Morgunblaðið - 30.06.1976, Blaðsíða 15
MORGUNBLAÐIÐ, MIÐVIKUDAGUR 30. JUNl 1976
15
Fjölskykian I Ásbyrgi I stofunni sftir siðari endurbyggingarlotuna.
Óli og Stella meS GuSlaug litla og Laufeyju.
Stella og Laufey I eldhusinu.
Ásbyrgi endurbyggt 1975 og fullgert að innan.
í Ásbyrgi bjuggu fyrir gos
þau Stella Guðlaugsdóttir og
Ólafur Jónsson, en þau
höfðu þá nýverið tekið allt
húsið í gegn og voru búin að
koma sér vel fyrir. En svo fór
sem fór.
Þau voru þó ekki á því að
gefast upp og strax haustið
1973 var farið að huga að
enduruppbyggingu.
..Við fengum húsið þó ekki
keypt af Viðlagasjóði," sagði
Óli, „fyrr en haustið 1 974 og
þá í rauninni aðeins lóðina á
50 þús. kr. Við höfðum þó
farið um jólin 1973 og
hreinsað út úr húsinu, en
neðri hæðin og hálf sú efri
voru fullar af ösku.
Eftir að hafa keypt aftur
það sem eftir stóð af húsinu
hóf ég að fjarlægja það sem
ónýtt var og byggingarleyfi
fengum við í þriðju lotu 12.
des. 1974. Við byrjuðum að
byggja 28. janúar 1975 og
vorum flutt inn seinni hluta
ársins.
Húsið var endurbyggt
samkvæmt upphaflegum
teikningum, en það er 88 fm
að grunnfleti, þrjár hæðir."
„Hvað bjugguð þið lengi í
húsinu fyrir gos?"
„Við vorum búin að búa í
þvi i 4 mánuði og höfðum þá
endurbyggt allt. Þegar við
keyptum það tókum við allt
innan úr þvi svo það var
aðeins steinninn eftir og við
höfðum algjörlega lokið við
endurbygginguna þegar gos-
ið skall á, en það má því með
sanni segja að við höfum
endurbyggt þetta sama hús
tvisvar á tveimur árum."
„Hvernig kom kostnaðar-
hliðin út?"
„Þetta hefur verið mjög
erfitt fjárhagslega. Við feng-
um 4,2 millj. kr. í bætur fyrir
húsið, en nú erum við komin
með 9,6 millj. kr. í það og af
því að við vildum láta húsið
halda sínum gamla reisnar-
lega svip hefur það orðið
dýrara en ella var ef til vill
mögulegt."
„Hvað var erfiðast í sam-
bandi við uppbygginguna?"
„Fjármálin hafa verið erfið,
en þegár maður ætlar sér
eitthvað þá vegur það á móti
og við vorum strax ákveðin í
að endurbyggja húsið. Strax
haustið 1973 keyptum við
hreinlætistæki og allt slíkt,
en líklega hefur verið erfiðast
að eiga við kerfið, því húsið
er út úr skípulagi þótt það sé
elzt húsanna í hverfinu."
Þannig hefur þetta unga
áræðna fólk siglt í gegnum
vandann og um leið bjargað
verðmætum, því sérstæð hús
eins og Ásbyrgi eru ekkert
annað en minjar sem eiga að
vera verndaðar. Til skamms
tíma hefur sú tízka verið ráð-
andi á íslandi að það sé sjálf-
sagðast að henda gömlum
húsum, en sem betur fer er
þessi ósiður að fjara út þótt
hitt sé eins sjálfsagt að
ákveðin endurnýjun þar'
ávallt að eiga sér stað. Göm-
ul glæsileg hús standa þó
ávallt fyrir sínu og þegar búið
verður að mála Ásbyrgi að
utan í sumar og taka það eins
vel í gegn þar eins og gert
hefur verið innan dyra mun
þetta 65 ára gamla hús bera
sinn svip með reisn.
Asbyrgi brunniS og héHfullt af ösku um miSjan wetur 1973.
Rústimar og askan allt um kring, en undir öskunni á myndinni er annaS
hús sem grafiS var upp sfSar.
