Morgunblaðið - 13.03.1977, Blaðsíða 13
MORGUNBLAÐIÐ, SUNNUDAGUR 13. MARS 1977
13
Afmæli:
Kristinn Vilhjálmsson
framkvæmdastjóri
„Sá fagri framtfðardraumur
er falinn f verkum hans
að óbornir njóti orku
hins ókunna verkamanns.“
(Höfðingi smiðjunnar eftir Davfð Stefðns-
son frá Fagraskógi).
Það vorkvöld man ég eins og
verið hefði i gær er Kristinn Vil-
hjálmsson sveiflar sér út úr
Jaðarsbílnum i Stórholtinu hjá
honum Indriða, vatt sér upp
tröppurnar og heilsaði okkur
hjónum og dóttur okkar ungri. Þó
eru meira en tuttugu ár siðan. —
Áður höfðum við ekki séð Kristin.
Hins vegar hafði ég haft nokkrar
spurnir af manninum, vissi að
hann var einn af frumkvöðlum
landnáms templara að Jaðri og
ódeigur liðsmaður þeirrar bar-
áttusveitar sem þá þegar gerði sér
ljóst að þjóðin átti ekki annan
fjanda skæðari en áfengið. Frá
því kvöldi höfum við Krsitinn ver-
ið vinir. Tvö sumur áttum við náið
samstarf að Jaðri. Mér geðjaðist
vel að hispurleysi hans og hrein-
skilni sem að visu gat orðið nokk-
uð óvægin stundum. Og vel vann
hann. Að loknum fullum starfs-
degi hjá Reykjavíkurborg tóku
við annasöm hugsjónastörf. Fá
voru þau kvöld sem Jaðarsbillinn
rann ekki í hlað, fáar helgarnar
sem ekki voru nýttar í þágu Jað-
ars.
Mér er til efs að hugsjónir
ungra manna hafi í annan tima
birst áþreifanlegar i verkunum
en þegar hafist var handa við
landnámið að Jaðri. Þar komu
margir öndvegismenn við sögu og
eru þeir sumir enn að störfum,
baráttuglaðir sem fyrr, svo sem
Kristinn Vilhjálmsson. Þau eru
orðin mörg þrekvirkin sem þessi
sveit hefur unnið. Mér er til að
mynda tjáð að vart muni aðrir
eiga drýgri þátt i þvi að Templ-
arahöll Reykjavíkur varð annað
og meira en skýjaborg en þeir
félagarnir, Kristinn og Sveinn
heitinn Helgason stórkaupmaður.
Tvo lærimeistara hefur Krist-
inn eignast um ævina. Eru það
þeir Jón prentari Árnason og
Helgi Sveinsson bankastjóri. Tel-
ur hann sig hafa numið margt við
fótskör þeirra og vitnar gjarnan
til þeirra i samræðum og umræð-
um. Skoðanir hans eru mótaðar af
afdráttarlausri trúmennsku við
hugsjónir Góðtemplarareglunnar
en þær eru rótfestar í þeim sann-
indum að fyrir lítið komi góður
vilji ef vit og siðferðisþrek eru
lömuð af vímuefnum og tilfinn-
ingalíf úr skorðum gengið af
sömu sökum. Kristinn Vilhajlms-
son hefur hvergi hvikað frá því
heiti er hann vann Reglunni.
„Hann lærði af styrkleika stálsins
að standa við öll sín heit.“
Ég hafði þekkt Kristin um ára-
bil er ég komst að því að Davíð
Stefánsson frá Fagraskógi mun
hafa kveðið Höfðingja smiðjunn-
ar með föður hans Vilhjálm járn-
smið Hildibrandsson við Laufás-
veginn í huga. Mér þótti sem ég
skildi Kristin betur eftir að ég
vissi það, dirfsku hans og óvilni,
einlægni og hreinskilið hispurs-
leysi og þá tröllatryggð sem hon-
um er í brjóst lagin og ég og
fjölskylda mín höfum ekki farið
varhluta af.
