Morgunblaðið - 02.06.1977, Qupperneq 11

MORGUNBLAÐIÐ, FIMMTUDAGUR 2. JÚNl 1977
11
Helga Jónsdóttir í hlutverki Ilelenu fögru og Arnar Jónsson í
hlutverki París
HELENA
MEÐ HIPPUM
HELENA FAGRA
Söngleikur upphaflega saminn
af Henri Meilhac og Ludovic
Halévy.
Kristján Arnason Islenskaði og
endursamdi.
Leikgerð:
Brynja Benediktsdóttir
og Sigurjón Jóhannsson.
Tóniist:
Jacques Offenbach.
Tónlistarstjóri:
Atli Heimir Sveinsson
Illjómsveitarstjórn:
Atli Heimir Sveinsson.
Lýsing:
Kristinn Danlelsson.
Leikmynd og búningar:
Sigurjón Jóhannsson.
Leikstjórn:
Brynja Benediktsdóttir.
Um þýðingu slna á Helenu
fögru segir Kristján Arnason
að til fyrirmyndar við gerð
■slenska textans hafi verið „að
aðlaga verkið eigin aðstæðum".
Kristján segir ennfremur: „Hér
á landi hlýtur margt að taka á
sig sérstaka mynd, og þótt
meginþráður verksins sé
óbreyttur og margt megi heita
bein þýðing, hefur sumt verið
umsamið á þann veg, að ekki
ætti að fara fram hjá glöggum
áhorfendum, og þýi ætti að
vera óþarfi að fjölyrða um
það“. Síðan lýsir Kristján því
hvernig ýmislegt færðist til og
breyttist i textanum samkvæmt
óskum og hugmyndum aðstand-
enda sýningarinnar. Brynja
Benediktsdóttir bendir á
hvernig Offenbach beindi skopi
sinu að léttúð og umhverfi síns
tíma. Hún segir: „Hér á Islandi
eigum við enga óperettuhefð til
að snúa út úr, þess vegna kom
upp spurningin: hvernig getum
við notað verkið nú á þann hátt,
sem Offenbach gerði á sinum
tima?“ Sigurjón Jóhannsson
lýsir þvi hvernig sú leió var
valin að flytja verkið inn i
íslenskt umhverfi með þvi að
láta það gerast i hugarheimi
barnsins: „Við vorum öll sam-
mála um að hafna hinni klass-
isku umgjörð af þvi að forsend-
ur höfundar stæðu ekki undir
henni. Okkur kemur ekki við
hvernig Offenbach fjallaði um
París fyrir einni öld, heldur
Reykjavik í dag og heimurinn í
dag“. Þetta er gott og blessað,
en aftur á móti hverflar það að
njótanda sýningarinnar hvort
ekki hefði verið rétt að hafna
Offenbach líka, semja nýja tón-
Lelklist
eftir JÓHANN
HJÁLMARSSON
list. Hvað er karlinn að þvælast
fyrir?
Að öllum þönkum um upp-
runa leiksins og tildrög sýn-
ingarinnar slepptum skiptir
mestu að njóta þess sem fram
er borið. Brynja Benediktsdótt-
ir leggur aðaláherslu á leik-
ræna hlið veksins. Textinn
skiptir stundum litlu máli.
Hreyfing og lff sviðsins kemur I
staðinn. Hér birtist Iíka sá
vandi að margt söngfólk virðist
ekki getað skilað texta þannig
að hann sé skiljanlegur. Þetta
gildir að sjálfsögðu ekki um
alla, en af þessum sökum verð-
ur textinn oft marklaus, mér
liggur við að segja óþarfur.
Hópatriðin eru að minum
dómi það besta I sýningunni.
Hipparnir með Leif Hauksson i
broddi fylkingar (hann leikur
Örestes, son Agamemnons)
hleypa lífi i hinn goðsögulega
efnisþráð. Það er út af fyrir sig
afrek að takast að fá jafn
sundurleitan hóp og leikara,
einsöngvara, kór, poppsöngvara
og dansflokk til að vinna sam-
an. Hitt er svo annað mál að
maður fær það stundum á til-
finninguna að framlag hópsins
hefði notið sín jafn vel án
tengsla við Helenu fögru. Sama
er að segja um einsöngvarana,
þessi sællegu sýnishorn alls-
nægtaþjóðfélagsins. Þeim var
ákaft fagnað af áhorfendum,
enda engar liðleskjur á ferð. En
drykkjulæti þeirra urðu sjálf-
stæður hluti sýningarinnar og
hefðu notið sín vel í kabarett.
Um leik þeirra Helgu Jóns-
dóttur (Helenu) og Arnars
Jónssonar (Parisar) er það að
segja að þau ná góðum tökum á
þessum ýktu hlutverkum. Sér-
stök ástæða er til að þakka Arn-
ari fyrir skýra framsögn.
Róbert Arnfinsson (Kalkas hof-
goði) Iagði mesta rækt við
kæki, geiflaði munninn af mik-
illi list. Arni Tryggvason
(Menelás) fór með hlutverk
sitt af kunnáttu, enda snjall
skopleikari eins og flestum
mun kunnugt.
Sýningin var i heild sinni vel
æfð og alúð lögð við smáatriði.
Engu að síður var hún lang-
dregin. Eins og fyrr hefur verið
minnst á heyrðist textinn illa.
Það gerði ef til vill ekki svo
mikið til sé það haft í huga að
það sem náði fram i salinn virt-
ist heldur rislítið, skírskotan-
irnar til samtimans að mestu
gömul tugga. Ádeilan, ef ádeilu
skyldi kalla, líktist helst frasa-
safni.
Mér er ekki alveg ljóst erindi
Helenu fögru á svið Þjóðleik-
hússins að þessu sinni. Kannski
var aðeins verið að minna okk-
ur á hefð sem ekki er til á
Islandi og að hér geti hún
naumast náð fótfestu?
Villtu losna vHI\ adf skrapa?
Þá er lausnin einfaldlega
sú, að nota frá upphafi
ARCHITECTURAL
SOLIGNUM á viðinn.
Það er staðreynd, að
ARCHITECTURAL
SOLIGNUM flagnar ekki af
viðnum og hefur ótrúlega
endingu.
Architectural
SOUGNUI

'w
%
"/ >—
—

FRAMLEGÐ
námskeið fyrir frystihús, á
Akureyri, Isafirði og
Hallormsstað
Nýtingareftirlrt
Rekstrartækni s.f. gengst fyrir námskeiði í notkun aðferða og eyðu-
blaða, sem notuð hafa verið með góðum árangri í daglegu nýtingareftir-
liti frystihúsa.
Þjálfun
Námskeiðið er þjálfun í notkun einfaldra aðferða, en kennslugögnin má
síðan nota sem fyrirmynd í raunverulegu starfi.
Leiðbeinendur
Gísli Erlendsson, tæknifr.
Már Sveinbjörnsson, tæknifr.
Staður og tími
Hótel KEA, Akureyri, 6. og 7. júní n.k.
Hótel Edda, ísafirði, 9 og 10júnín.k.
Sumarhótelið, Hallormsstað, 1 4 og 15júnín.k.
Þátttaka og upplýsingar
Vinsamlegast tilkynnið þátttöku I síma (91) 37850 eða (91) 37330.
rekstrartækni sf.
Skipholti 70 — Sími: 37850 - 37330
VANTAR ÞIG VINNU (n
VANTAR ÞIG FÓLK {

ÞÚ AUGLÝSIR UM ALLT
LAND ÞEGAR ÞÚ AUG-
LÝSIR í MORGUNBLAÐINU