Morgunblaðið - 16.06.1978, Blaðsíða 19

51
MORGUNBLAÐIÐ, FÖSTUDAGUR 16. JÚNÍ 1978
BLÖM
VIKUNNAR
UMSJÓN: ÁB. 159 ajj
Lew. rediviva — Iluldublaðka.
FJALLABLAÐKA
iii
Lewisia
Engjablaðka (Lew. nevadensis)
og Fingrablaðka (Lew.
brachycalyx) eru líkar enn all
mikið frábrugðnar þeim tegund-
um sem nefndar voru í síðasta
þætti. Báðar bera þykk og
safamikil blöð og fannhvít
frekar stór blóm á
Stuttumstönglum svo að öll
plantan verður ekki nema 3—5
sm á hæð. Báðar hafa þær
reynst all harðgerar og hafa
lifað hér úti marga vetur.
Dvergblaðka (Lew. pygmæa)
er lík síðastnefndu tegundum í
vexti. Hún ber þó mjórri blöð
sem visna að mestu niður við
blómgun og blómin eru bleik-
rauð á lit. Hún virðist einnig
allharðger.
Huldublaðka (Lew. rediviva)
sem ég ætla að láta reka hér
lestina er þó mesti furðufuglinn
í þessum systkinahópi. Upp úr
toppi þéttra blaða sem aðeins er
um 5 sm hár birtast afarstórir
blómknúppar sem ekki virðast
vera í réttu hlutfalli við þessa
smávöxnu jurt. Og einn góðan
'vordag opnast þeir í stærðar
rósrauð stjörnulaga blóm (þau
geta verið yfir 10 sm í þvermál)
sem virðast í enn meira ósam-
ræmi við þennan litla blaðtopp
sem fyrir var og sem reyndar
gefst nú alveg upp og visnar með
öllu meðan blómgun stendur
sem hæst. Margur byrjandinn í
ræktunarstarfinu hefur þá orðið
alvarlega skelkaður og haldið að
nú væri gripurinn að gefa upp
öndina því eftir að blómin eru
fallin er ekkert lífsmark að sjá
með plöntunni. Nei — ekki
aldeilis! Þegar haustar birtist
græni blaðtoppurinn að nýju og
bíður næsta vors. Inniræktun i
pottum sem geymast þurrir yfir
veturinn er víst eina leiðin til að
gera þessari skemmtilegu jurt
til hæfis hér — en hún borgar
líka fyrirhöfnina.
Huldublaðkan var sú tegund
sem Lewis fann og lýsti og var
því fyrsta tegundin sem þekkt
varð. Indíánarnir sem hann
komst í kynni við á ferð sinni
grófu upp hinar sveru rætur og
notuðu til matar. Leiðangurs-
menn voru þó víst ekki alltof
hrifnir af þeim matföngum —
þótti bragðið nokkuð biturt og
nefndu jurtina „bitterroot"
(biturrót) og því nafni heldur
hún enn í vesturheimi.
Ó.B.G.
KRAKKARNIR á myndinni efndu fyrir nokkru til hlutaveltu til ágóða
fyrir Styrktarfél. lamaðra og fatlaðra. að Skipasundi 66 hér í bænum.
Þau siifnuðu rúmlega 13.500 krónum. Krakkarnir heitai Ólöf Agústa
Jónsdóttir. Sigrún Lilja Guðbjartsdóttir og framan við þa*r Arnþór
Jónsson og Ragnhildur Inga Guðbjartsdóttir.
Ný bíla-
leiga
Bryndís Víglundsdóttir skólastjóri afhendir nýútskrifuðum þroska
þjálfa prófskírteini.
14 þroskaþjálfar
brautskrádir í ár
Bílasalan Braut, sem varð
tveggja ára á dögunum, hefur
nú fært út starfssvið sitt, því
nú rekur fyrirtækið jafnhliða
bílasölunni bílaleigu. Hjá bíla-
leigu Brautar eru nú 15 bílar,
allir nýir og eru þeir af
gerðinni Lada Topas, Ford
Fiesta, Mazda 818, Blazer og
Renault-sendibílar. Bílaleigan
er opin alla daga frá kl. 8—19
nema sunnudaga.
Sú þjónusta hefur verið
tekin upp á bílaleigu Brautar,
að fólk utan af landi getur
hringt og pantað bíl og er
bíllinn þá sendur annaðhvort
út á flugvöll, að Umferðarmið-
stöðinni eða á eitthvert af
hótelum borgarinnar. Eigend-
ur Brautar eru bræðurnir
Haukur og Hafsteinn Hauks-
synir.