■
Tvær Ár-
_______________#
bækur F.I.
komnar í
ljósprentun
FERÐAFÉLAG íslands hefur á
undanförnum árum kappkostaö
að láta ljósprenta árbækur sfnar
jafnóðum og upplag þeirra geng-
ur ti! þurrðar, og eru nú komnar
út tvær Ijósprentanir, þ.e. árbæk-
urnar frá 1931 og 1963. Sú fyrr-
nefnda fjallar um Fljótshlíð og
Eyjaf jallajökul og sú sfðarnefnda
lýsir Bárðargötu. Með útgáfu
þessara tveggja árbóka, eru fáan-
Iegar allar árbækur félagsins frá
upphafi, nema árbók 1964 um A-
Húnavatnssýslu, sem seldist upp
á fáum dögum og verður ljós-
prentuð innan tíðar.
Bókin frá 1931, sem var á sínum
tima sú fjórða í röðinni, segir frá
Fljótshlíðinni og Þórsmörk. Skúli
Skúlason skrifar um Eyjafjöllin
og Jón Eyþórsson um gönguferð
yfir Eyjafjallajökul. 1 bókinni eru
margar myndir.
Árbókin frá 1963 er eftir dr.
Harald Matthíasson og segir frá
ferðaleið þvert yfir landið eftir
svokallaðri Bárðargötu, sem
kennd er við Gnúpa-Bárð, er flutt-
ist búferlum milli landsfjórðunga
fyrir 1100 árum og lagði leið sina
um Vonarskarð. Er leiðin þrædd
frá Gnúpum og norður að Lundar-
brekku. 49 myndir eru i texta i
bókinni og að auki fjórar litmynd-
ir og fjórir uppdrættir.
1 Ferðafélagi Islands eru nú
alls um 7100 félagsmenn, sem eru
búsettir um allt land og fá þeir
árbækurnar, auk þess sem þær
eru seldar í lausasölu.
Frumsýnd í Danmörku:
Kvikmynd um
Sören Hjorth Nielsen
Danski kvikmyndagerðar-
maðurinn Hans-Hendrik Jörgen-
sen og Tryggvi Ólafsson listmál-
ari hafa gert kvikmynd um svart-
listarmeistarann og málarann
Röen Hjorth Nielsen og verður
hún frumsýnd 1 Danmörku innan
tiðar. Kvikmyndin er I litum og
um 20 minútna löng. Það er
„Minerva Film“, sem stendur að
gerð m.vndarinnar en „Statens
Filmcetral" mun dreifa henni.
Hjorth Nielsen er þekktasti
svartlistarmaður Dana og verður
75 ára á þessu sumri. Hann hefur
teiknað og málað frá unga aldri
en gegndi einnig prófessors-
embætti við dönsku listaakademi-
una í áratugi, var m.a. kennari
fjöldamargra íslenzkra mynd-
listarmanna og má af þeim nefna
t.d. Alfreð Flóka, Elías B. Hall-
dórsson, Eyjólf Einarsson,
Tryggva Ólafsson og Þorbjörgu
Höskuldsdóttur.
Á afmæli Hjorths Nielsen mun
listasafnið í Silkiborg opna sýn-
ingu á hátt í þúsund verka hans,
einnig er væntanleg á vegum
safnsins ný bók um listamanninn
eftir listfræðinginn Troels Ander-
sen. Verður sú bók hin sjötta sem
út kemur um þennan merka lista-
mann og kennara.
Með myndinni um Hjorth
Nielsen hefur Hans-Hendrik gert
kvikmyndir um fjóra myndlistar-
menn, sem hann hefur sérstakar
mætur á, en þrjár fjalla um þá
Preben Hornung, Ole Schwalbe
og Robert Jacobsen, og var sú
síðastnefnda sýnd hér i Norræna
húsinu á sinum tíma með tónlist
eftir Leif Þörarinsson.
Þess má að lokum geta að mvnd
þeirra Hans-Hendriks og Tryggva
Olafssonar hefur hlotið óvenju
mikið lof í dönskum fjölmidlum.
en hún var sýnd fréttamönnum og
gagnrýnendum s.l. vor.