Kristinn Vilhjálmsson er glaður
maður og vel málhress. Hann nýt-
ur þess að vera til, eiga skipti við
fólk, taka þátt i margvíslegu
amstri borgarlifsins. Hann þarf
ekki að fórna persónuleika sínum
á altari einhvers vímugjafans til
að njóta þess að vera til. Honum
liður prýðilega þó að daunillar
ölkrár séu hvorki við Laufásveg-
inn fagra né aðrar götur i borg-
inni hans. Hann er ekki það
innantómur að hann þurfi á slíku
að halda.
Þótt ekki væri fyrir annað ber
að þakka Kristni fordæmið. Og
fyrir margvisleg störf í þágu bind-
indissamtakanna um 40 ára skeið
eða lengur á hann skildar þakkir
allra sem unna gróandi þjóðlifi á
Islandi.
Við hjónin og börn okkar þökk-
um margan greiðann, vináttu
góða og tryggð frá því vorkvöld
eitt 1955 er Jarðarsbillinn flutti
okkur til starfa við Kirkjuhólma-
tjörn. Og við óskum Guðnýju og
börnunum til hamingju með eld-
fjörugan, ókalkaðan og hálf-
sjötugan Kristin Vilhjálmsson.
Ólafur Haukur Árnason
Kristinn er fæddur 13. mars
1912 að Vetleifsholti í Ásahreppi,
Rangárvallasýslu, sonur hjón-
anna Vilhjálms Hildibrandssonar,
bónda og járnsmiðs, og konu hans
Ingibjargar Ólafsdóttur er þar
bjuggu.
Þegar Kristinn hafði slitið
barnsskónum réðst hann í nám í
blikksmíði til Einars Pálssonar
blikksmiðameistara og lærði hjá
honum. Að afloknu námi fer hann
svo til Danmerkur og eftir dvöl
sina þar kemur hann heim og
ræðst þá til Hitaveitu Reykjavik-
ur, þar sem hann starfar óslitið
um 20 ára skeið eða þar til hann
gerist framkvæmdastjóri fyrir
Templarahöllinni að Eiríksgötu 5.
Þetta er svona i stórum dráttum
lifshlaup Kristins. Ekki er samt
hægt að skiljast svo við Kristin, að
ekki sé minnst á hans hjartans
mál, sem er bindindi. í bindindis-
málum er Kristinn vakandi og
sofandi, ef svo mætti að orði kom-
ast. Hann gekk snemma á ævinni
Góðtemplarareglunni á hönd og
hefur starfað þar óslitið siðan og
með þeirri ósérhlifni, sem honum
er eiginleg.
Hann var sivinnandi fyrir
félagsskapinn, þegar þeir byggðu
Jaðar og var þá ekki verið að
hugsa um vinnutíma eða hvað það
gæfi í aðra hönd í peningum i
hans vasa. Bara að koma húsinu
upp. Þegar svo verkinu var Iokið
ráku teplarar það sem félags-
heimili, fengu erlenda skemmti-
krafta og héldu þar ýmsar
skemmtanir og alltaf var Kristinn
einn aðalmaðurinn.
Jaðar var svo síðar rekinn sem
barnaheimili undir stjórn Krist-
ins, þar til Reykjavíkurborg
keypti eignina.
Árið 1940 gekk Kristinn i
hjónaband með unnustu sinni
Guðnýju Torfadóttur, sem uppal-
in var hjá þeim merkishjónum
Jóni Pálssyni, bankaféhirði, og
önnu Adolfsdóttur.
Þau byrjuðu búskap sinn að
Laufásvegi 59 og hafa búið þar
óslitið siðan. Kristinn og Guðný
eiga tvö börn, sem bæði eru
búsett í Noregi. Þau heita Anna
Sigriður, gift Norðmanni, Finn R.
Fredreksen, og Jón, ógiftur.
Um leið og við hjónin þökkum
Kristni alla velvildina og góðvilj-
ann til okkar á undanförnum ára-
tugum, óskum við honum og fjöl-
skyldu hans alls hins besta á kom-
andi árum og vonum að hann eigi
enn eftir að vinna stóra sigra fyr-
ir bindindishreyfinguna í land-
inu.
