Morgunblaðið - 08.06.1978, Blaðsíða 43
MORGUNBLAÐIÐ, FIMMTUDAGUR 8. JÚNÍ 1978
43
Martröð hjá Skotum
MÖGULEIKAR Skotlands á að komast áfram í HM keppninni
knattspyrnu ruku út í veður og vind er liðið náði aðeins jafntefli 1 — 1
á móti íran í Cordoba í gærkveldi.
Allur leikur skoska liðsins var í
molum og var sem enginn vilji
væri fyrir hendi hjá leikmönnun-
um. Fyrsta markið í leiknum var
sjálfsmark. Bakvörður Iran
Adranik sendi knöttinn í eigið
mark. Ætla mætti að þessi heppni
Skota hefði glætt hjá þeim áhuga
á leiknum en það var öðru nær.
Lið íran, sem barðist hetjulegri
baráttu allan tímann, náði að
jafna leikinn á 60 mínútu, og var
þar að verki Danaifard, sem
skoraði með góðu skoti. Leikurinn
var ekki vel leikinn hjá liðunum.
Áttu íranir síst minna í leiknum.
Um tíma réðu þeir lögum og lofum
á miðju vallarins svo ólíklega sem
það kann nú að hljóma í eyrum
margra. Skotland sótti nokkuð
framan af leiknum og átti nokkur
hættuleg tækifæri en þau fóru öll
forgörðum.
Dalglish átti gott marktækifæri
á 24. mínútu en skaut yfir, var
þetta ekki eina tækifærið sem
hann fór illa með. Hann lék sinn
56. landsleik fyrir Skotland og
þótti standa sig illa og var honum
skipt út af í lokin. Iranir komu á
óvart með getu sinni og dugnaði í
leiknum. Þessi heimsmeistara-
keppni hefur verið martröð fyrir
skoska liðið og þjálfara þess.
Áður en keppnin hófst var Allie
Mc Leod ófeiminn að láta í ljós þá
skoðun sína hve langt Skotland
ætti eftir að ná í keppninni og
jafnvel að taka bikarinn heim til
Skotlands. En samkvæmt frétta-
skeytum hafa leikmenn hans verið
eins og lítil lömb sem verið er að
leiða til siátrunar. Þeir fáu Skotar
sem horfðu á leikinn söfnuðust
saman fyrir utan búningsklefan og
hrópuðu á liðsmennina og þjálfar-
ann „þvílíkt rusl".
Lið Skotlandsi Alan Rough, Sandy
Jardine, Wille Donachie, Kenny Burns,
Martin Buchan, Archie Gemmill, Lou
Macari, Asa Hartford. Kenny Dalglish, Joe
Jordan (Harper), John Robertsson.
Lið írani Nasser, Nazari, Nasroilah,
Kazerini, Andranik, Parvin, Chasempoor,
Sadegi, Iraj, Faraki, Jahani.
Dómari, Youssou Diaye, Senegal.
3. riðil II 1 4. riðii II
Staðan ( 3. riðli eftir leikina (
gærkvöld:
Austurríki — Svípjóö 1:0
Brasilía — Spónn 0:0
Austurríki 2 2 0 0 3:1 4
Brasilía 2 0 2 0 1:1 2
Svípjóð 2 0 1 1 1:2 1
Spánn 2 0 1 1 1:2 1
Staðan í 4. riðli eftir leikína í
gærkvöldi:
Holland — Perú 0:0
Skotland — íran 1:1
Holland 2 1 1 0 3:0 3
Perú 2 1 1 0 3:1 3
Skotland 2 0 1 1 2:4 1
íran 2 0 1 1 1:4 1
mm
• Það er enginn ánægjusvipur á markverði Skota Alan Rough þar sem knötturinn rúllar út úr markinu
eftir hörkuskot írana eftir að þeir höfðu jafnað leikinn 1 — 1. Símamynd AP.
Litlaust jafntefli
HOLLAND og Perú gerðu jafntefli (
leik sínum í 4. riðli Heimsmeistara-
keppninnar sem fram fór í Mendoza
í gærkvöldi. Telja mó vist að pessi
tvö lið hafi tryggt sór rétt til
áframhaldandi pátttöku í keppninni.
Bæði liðin virtust stefna að jafntefli
pví ekki var annað að sjó í leikslok
en að pau sættu sig við úrslitin.
Bæði liðin virtust vera með hugann
við leikina um helgina en þá mætir
Holland Skotlandi og Perú mætir
íran. Jafntefli í þeim leikjum tryggir
Hollandi og Perú öruggt áframhald.
