink, en hann hefur aðset-
ur i Rotterdam og er jafnframt
ræðismaður Islands. Hann
sagði að þeirra hlutverk væri
að viðhaída viðskiptum við
Eimskipafélagið og leita eftir
nýjum flutningi. Menn frá
þeim heimsæktu oft þá sem
þyrftu að flytja vörur sínar
hingað og haft væri samband
við útflutningsfyrirtæki. Ekki
kvað hann að öðru leyti vera
um reglulegar auglýsingar að
ræða, viðskiptasamböndin
byggðust aðallega á persónuleg-
um samskiptum. Meyerink
vildi gjarnan bæta því við að
ekki hefði beint tekizt vel til
með flutning flugleiðis á far-
arngri sínum hingað, því hann
hefði orðið viðskila við hann á
leiðinni. En um leið og hann
mælti þessi orð bárust fregnir
af því að farangurinn væri
kominn fram.
O. Dreyer-Eimbcke er um-
boðsmaður Eimskipafélags-
ins í Hamborg i Þýzkalandi.
Hann sagðist vera hreykinn af
því að vera umboðsmaður Eim-
Framhald á bls. 25
Þátttakendur ráðstefnunnar á Laugarvatni.
HF. EIMSKIPAFÉLAG ÍSLANDS - þjóðarfyrirtaéki - um 12.400 hluthafar
ÉtS/ NL
■i - m