Margir verða áreiðanlega til að
lita inn að Laufásvegi 59 i dag,
þar sem afmælisbarnið tekur á
móti vinum sinum og kunningj-
um.
Sigurborg Kristbjörnsdóttir.
Vinur minn Kristinn Vilhjálms-
son verður 65 ára i dag. Hann er
fæddur á Suðurlandi, nánar til-
tekið Vetleifsholti í Rangárvalla-
sýslu. Foreldrar hans voru Vil-
hjálmur Hildibrandsson bóndi
þar og járnsmiður og kona hans
Ingibjörg Ólafsdóttir. 1919 brá
Vilhjálmur búi og fluttist til
Reykjavikur. Þar fór Knstinn í
blikksmiðanám. Árin 1936 — 39
dvaldi Kristinn i Danmörku. 1943
gerðist hann starfsmaður Hita-
veitu Reykjavikur og vann þar
unz hann tók við forstöðu Templ-
arahallarinnar 1967 en áður eða
allar götur frá 1944 hafði hann
starfað fyrir húsráð góðtemplara i
Rvik. Og það er að sjálfsögðu á
þessum félagsmálavettvangi, sem
við kynntumst og höfum tengst
vináttuböndum. 1934 gekk Krist-
inn i stúku svo að hann á nú að
baki langan feril. Kristinn hefur
ætið látið sig miklu skipta yngstu
borgarana. Hann er faðir Hrann-
ar, fyrsta ungtemplarafélagsins.
Þá hefur hann verið gæslumaður
barnastúku og gegnir nú stöðu
umdæmisgæslumanns.
Kristinn er góður ræðumaður,
svo góður að ég hefi heyrt ágætan
prest óska eftir honum i sina
stétt, hann er lika harður og fylg-
inn sér, vinur vina sinna en harð-
skeyttur andstæðingur þeirra,
sem litlir eru hugsjónamenn
ellegar hafa yfir sér skikkju
hræsnarans og skiptir þá litlu
hvort þeir teljast bindindismenn
eða ei. Satt að segja held ég að
templarar væru snöggtum verr á
vegi staddir í Rvík. ef Kristins
hefði ekki notið við. Á marga
lund hefur þessi sjálfmenntaði
blikksmiður verið sverð þeirra og
skjöldur í höfuðstaðnum nú um
hrið. Ég á margar skemmtilegar
minningar um Kristin og konu
hans, Guðnýju Torfadóttur, og tel
mér það til tekna að Árni Helga-
son hefur í gamankvæði flokkað
mig meðal „skutulsveina Krist-
ins“.
Ýmsir hafa reynt að gera litið
úr starfi Kristins meðal
bindindismanna en þegar á reyn-
ir, þegar öll sund hafa verið lok-
uð, þá er kallað á Kristin og oft
hefur hann leyst vandann.
Kæri vinur. Ég vona að við eig-
um enn mörg sameiginleg ferða-
lög fyrir höndum — ferðalög með
Óla Jóns eða einhverjum sem
aldrei lætur deigan siga.
Lifðu heill.
II ilmar Jónsson.
Stjórnarlistinn
féll í Lög-
reglufélaginu
NÝLEGA fór fram stjórnarkjör í
Lögreglufélagi Reykjavlkur.
Tveir listar voru í kjöri, A-Iisti
stjórnar með Rúnar Guðmunds-
son sem formannsefni og B-Iisti
borinn fram af Birni Sigurðssyni
og fleirum. Urðu úrslit þau, að
A-listinn hlaut 85 atkvæði en B-
listinn 133 atkvæði.
Formaður næsta kjörtimabil er
Björn Sigurðsson, en aðrir í
stjórn Eggert N. Bjarnason, Gylfi
Guðjónsson, Hrafn Marinósson,
Guðmundur Guðbergsson,
Jóhann Löve og Arnþrúður Karls-
dóttir.
Fráfarandi formaður, Gísli
Guðmundsson rannsóknalög-
reglumaður gaf ekki kost á sér til
endurkjörs.
VI (a.VSIM;ASIMINN KR:
5» 22480
JBoromvblnliiíi