Væntanlega hafa liðin aðeins verið
aö spara púðrið fyrir þessa mikil-
vægu leiki.
Varla er hægt að tala um nein
alvarleg marktækifæri í leiknum í
gærkvöldi. Hollendingarnir voru þó
öllu aðgangsharðari við mark and-
stæöinganna og markvörður Perú
var sá leikmaður á vellinum sem
hafði mest að gera. Varla er þó hægt
að tala um að hann hafi fengið
umtalsvert skot á markið ef undan-
skilið er skot frá Rensenbrink í fyrri
hálfleik sem hann varöi vel. Var
Rensenbrink einna frískastur í liði
Hollendinga ásamt Jan Poortvliet
sem lék nú sinn fyrsta HM-leik.
Neeskens og Rene van der Kerkhof
meiddust í leiknum.
Áhorfendur voru 48 þúsund og
voru þeir ákaflega óánægðir með
þennan litlausa leik og láir þeim þaö
enginn.
Lið Ilollands, Jonghlod. Krol. Risjbcrgcn.
Suurbier. Poortvliet. Neeskens (Hanninga).
Jansen. Haan. Willy van der Kerkhof. Rene
van der Kerkhof (Rep) ok Rensenbrink.
Lið Perúi Quiroga. Duarte. Manzo.
Chumpitaz. Diaz, Velasqyez. Munante,
Cueto. Cuhillas. Oblitas. La Rosa (Sotil).
Dómarii Adolf Prokop. Vesturhýzka
landi.
Markhæstir
Markhæstu leikmenn Heims-
meistarakeppninnar:
Rensenbrink, Hollandi 3
Cubillas, Perú
Rossi, Ítalíu
Luque, Argentínu
Flohe, Þýzkalandi
Rummenigge, Þýzkalandi
Krankl, Austurríki
Línurnar teknar að skýrast
NÚ ERU línurnar teknar að skýrast (
HM keppninnl í Argentínu. í fyrsta
riðli hafa Argentína og Ítalía tryggt
sér sæti í átta liða keppninni. Þau
eiga eftir að leika sanyan innbyrðis og
má búast við jafntefli í þeim leik. Þó
má vera að Argentína leggi áherslu
á að sigra til að fá að leika áfram í
Buenos Aires en völlurinn þar tekur
flesta áhorfendur og er það ekki lítill
ávinningur fyrir heimamenn þegar í
úrslitakeppnina er komið. Staöan í
öðrum riðli er þannig að V-Þýskaland
og Pólland hafa tryggt sér áframhald.
Má búast viö því aö bæöi þessi lið
nái langt ( keppninni í þriöja riöli er
barátta geysihörð um að ná ööru
sæti í riölinum. Austurríki er komið
áfram.
Þaö yröi saga til næsfa bæjar ef
Brasilía kæmist ekki í lokakeppnina,
liöið sem flestir spáðu HM titlinum.
Spánn og Svíþjóö eiga sína mögu-
leika. Eitt er víst aö ómögulegt er aö
spá um hvaöa lið fer áfram með
Austurríki.
Gæti fariö svo að þaö
kæmi mörgum á óvart. Holland ætti
að vera nokkuð öruggt ( fjóröa riðli
ásamt Perúmönnum um sæti í átta
liða keppninni. Að öllum líkindum
fara Skotar og íranir heim.
ÞAÐ blæs ekki byrlega fyrir
FHingujn í 1. dcildinni þessa
dagana. Um hclgina síóustu sárt
tap fyrir ÍA og í gærkvöldi tap
fyrir ÍBV úti í Vestmannaeyjum.
FH-ingar eru því komnir á hnén
í dcildinni og verða aó taka sig
verulega á ef þeim á að verða
unnt að reisa sig við áður en í
óefni er komið.
Eyjamenn, sem léku loks eftir
nærri þriggja vikna hlé, komu
mjög ákveðnir til leiksins í gær-
kvöldi og með góðri baráttu og
mjög góðri knattspyrnu á köflum
unnu þeir sannfærandi sigur vfir
FH. 3:Ö.
Það var vestan strekkingur í
Eyjum í gærkvöldi og völlurinn
háll og þungur eftir rigningar. FH
lék undan vindi í fyrri hálfleik og
sótti meira fyrstu 15 mínúturnar
en smám saman náði ÍBV betri
tökum á leiknum, notaði stutt spil
og jarðarbolta. Sókn ÍBV þyngdist
eftir því sem leið á leikinn og á 40.
mínútu kom fyrsta markið. Þá lék
Örn Óskarsson laglega upp kant-
inn og gaf síðan hnitmiðaða
sendingu inn á Valþór Sigþórsson
sem stóð óvaldaður fyrir miðju
marki um metra frá vítateigslínu.