Myndina hér að neðan tók
Ól. K.M af nokkrum bílunum,
sem tilheyra bílaleigunni.
Þroskaþjálfaskóla íslands var
sagt upp í tuttugasta sinn föstu-
daginn 26. maí s.l. í Norræna
húsinu að viðstöddum fjölda
gesta.
Að þessu sinni brautskráðust 14
þroskaþjálfar frá skólanum 13
stúlkur og 1 piltur.
Við athöfnina ávarpaði Ingimar
Sigurðsson formaður skólastjórn-
ar gesti en Bryndís Víglundsdóttir
skólastjóri afhenti nemendum
prófskírteini og flutti síðan skóla-
slitaræðu.
Af hálfu nýútskrifaðra nemenda
talaði Þórdís Guðmundsdóttir og
flutti hún kveðjur hópsins og
þakkaði samstarfið. Einnig af-
henti hún skólanum að gjöf
fjárhæð til kaupa á blásturs- og
ásláttarhljóðfærum.
Fyrir hönd Félags þroskaþjálfa
mælti Dadda Ingvadóttir og árn-
aði skólanum heilla á tímamótun-
um og færði honum gjöf frá félagi
sínu. Einnig bárust blóm og
kveðjur víða að.
Barnakór Garðabæjar söng
nokkur lög undir stjórn Dóru
Guðfinnu Olafsdóttur við undir-
leik Jónínu Gísladóttur. Að lokinni
athöfn þágu menn veitingar í
kaffistofu Norræna hússins.
Frestur til að skila inn umsókn-
um fyrir næsta skólaár rann út 1.
júní s.l. Margar umsóknir bárust
en hægt er að veita viðtöku 20
nemendum. Fram til þessa hefur
þroskaþjálfastarfinu nær ein-
göngu verið sinnt af konum en
karlar sækja nú í æ ríkara mæli
inn í skólann.
Ályktun Sambandsstjómar
Iðnnemasambands íslands
IÐNNEMASAMBAND íslands
hefur sent Morgunblaðinu álykt-
un sem gerð var á sambands-
stjórnarfundi félagsins 3. júní s.l.
Fer hún hér á eftir óbreytt.
Sambandsstjórnarfundur Iðn-
nemasambands Islands haldinn
3/6 ‘78.
Ályktar eftirfarandi.
Iðnnemasamband Islands ávítar
harðlega ríkisstjórnina fyrir að
koma ekki til móts við verkalýðs-
samtökin um að samningarnir
síðan í vor skulu koma í gildi,
heldur nota löggjafarvaldið til að
slá ryki í augu verkafólks með því
að láta þá lægstlaunuðu fá óskerta
vísitölu á dagvinnu en skerða
stórlega eftir- og næturvinnu
þannig, að tíminn mun eta upp
þann %-mismun sem á milii er
dagvinnu og yfirvinnu.
Einnig mótmælir sambandið
harðlega þessa lagasetningu þar
sem hún nær í raun ekki til
lægstlaunaðahópsins innan verka-
lýðshreyfinarinnar þ.e.a.s. iðn-
nema. Samkvæmt þessu mun 1.
árs nemi fá aðeins um 25% af
vísitöluhækkunum.
Sambandið lýsir yfir samstöðu
sinni með baráttu verkalýðs-
hreyfingarinnar fyrir að fá samn-
ingana í gildi. Telur sambandið að
verkalýðshreyfingin og hver og
einn félagsmaður hennar, verði að
gera sér grein fyrir því, að meiri
og haröari aðgerðir þurfa að koma
til eigi árangur að nást.
Iðnnemasamband Islands krefst
þess að samningarnir komi þegar
í gildi og verkalýðshreyfingin láti
ekkert ófreistað til að ná þessum
kröfum fram.
Iðnnemasamband íslands.
VILTU SELJA?
VILTU KAUPA?
Komdu í Chrysler-salinn. Þar er bílaúrval
á boðstólnum. Ef þú vilt ekki notaðan bíl,
þá eigum við einnig nýja bíla frá CHRYSL-
ER. Við getum einnig selt notaða bílinn
fyrir þig í okkar bjarta og glæsilega sýn-
ingarsal.
Ekkert innigjald.
Þvottaaðstaða fyrir
viðskiptavini.
CHRYSLER
4^
IIIIOMIK iPlymauth
SIMCAlOadgo
Suðnrlandsbraut 10. Símar 83330 - 83454