Valþór lagði boltann fyrir sig og
skaut síðan föstu jarðarskoti og
hafnaði boltinn í netinu út við
• Sigurlós Þorleifsson skoraói tvö
mörk ó móti FH i gærkveldi í Eyjum.
IBV vann
FH með yf-
irburðum
stöng. Gullfallegt mark hjá Val-
þóri.
Þannig var staðan í hálfleik og
eins og búast mátti við sótti ÍBV
mun meira í seinni hálfleik þegar
liðið hafði vindinn í bakið. FH-ing-
ar börðust þó vel í upphafi og náðu
IBV-FH 3:0
nokkrum vel uppbyggðum sóknum
gegn vindinum en Ársæll Sveins-
son hirti allt sem komst framhjá
varnarmönnum ÍBV. Annað mark
ÍBV kom á 61. mínútu og var það
hreint gull af marki. Eyjamenn
léku saman upp allan völlinn með
stuttum sendingum og allt í einu
sendi Óskar Valtýsson snögga
stungusendingu inn fyrir vörn FH,
Sigurlás Þorleifsson geystist á
eftir boltanum og af vítateigslín-
unni sendi hann boltann upp í
þaknetið með þrumuskoti án þess
að markyörður FH kæmi vörnum
við.
Það liðu aðeins. 10 mínútur og
enn skoruðu Eyjamenn glæsilegt
mark. Tómas Pálsson lék upp
hægri kantinn að endamörkum og
gaf boltann vel fyrir markið þar
sem Þórður Hallgrímsson kom á
fullri ferð og skallaði af alefli en
í stöngina fór boltinn og þeyttist
þaðan út í teiginn fyrir fætur
Sigurlásar sem skoraði auðveld-
lega með föstu skoti. Sem sagt 3
skemmtileg mörk, sem öll komu
eftir góða knattsp.vrnu Eyjaliðs-
- ins.
Þetta urðu úrslit leiksins og má
fullyrða að eftir gangi leiksins og
tækifærum hafi FH sloppið vel
með 3:0 tap. Eyjamenn léku
þennan leik mjög vel og eru
greinilega að ná sér á strik. Beztu
menn liðsins voru Sigurlás Þor-
leifsson og Þórður Hallgrímsson.
FH-liðið á greinilega við vandamál
að stríða. Liðið lék oft laglega úti
á vellinum en allan brodd vantaði
í sóknina og vörn liðsins var slök.
Janus Guðlaugsson átti í vandræð-
um vegna meiðsla en var samt
áberandi bezti maður liðsins.
í STUTTO MALIi
Vestmannaeyjavöllur 7. júní. (slandsmút-
ið 1. deild. ÍBV-FH 3.0 (1.0).
Mörk ÍBV, Valþór Siyþúrssun á 40.
mínútu og SÍKurlás Þorleifsson á 61. ok 71.
mínútu.
Áminningt ólafur Danívalsson Kult
spjald.
STAÐAN
Staöan: ÍA 4 3 10 14—3 7
Valur 3 3 0 0 10—3 6
Fram 4 3 0 1 7—4 6
Víkingur 4 2 0 2 7—8 4
Þróttur 4 12 1 5—8 4
ÍBV 3 2 0 1 5—3 4
ÍBK 4 0 2 2 5—7 2
KA 4 0 2 2 2—4 2
FH 4 0 2 1 3—12 2
UBK 4 0 13 3—11 1
Markhæstu menn:
Matthías Hallgrímsson ÍA
Arnór Guðjohnsen Víking
Albert Guðmundsson Val
ÍBV: Ársæll Sveinsson 3, Örn Óskarsson 3, Snorri Rútsson 2, Þórður
Hallgrímsson 4, Friðfinnur Finnbogason 2, Sveinn Sveinsson 2, Valpór
SigÞórsson 2, Óskar Valtýsson 2, Sigurlás Þorleifsson 4, Tómas
Pólsson 3, Karl Sveinsson 2.
FH: Þorvaldur Þóröarson 2, Pólmi Jónsson 2, Jón Hinriksson 2, Gunnar
Bjarnason 2, Janus Guðlaugsson 3, Pólmi Sveinbjörnsson 1, Logi
Ólafsson 2, Ólafur Danivalsson 3, Leifur Helgason 2, Andrés
Kristjónsson 2, Viöar Halldórsson 2, Ásgeir Arnbjörnsson (vm.) 1,
Benedíkt Guðbjartsson (vm.) 1.
DÓMARI: Valur Benediktsson 2.